टाटा नॅनो कार घ्यावी काय ?

मी नॅनोत बसलोय, चालवलीय, फर्स्ट हँड रिव्ह्यू ऐकला आहे. नॅनो बसायला अत्तिशय आरामदायक आहे. स्विफ्ट पेक्षाही भारी. हेड रूम, लेग रूम (मागे सुद्धा) अफाट. टाटा ने स्पेस युटिलायझेशन पहिल्यापासून सरस केलेलं आहे. नॅनो अपवाद नाही. चालवायला सुद्धा वाईट नाही. थोडा आवाज येतो. पण नव्या मॉडेलमधे तो नाहीये/कमी आहे असं ऐकलं. एसी मस्त. आता ऑटोमेटेड मॅन्युअल ट्रान्स्मिशन आहे. ब्लूटूथ म्युझिक सिस्टीम आहे. एकंदरित सुरेख फीचर्स. लगेज स्पेस आताच्या नव्या मॉडेलला आहे थोडीशी. बाकी त्या बाबतीत मार्क कमी. अर्थात गाडी ज्या पर्पज साठी बनवली आहे ते बघता ठीक आहे. दोन चारशे किमी सहज जाईल. फक्त ६०-८० च्या पुढे नेण्याची ही गाडी नव्हे माझ्या मते. ब्रेक्स आर मिडिऑकर अँड कॉर्नरिंग कॅन बी क्वाईट अ थ्रिल. त्यामुळे.... बाकी काहीच हरकत नाही. गरीबांची कार, चारचाकी रिक्षा वगैरे अशी मतं ज्याची झाली असतील किंवा टाटा म्हणजे.. हं ! असं म्हणणारा जो असेल त्याला नॅनो कधीच आवडायची नाही. पण इट्स अ प्रॅक्टिकल कार, अँड अ डिसेंट मशीन टू हॅव. बाकी तुमच्यावर :) हा रिव्ह्यू बघू शकता. http://www.team-bhp.com/forum/official-new-car-reviews/164034-tata-nano-amt-automatic-official-review.html

नॅनो चा अनुभव नाही.. पण मुंबईत रोज गाडी वापरायची असेन तर सीएनजी वाल्या जास्त परवडतात... गावी जाण्याला नॅनो जास्त सुरक्षित नाही असे माझे मत ... त्यात टाटा आणि असे काही नाही.. जर सीएन्जी घ्यायची असेल तर वॅगनार कधी ही चांगलीच .. माझे तर असे मत आहे... जर चालवण्याची हौस असेल तर बजेट आनखिन थोडेशे वाढवुन .. स्विफ्ट पेट्रोल कींवा रिट्झ घ्यावी.. रिट्स दिसायला फक्त चांगली नाही... बाकी आतुन स्विफ्ट्च आहे... बाकी हे सर्व तुमच्या मनावर आहे.. कसे आणि काय ते .. मी फक्त सांगितले माझे मत . मी जुन्या गाड्या कधी प्रेफर करत नाही... नविनच घ्यायची.. आणि घेतानाच एकदा चांगली घेतली की पुन्हा काही जास्त टेंशन नाही...

एसी मस्त. आता ऑटोमेटेड मॅन्युअल ट्रान्स्मिशन आहे. ब्लूटूथ म्युझिक सिस्टीम आहे. एकंदरित सुरेख फीचर्स. १००% सहमत मि गेलि ३ वर्षे नॅनो वापरत आहे. ऑल्टो, वॅगन आर पेक्षा मुंबईत ऑटोमेटेड मॅन्युअल ट्रान्स्मिशन नक्कि उपयोगि होइल.

मी नॅनोचा अत्यंत सुखी कष्टंबर आहे. कोणत्याही प्रकारचं वाहन चालवणं हा वैताग वाटतो. तांत्रिक काही कळत नाही. पण घेतलेला अनुभव गोड मानून घ्यावा. लाँचच्या दिवशी नॅनो बघताक्षणी आवडली होती. तेव्हा चारचाकी घ्यायचा कोणताही विचार नव्हता. नंतर सुरक्षेच्या कारणासाठी गाडी घ्यायची वेळ आली, तेव्हा विचार केला - आपली नेमकी गरज काय? चार चाकं, डोक्यावर छप्पर, गुबगुबीत सीट आणि गाणी ऐकायला म्यूझिक सिस्टिम! बास! सीसी, टॉर्क, एबीएस, अ‍ॅलॉय व्हील्स वगैरे न समजणार्‍या गोष्टीत डोकं का घाला? तेव्हा मागे पाहिलेली नॅनो आठवली आणि तीच पक्की केली. तेव्हा नॅनो लॉटरी सिस्टिमवर मिळत असे. नॅनोच्या किमतीएवढी रोकडही हातात नव्हती. एरवी योगबिग असल्या गोष्टींवर विश्वास नाही ठेवावासा वाटत, पण अशा घटना घडत गेल्या की एक दिवस पुण्यातली चौथी नॅनो घरी आली! ऐन पावसाळ्याचे दिवस. बालगंधर्व चौकात स्विमिंग पूल तयार होतो. होंडा सिटी सारख्या ग्राऊंड क्लियरन्स कमी असलेल्या गाड्या बंद पडताना पाहिल्या. ते पाणी कापत उंचनिंच नॅनो मात्र दिमाखात जात असे. एकूण लांबी कमी असल्याने लोकांच्या गाड्या जिथे आडव्या लावतात, तिथे मी नॅनो उभी पार्क करत असे! बारकुंड्या गल्ल्यांमध्ये इतर गाड्या वळण्यासाठी उलटसुलट प्रयत्न करत असताना नॅनो मात्र एका फटक्यात गोल वळत असे. (पुण्याची माहिती असणार्‍यांसाठी - बॅ० गाडगीळ स्ट्रीट, कोकण एक्स्प्रेसशेजारची गल्ली.) ड्रायव्हिंगचा कंटाळा असल्याने पुण्याबाहेर फारशी नेली नाही, पण जेव्हा नेली तेव्हा हायवेवर त्रास झाला नाही. पिरंगूट-पुणे चढबिढ व्यवस्थित चढली. साडेतीन वर्षांच्या काळात नॅनोने काही म्हणता काही त्रास दिला नाही. रोज तीसेक किलोमीटर गर्द ट्रॅफिकमधून हाणत असे. माझ्या दिव्य ड्रायव्हिंगमुळे मी मात्र नॅनोला चिक्कार त्रास दिला - मुरारबाजीसारख्या अनेक जखमा अंगावर वागवत होती. नेहेमीच्या सर्व्हिसिंगव्यतिरिक्त काहीही जास्त केलं नाही. पुढे भारताबाहेर जाताना नॅनो विकायची वेळ आली. मित्रांच्या मते हे डबडं कोणी घेणार नव्हतं. पण नॅनोला बघता बघता चक्क चार मागण्या आल्या! त्यातल्या एकाला विकली. (डबडं म्हणणार्‍यांपैकीच एकाला - त्यांच्या घरी माणसापेक्षा जास्त मान गाड्यांना आहे. त्यामुळे मुलगी सुस्थळी पडली आहे अशी खात्री होतीच.) तो अजूनही वापरतो. __________ त्या काळी नॅनो नवी असल्याने अशक्य किस्से घडत. नॅनोचे दोन किस्से सांगितल्याशिवाय रहावत नाही: १. संचेती हॉस्पिटलच्या सिग्नलवर थांबलो होतो. शेजारी एक टू-सीटर ऑडी येऊन थांबली. नेहेमी न पहायला मिळणारी भारी गाडी शेजारीच आल्याने मी पहात होतो. ऑडीची काच उघडली, आणि आतला माणूस माझ्याइतक्याच उत्सुकतेने नॅनोकडे पहायला लागला! मी त्याच्याकडे पहातोय हे लक्षात आल्यावर विचारलं, "कशी आहे हो गाडी?" मी म्हटलं, "चांगली आहे." मग बावळटासारखं विचारलं, "तुमची कशी आहे?!" २. रात्री आठ-साडेआठला कर्वेनगरातल्या एका गल्लीत नॅनो थांबवून शांतपणे बिडी मारत उभा होतो. शेजारी एक मर्सिडीज येऊन थांबली. मर्सिडीजला शोभेल असा, मध्यमवयीन माणूस उतरला, आणि म्हणाला, "मी चालवून बघू का? तुम्ही शेजारी बसा." मग मला शेजारी बसवून त्याने कर्वेनगरातल्या गल्ल्यांमधून गोल गोल फिरवलं. परत मूळ जागी आल्यावर थँक्यू-पूर्वक उतरला, आणि म्हणाला, "छान बनवली आहे गाडी, पण अजून रिक्षासारखा आवाज बंद नाही करता आला त्यांना..." हे गृहस्थ टाटा मोटर्सला कोणतातरी पार्ट पुरवणार्‍या अ‍ॅन्सिलरी कंपनीचे मालक होते. त्यांना बरेच दिवस नॅनो चालवून बघायची होती, आणि मी निवांत उभा दिसल्यावर त्यांना मोह आवरेना!

दोन वेळा चालवुन बघितली आहे मुंबईसारख्या गर्दीच्या ठिकाणी चांगली गाडी आहे. तिचा आवाज एक सोडला तर बाकी सगळं छान आहे :)

ड्वा ले पा णा व ले गा डी चे कओ तु क ए कु ण. न व रा २ व र्ष झा ले चा ल व तो य. का ही त्रा स ना ही. आ णि आ म ची मी ठ भा क री टा टा क डु न च मि ळ ते. घ्या बि न धा स्त.

सेंट्रल कन्सोल मात्र आवडला नाही. स्टिअरिंग च्या मागे असलेला कन्सोल पहायला जास्तं सोप्पा जातो.

या भारतवारीत न्यानोमध्ये बसायला मिळालं. माझ्या जाऊबाईंनी लक्षुमी रोडसारख्या गर्दीच्या रस्त्यांवर फिरायला ही वेगळी गाडी घेतलीये (त्या फक्त शॉपिंगलाच जातात असे नाही तरी सगळे चिडवतात). उंच मनुष्यालाही व्यवस्थित बसता येते हा सुखद अनुभव होता. मलातरी फारच आवडली! ते सगळेजण पुण्यापासून दोन ते तीन तासांसाठी प्रवास करताना आरामात नियमीत वापरतात. काहीही त्रास नाही असे बोलताना समजले. मला कधी भारतात गाडी घ्यायची वेळ आल्यास हा पर्याय नक्कीच असेल.

सेफ्टी नाहीये ज़रा ठोकली तर खर्च जास्त

सिटी कार म्हणून णॅणोला दहापैकी दहा मार्क. आउटडोअर म्हणाल तर दोन येड्यांनी लदाख टूर मारली आहे नॅनोमधून. नवीन नॅनो सर्वोत्तम चॉइस. बाकी भंगार गाड्यांत बजेट वाढवून पैसे घालवण्यापेक्षा ही बरी... कार चालवण्याचा अनुभव नसेल आणि जुन्या गाड्यांमधे इच्छा असेल तर भरपूर चॉइस २ लाखात मिळतील. वरचे एक लाख बाजूला ठेवा पुढच्या चार-सहा वर्षाच्या मेंटेनन्स साठी. चार वर्षांनी नविन गाडी घ्या. (माझी वेळ होती तेव्हा मी नॅनोऐवजी २००० सालची १० वर्षे पण उत्तम कंडीशनवाली जुनी लान्सर दिड लाखात घेतली. तेवढ्याच पैशात दहापट कम्फर्ट, पॉवर, पिकप आणि स्टाईल, इत्यादी इत्यादी मिळाले. बाकी अपना अपना चॉईस..) कुठलाही निर्णय घेण्याआधी आपल्या बजेटमधे येणार्‍या सर्व नव्या जुन्या गाड्यांची ट्रायल घ्या. नंतर पस्तावायला होत नाही. कारण किमान ५ वर्ष दिवस रात्र ती गाडी आपल्याला चालवायची असते. इन दी एन्ड, एवरी मशीन चूजेस इट्स मॅन...

माझ्या भावाने जुन्या मॉडेलची नॅनो रिलीज झाल्याझाल्या घेतली आहे. सहप्रवासी म्हणून बसायला अतिशय आरामदायक. उत्तम लेगरुम. एसी, म्युझिक सिस्टम असे बाकीचे सर्व फीचर्स फारच छान. मायलेजही चांगले मिळते. मुख्य म्हणजे महागड्या कॉम्पॅक्ट सेगमेंट गाड्यांचे जितके डेप्रिसिएशन होते तितक्या किमतीत नॅनो येते. उदा. मी पाच लाखाला आय-१० घेतली होती. दोन-तीन वर्षानंतर ती विकावी लागली तेव्हा साधारण तीन लाखापेक्षा थोडे कमी पैसे मिळाले. त्याचवेळी भावाला सर्व खर्च पकडून सव्वालाखात नवी नॅनो मिळाली. आता विकायची म्हटले तरी त्याला साठसत्तर हजार सहज मिळतील. मात्र नॅनोच्या जुन्या मॉडेलला पॉवर स्टिअरिंग नसल्याने मला चालवायला तितकीशी मजा येत नव्हती. पॉवर स्टिअरिंगवाली नॅनो असल्यास अवश्य घ्या असे सांगावेसे वाटते.

नवशिक्या ड्रायव्हरने पहिली स्वतः चालवायची गाडी म्हणून आॅटो गिअर नॅनो घेणे कितपत बरोबर ठरेल सुरक्षेच्या दृष्टीने?

तिसरा प्रश्न घ्या! नवशिका ड्रायव्हर आॅटोगिअर नॅनो सुरक्षितता

फायदे १. लेग स्पेस सर्वोत्तम २. जोरात पळते ३. कुठेही पार्क करता येते ४. मायलेज उत्तम ५. रहदारीत चालवायला उत्तम तोटे १. इंजिन मागच्याबाजूला असल्याने मागच्या सीटवर बसल्यावर एसी फुल चालु असुनही गरम वारा अंगावर येतो. २. मी ज्या २ -३ गाड्यांमध्ये मागे बसलो त्यांच्यात मागच्या सीटवर इंधनाचा वास यायचा. ३. जुन्या गाडीत तरी पॉवर स्टीयरिंग नसल्याने वळवण्यास फार सोप्पी नव्हती. ४. हायवेवर गाडी स्टॅबल नाही वाटत. ५. रिक्शासारखा आवाज येत असल्याने आपण कव्हर्ड रिक्षात बसल्याचा फील येतो. माझे मत घरी एक गाडी असेल आणि दुसरी घ्यायची असेल तर जरुर विचार करावा. लांब पल्ल्यासाठी किंवा अधिक आरामशीर पर्याय म्हणून दुसर्‍या गाडीचा विचार करता येण्यासारखे असेल तर शहरात चालवण्यासाठी उत्तम. महागडी दुचाकी घ्यावी किंवा नॅनो घ्यावी या संभ्रमात असाल तर उत्तम. फक्त शहरात चालवण्यासाठी, उन / पावसापासुन संरक्षण म्हणुन, चारचाकी हवीच आणि बजेटमधेच हवी वगैरे कारणासाठी घेणार असाल तर उत्तम पर्याय. फक्त शहरात चालवणार असाल तर उत्तम पर्याय. गाडीत एकटेच (किंवा दुकटेच) बसणार असाल तर उत्तम पर्याय.

अव्ह्रेज कीती साधारण?

टाटा नॅनो टाटा नैनो माझ्याकडेही कार आहे? जुन्या चर्चा... काही काही गोष्टी अजूनही रीलेव्हंट असाव्यात... सगळ्या लिंका इथेच उघडतील.... त्या वेगळ्या टेबमध्ये उघडण्यासाठी काय करावे ते मला लक्षात नाही.

चार वर्षापुर्वी मी इंडिगो बदलली त्यावेळी मी सफारीची टेस्ट ड्राइव्ह घ्यायला गेलो होतो.तेंव्हा शोरुम मधल्या डिस्पेला ठेवलेली पिवळी नॅनो लेकीने पाहिली आणी बया त्यागाडीत जावुन बसली,त्यातुन परत उतरायचे मात्र नाव घेइना.कस बस खेचुन तिला त्यातुन बाहेर काढव लागल होत.रिलेशनशिप मॅनेजरच्या म्हणन्यानुसार टाटाच्या शोरुमला येणार प्रत्येक लहानमुल हा गोंधळ घालतच. एकुनात गाडी नक्की आकर्षक आहे.आणी मसुरी नैनीतालच्या डोंगरावर पण नॅनो फिरताना पाहिलीय म्हणजे गाडी नक्की दणकट असणार.

कारण नॅनो ही चार चाकंवाली रिक्षाच आहे!!!!!! पूर्वी एकदा हिच्यात बसण्याचं दुर्भाग्य लाभलेलं आहे!!!!! नव्या कोर्‍या, खळगे नसलेल्या रस्त्यावरचा हिचा परफॉर्मन्स देखील अगदीच बेकार जाणवला!!!!

मी अगदीच लेटेष्ट म्हणजे २ जूनला ऑटोमॅटीक नॅनो घेतली आहे. अतिशय उत्तम गाडी आहे. मी पहीली नॅनो बाय बॅक करून ही घेतली. जुनी नॅनो सुद्धा मी मुंबई- पुणे द्रुतगती मार्गावर चालवली आहे अनेक वेळा. डेअरिंग करून १०० पर्यंत नेऊन पाहीली. एकदम स्टेबल आहे. पण नंतर इमानदारीत ८० नी चालवली. व्यवस्थित आहे. जुनी आणि नविन मधला फरक मुख्यतः पेट्रोल कपॅसिटी आहे. २४ लि. क्षमता आहे. जुन्याची १५ आहे. ग्राउंड क्लिअरंस १८० मि.मि आहे. जर ऑटोमॅटीक घ्याल तर डिकि कपॅसिटी मॅन्युअल पेक्षा थोडी कमी आहे. पुण्यात ३,४७ ला जाते ऑटोमॅटीक टॉप एंड मॉडेल. पण ऑटोमॅटीक घ्या. सुख आहे चालवण्यात. किंमतीमध्ये अंदाजे २०-२५,००० चा फरक पडतो. पण शहरातला वाहतूकीचा वेग पाहता, उत्तम पर्याय आहे. आणि सर्वांत मुख्य म्हणजे डिकि बाहेरून उघडते. बाकी ब्लुटूथ टेप व कनेक्टीविटी वगैरे उत्तम (वैयक्तिक अनुभवः- आय फोन ६ कनेक्ट करता आला नाहीये. प्रयत्न चालू आहेत)

:)

तुमची गरज तुम्ही खालीलप्रमाणे नमुद केलेली आहे:

माझे बजेट साधारण ३ लाखांपर्यंत आहे. दैनंदिन वापर : घर ते ऑफीस रोज : ५० किमीपर्यंत. गावी जाण्यासाठी (साधारण २०० किमी अंतर वन वे) - वर्षातून २ ते ३ वेळा.

तर, ह्या गरजेनुसार तुम्हाला चारचाकी ही लांबच्या प्रवासासाठी नसून 'सिटीकार' ह्या वर्गवारीत मोडणारी हवी आहे असं दिसतं. ह्या निकषांवर उतरणारी दुसरी गाडी मला तरी दिसत नाही. (महिंद्राची एक अशीच छोटी चारचाकी आहे, पण तिचे रिव्ह्यू वगैरे ठाऊक नाहीत, अन नॅनोइतकी विकलीही गेलेली नाही.) माझी २०१२ ची नॅनो LX झक्कास चालतेय. रोजचे जवळपास ७० कि.मी.(घर-हापिस-घर) आणि दोनेक महिन्यांतून पुणे-बारामती चक्कर अशी दामटली जायची. काहीही अडचण नाही. वर काही प्रतिसादात वाचल्याप्रमाणे मागच्या सीटवर गरम वारं लागणं, इंधनाचा वास येणं वगैरे अनुभव आले नाहीत उलट ताकदवान एसीमुळं गाडी पटकन थंड होते. हां, आता इंजिनाचा आवाज येतो बॉ बाहेरच्यांना, पण आपण खिडक्या लावल्या अन एसी चालू केला की आपल्याला काही येत नाही बॉ आवाज. आरामदायीपणाबद्दल (कंफर्ट) बहुतांश तुलना असतात, पण मुळात ह्या गाडीचं सेगमेंटच वेगळं आहे त्यामुळं तिची तुलना अगदी इतर हॅचबॅक्स / स्मॉल कार्ससोबतही होऊ शकत नाही. नेमकी तिथेच चूक करतो आपण अन मग नॅनोमध्ये कमतरता आहे वगैरे म्हणतो. सिटी(पुरती)कार म्हणल्यावर, जे काही हवं आहे ते जवळपास सगळंच आहे. रोजचं अंतर कापण्यात दुचाकीवरुन ये-जा करणं आणि नॅनोमधून ये-जा करणं ह्या निकषावर ती तुलना व्हावी असं मला वाटतं. ऑटो-ट्रान्स्मिशनची नॅनो घेतली तर उत्तमच. निदान २०१२ च्या गाड्यांमध्येतरी क्लच बराच त्रासदायक होता. बंपर-टू-बंपर ट्रॅफिकमध्ये असताना डावा पाय दुखायला लागेल की काय असं वाटण्याइतपत क्लच घट्ट/हार्ड होता. जर सुरुवातीच्या नॅनोपेक्क्षा २०१२ ची इतकी चांगली असेल तर २०१५ची ऑटो-ट्रान्समिशनची तर अधिकच उत्तम असेल असा माझा अंदाज. तस्मात, घ्या बिन्धास्त. तुम्ही काय गाडी घेऊन रस्त्यात शिटा भरुन वाशी-पुणेस्टेशन अशी लाईन लावणार नाही ना? मग सगळं येवस्थित असतंय, नका जास्त विचार करत बसू. ह्याच धाग्यावर बर्‍याच नॅनोमालकांनी फर्स्टहँड अनुभव सांगितले आहेत ते वाचा न ठरवा. हाय काय अन नाय काय! :)

सेफ्टीच्या दृष्टीने नॅनो कशी आहे? आजकाल बाकी गाड्यांमधे ABS, Airbags वगैरे फीचर्स येतात, यात तसं काही आहे का? पुढे इंजिन नसल्यामुळे जर समोरुन जोरात धडक बसली तर चालकाला गंभीर इजा होण्याची शक्यता इतर गाड्यांच्या तुलनेने जास्त नाहीये का?

नॅनो मला आवडत नाही. तिचा मागचा लूक सिक्स सीटर रिक्षा पेक्षा कमी नाही. अधांतरी लटकल्यासारखी वाटखीरी सायलेखीरीची नळकांडी धूर ओकताना फार वाईट दिसते. तोच पाईप ग्रीव्हजच्या सिक्स सीटरप्रमाणे वर नेता नेता राहीला की काय अशी शंका येते. समोरून सुद्धा फारसा चांगला लूक नाही. आत बसल्यावर मात्र चांगला फील येतो हे नक्की. आवाज अजिबात डिसेंट नाही. सहाशे सीसीच्या इंजिनला चौदा ते सोळा मायलेज मिळणं हे काही चांगलं लक्षण नाही. या पेक्षा ८००सीसी / १००० सीसीची अल्टो चांगली. शेवीची १००० सीसीची स्पार्कसुद्धा खूप चांगली. स्पार्कला ग्राउंड क्लिअरन्स चांगला आहे. त्यात्यामधे ही लेगस्पेस भरपूर आहे (उंंचावर बसत असल्याने). सीएनजी वर अल्टो हायवेला ३४ -३६ तर स्पार्क २८ + असा मायलेज देते. सेकंड हँड कार्सची किंमत खूप कमी आहे आणि या कार्स आहेत सुद्धा चांगल्या. बाकी, तुम्ही ऐकावे जनाचे.. या उक्ती प्रमाणे तुम्हाला आवडेल ती कार घ्याल म्हणा. शुभेच्छा !

आल्तो CNG २२ किमी देते ARAI च्या आदर्श परिस्थितीत आणी शहरात १३-१५ देते. तेंव्हा ३५-३६ देते हे सांगणारा स्वतः ला फसवत आहे कि लोकांना फसवत आहे कि मारुती कंपनीला हे कळत नाही. राहिली आल्तो ची गोष्ट. CNG लावला तर गाडीची शाळेती कमी होते वातानुकूलन आहे कि नाही अशी शंका असावी इतपत चालते. माझ्याकडे मारुती ८०० होती( अल्टो हि तिचीच बहिण आहे ) आणी माझ्या वडिलांकडे नॅनो आहे. नॅनोचे सर्वात मोठे फायदे म्हणजे आतमध्ये अल्टो पेक्षा जास्त जागा आहे आणी त्याची वातानुकुलन यंत्रणा अतिशय उत्कृष्ट आहे.आणी मी महिन्याच्या दुपारीसुद्धा आतमध्ये थंडावा आहे. याच्या तुलनेत आल्टोची वातानुकुलन यंत्रणा जेमतेम आहे. नॅनोच्या आतमध्ये इंजिनचा आवाज अजिबात येत नाही कि मागच्या सीट वर गरम होत नाही. फक्त नॅनोला डिकी जेमतेम आहे त्याचे स्टीअरिंग घट्ट आहे. पण जर पॉवर स्टीअरिंग असेल तर नॅनो चालविणे हा एक आराम दायक अनुभव आहे. नॅनो मधून तिन्ही बाजूचा रस्ता स्पष्टपणे दिसतो आणी शहरातील भरगच्च रस्त्यावर हि गाडी चालविणे हे अल्टोपेक्षा नक्कीच जास्त सोपे आहे. हे सर्व माझे स्वतःचे अनुभव आहेत. जाताजाता ३५-३६ CNG वर अव्हरेज मिळत असेल तर मी होण्डा युनिकोर्न विकायला तयार आहे.

नॅनोच्या जन्मापासूनचा प्रवास आणि या धाग्याचा प्रवास दोघांमधेही खूप सारखेपणा जाणवतोय. सुरुवातीला नॅनोच्या वाट्याला आलेली तुच्छ गाडीची इमेज बदलून ती नक्कीच चांगली होत आहे ही आनंदाची बाब आहे. शिवाय या धाग्यावर जवळजवळ बर्‍याच दिग्गज मिपाकरांनी लावलेली हजेरी आणि स्वतःचे सांगीतलेले अनुभव नक्कीच उपयुक्त आहेत. थोडे दिवस अजून काही प्रतिसाद येताहेत काय हे बघून लवकरात लवकर निर्णय पक्का करतोय.

वरील सगळॅ रिप्लाय वाचले आहेत... माझ्यासारखे नॅनोबद्दल निगेटीव्ह रिप्लाय खुप कमी आहेत.. पण ज्यांनी खरे युज केली आहे त्यांचे म्हणे खरेच आहे.. त्यामुळे काही हरकत नाही... पण तरीही ३.४५ का काय कोणी म्हणाले ना.. येव्हडी किंमत दिली तर आणखिन १-२ लाख अजुन घातले तर चांगली गाडी येइल.. जिच्या मध्ये सेफ्टी जास्त असेल तुलनेने... फॅमिली बरोबर बाहेर जायचे म्हणजे सेफ्टी जास्तच हवी.. मी असे म्हणात नाही.. ५ लाखाच्या गाडीचा भरोसाच आहे, पण नॅनो पेक्षा जास्त सेफ्टी... मी आता पुन्हा नविन गाडी घेताना, पुर्ण सेफ्टी फीचर सहीत घेइन.. बाकी गाडीच्या दिसण्यावर असण्यावर थोडेफार पोझीटीव्ह निगेटीव्ह असतेच .. तुम्हाला सेफ्टी पेक्षा, फक्त सिटीमध्ये आरामात .. टुव्हीलर च्या ऐवजी गाडी हवी असेल तर नॅनोच बरोबर... पण तुम्हाला त्यच बरोबर फँमिली ट्रीप.. गावाकदे जाणे वगैरे साठी गाडी हवी तर थोडी सेफ्टी वाली जास्त चांगली.. भले तुम्ही १ वर्षांनतर गाडी घ्या पण ती योग्य घ्या ...

हा घ्या अजून एक नॅनोवाला रोचक धागा : :::::: नॅनो कार घेण्याचा विचार चालू आहे :::::: नॅनो खरे तर नॅनो ही वेगळी गाडी असल्यामुळे इतर "कार्स" ची तुलना उचित ठरत नाही. स्वतः वापरुन मत बनवावे. गेली चार वर्षे वापरतोय. आमचा अनुभव चांगला आहे.

नक्की घ्या, फक्त अ‍ॅटो ट्रांसमिशन नको कारण ३.५ लाखात अल्टो मॅन्युअल जास्त चांगला पर्याय आहे .मारुती गाड्यांचे जास्त आयुष्य, कमी देखभाल खर्च आणि चांगली रिसेल व्हॅल्यू ह्यामुळे मारूतीचे अल्टोचे पागडे (माझ्या मते) जड आहे. नॅनो अ‍ॅटो ट्रांसमिशन घ्यायची असेल तर हे अवश्य वाचा - http://www.team-bhp.com/forum/official-new-car-reviews/164034-tata-nano- amt-automatic-official-review.html स्लॅग्/डीले मुळे चढावावर (अगदी फ्लायओव्हर असला तरी) तारांबळ उडू शकते - खासकरून पहिल्यांदाच गाडी चालवत असाल तर! नॅनो मॅन्युअल एक खरंच उत्तम पर्याय आहे!

आमच्या बाबाची न्यानो कार आहे. त्याने ती त्याच्या बॉसकडून घेतली. त्याचा बॉस न्या म्ह्णत होता पण बाबा नो म्हणत होता म्हणून बहुतेक या कारला न्यानो असे म्हणतात. शेवटी बाबाने प्रमोशन आणि कार एकदम बॉसकडून घेतले. बॉस ने आता टोयाटो का काहीतरी घेतली आहे. पुढच्या प्रमोशनला आमच्याकडे टोयाटो असणार आहे.

एक वर्षांपूर्वी छोट्या कार्समधे टर्बोचार्जर नसायचा. हल्ली सर्रास वापर होतो. त्यामुळे इंजिनची पावर आणि मायलेज या दोन्हीमधे वाढ होते. मारुतीची नवी ६६० सीसी ची कार ४९ - ५१ सीसी इतकी अश्वशक्ती निर्माण करते. भारतात यायला अवकाश आहे. इंजिनची कार्यक्षमता हा निकष असायला हवा. किंमत हा निकष ठेवला तर हा धागा चर्चेला ठेवण्याची गरज नाही. दोन फटफट्या मधे वेल्ड केल्या आणि वरून हूड ओढलं तरी स्वस्तात कार मिळेल. कल्याण मधे डुक्कर रिक्षा मिळायची तशी कार सहज बनवून देता येईल. इंजिन ३५० सीसी. चंदीगढ मधे उप्र मधे हाताने बनवलेली रिक्षा मिळते. ती सहज कार मधे कन्व्हर्ट होईल. खूप स्वस्तात काम होईल. झालंच तर लॉनमूव्हरचं इंजिन वापरून पत्रे ठोकून कार बनू शकते. काही वर्षांपूर्वी सिक्स सीटर्स आल्या होत्या अशा.

धाग्याची शंभरी ओलांडली, तरी सत्कार कसा नाही झाला अजून.. जेपी भौ कुठे गेलेत? पण शंभराच्या वर प्रतीसाद होऊनही नॅनो घ्यावी की घेवू नये त्याचा उलगडा काय झाला नाही. धाग्याचा प्रवास मात्र नॅनो वरून हातगाडी पर्यंत झाला :)

गाडी स्वतः कधीही ६०-७० च्या पेक्षा जास्त स्पीडने चालवणार नसाल आणि गाडीच्या आजूबाजूने ६०-७० च्या पेक्षा जास्त स्पीडने जाणार्या गाड्या नसतील तर बिंधास्त घ्या वरच्या पैकी एखादी कंडिशन नसेल तर मात्र सेफ्टीचा विचार सगळ्यात आधी करा आणि मायलेजचा नंतर माझ्यामते चारचाकी घेताना खाली दिलेले मुद्दे सगळ्यात आधी विचारात घ्यावे (दिलेल्या क्रमाने) सेफ्टी (एबीएस, एअर बॅग्स, ई.) लेग स्पेस स्पेअर्स आणि सर्विसिंग सेंटर्स 1. Safety first ABS, Air bags, etc. 2. Internal usable space you may not go for long drive now...but in future you will definitely go for it 3. Spares cost and servicing cost and service center availibility Buying any car is very easy, maintaining it is difficult as well as costly या तिन्ही मुद्द्यांवर मला नॅनो कुठेच फिट्ट बसलेली दिसत नाही अजून १ महत्वाची गोष्ट, जी घरी नॅनो असणार्या कुठल्याच मिपाकराने लिहिलेली नाहिये जर कधी चुकुन माकून एखादी बाईक्/रिक्शा/चारचाकी नॅनोला हलकेच चुंबन/गळामिठी देउन गेली आणि सुदैवाने आतल्या माणसांना साधे खरचटले सुध्धा नाही तरीही बॉडीच्या दुरुस्तीचा खर्च अंदाजे किती असेल?

णॅणो नेहमीच भांडणाचा विषय होतेच होते तर... :-)

नॅनो नॅनो, ओरीजिलानो http://cdn2-b.examiner.com/sites/default/files/styles/image_content_width/hash/f1/d4/f1d4cf8f827f49a307fa1fbd7c0e6be8.JPG?itok=8eqYHM-j

टाटा nano घेण्यापेक्षा ऑटो घ्या किंवा चांगली bike घ्या! असली भिकार दिसणारी आणि चालणारी गाडी मी जगात पहिल्यांदा पहिली!

नॅनो ला नेहमी दयेच्या दृष्टीने पहिले जाईल पण गर्दी मध्ये घुसवायला , पटकन पार्क करायला नॅनो सारखी दुसरी गाडी नाही . घरात एकच गाडी वापरली जाणार असेल तर आल्तो बरी , जर दुसरी गाडी असेल तर शहरामध्ये चालवायला नानो सारखी दुसरी गाडी नाही ( रेवा आहे पण किमत काहीच्या काही आहे . )

टाटा nano घेण्यापेक्षा ऑटो घ्या किंवा चांगली bike घ्या! असली भिकार दिसणारी आणि चालणारी गाडी मी जगात पहिल्यांदा पहिली! >> can we buy auto for personal use? where to buy in Maharashtra/pune?do we need special license for driving? How much does it cost?

आज रिकामा वेळ सापडल्याने धागा परत वाचला. एकंदर सगळे प्रतिसाद वाचून, त्यातल्या त्यात धाविघाभु श्री काळापहाड यांचे सर्वव्यापी प्रतिसाद वाचून मनात एक (छोटीशी) शंका दाटून आली. इच्चारूनच टाकतो. कापासैब, तुम्ही पूर्वी टाटा मधे नोकरीला होता का हो? आय मीन, नोकरी का सोडावी लागली वगैरे काही इतिहास आहे का? हलके घ्या, रागावू नका.

कोणती गाडी घ्यावी याचा गुगलाभ्यास करताना हि website सापडली.. http://www.vahanpurchase.com/ निर्णय घेणं सोपं होते का बघा.

मी माझा भाऊ आणि आमचे वडील या तिघांत मिळून मारुती आणि टाटा च्या ९ गाड्या वापरल्या आहेत. यात नॅनो, इंडिका(पेट्रोल) सुमो आणि सफारी येतात, शिवाय मारुती ८००, अल्टो , वॅगन आर आणि स्विफ्ट येतात. टाटा च्या गाड्यांचे पत्रे आणि चॅसीस मारुतीच्या पेक्षा नक्कीच जास्त शक्तिमान आहेत त्यांचे सुटे भाग सुद्धा एकंदर जास्त स्वस्त आहेत आणि गाड्यांच्या देखभालीचा खर्च सुद्धा मारुती पेक्षा थोडासा कमी आहे.नॅनो मध्ये अल्टो पेक्षा जास्त आतील जागा आहे. अल्टोपेक्षा ए सी कितीतरी जास्त चांगला आहे.पण नॅनो स्वतःला चालवायला अल्टोपेक्षा कठिण वाटते( पॉवर स्टिअरिंग नाही आणि आहे हा फरक असल्याने) शिवाय मारुतीची इंजिने टाटा पेक्षा जास्त मुलायम आहेत. ऍव्हरेज मध्ये फारसा फरक पडत नाही. बाकी लोक काय म्हणतात याच्याशी आम्हाला कर्तव्य नाही. ज्याला नॅनो आवडेल त्याने ती घ्यावी असेच मी म्हणेन.

मी नॅनो आणि अल्टो दोन्ही वापरल्या आहेत ,नॅनोसारखी आटोपशीर गाडी नाही,अल्टोचे इंजिन स्मुथ असले तरी तीचात नॅनोएवढी स्पेस नाही हे खते आहे.लोकं नॅनो घेऊन् लेह लडाख करुन आले आहेत ,आता बोला?

आमच्याकडे २ नॅनो आहेत, पहिली (Basic Model) लाँच झाली तेव्हा घेतली होती आणि दुसरी (Topend mannual) २०१५ च्या दसऱ्याला घेतली होती. दोन्ही गाड्या ताशी ५५ ते ७० प्रतिकिमी च्या वेगाने चालवल्या तर सरासरी अनुक्रमे २४, २२ चे माईलेज देतात हे अनूभवातून सागतो आहे. माझ्याकडे नवीन नॅनो असते, दर आठवड्याला अंदाजे ३०० किमीचा प्रवास होतो ( चिंचवड-सातारा-चिंचवड). आताच माझे ९७०० हजार किमी पुर्ण झालेत. अतिशय चांगली गाडी,कोणती तक्रार नाही. कसलाही इंधनाचा वास येत नाही, हा मात्र आवाज येतो पण बाहेरच्याना ! तशीही गाडी आतून आपली असते :) तुमच्या २ चाकी पेक्षा कमी सर्वीस खर्च. बिनधास्त घ्या.

2.44 starting