आत्ताच याहूच्या संकेत स्थळावर गेलो होतो आणि एक सुखद धक्का बसला! त्यांच्या गृहपर्णावर (होमपेजवर भारतासाठीचे जे .in आहे त्यावर आहेच पण हे जगाचे मुख्य पान...) चक्क याहू या अक्षराच्या अलीकडे दोन लुकलुकत्या पणत्या आणि दुसरीकडे "हॅपी दिवाली" असा संदेश. त्याच्यावर टिचकी मारल्यावर दिवाळीवर विशेष माहीती मिळाली. वास्तवीक अशी रेखाटने मी गुगलच्या प्रमुखपानावर कायम पाहीली आहेत पण दिवाळीसाठी मात्र दिसले नाही... आजही त्यांच्या भारतासाठीच्या गृहपर्णावर एक रेखाटन आहे पण त्यात पणत्या वगैरे न दाखवता आकाशाकंदील वाटणारे पण "स्टार्स" दाखवले आहेत... तेंव्हा किमानपक्षी सामाजीक जाणिवेत भारतीय संस्कृतीचे योग्य प्रदर्शन केल्याबद्दल येथे याहू! वरचढ वाटले... सर्कीटसाहेब, जर आमच्या भावना योग्य ठिकाणी पोचवता आल्या तर अवश्य पोचवा. अर्थात आम्ही (येथील कोणिही) जर तसे कळवावेसे वाटत असेल तर तसेही अवश्य सांगा! धन्यवाद!