मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव मराठी माणसांचे ऑनलाईन व्यासपीठ

पाऊस नेहेमीच असा अवेळी यावा ...!!

जेनी... · · जे न देखे रवी...
लेखनविषय:
मुक्तक
काव्यरस
शांतरस
थंड वाऱ्याची झुळूक यावी, हलक्याश्या स्पर्शान सरकलेला पदरही, लाजेची सीमा पार करायला घाबरावा ! तुझा तो स्पर्श, तुझ्या ओठांनी भिजवलेला शहारा, शहार्यावर जणू तुझ्या नजरेचाच पहारा बसावा ! मी मुग्ध व्हावी, तू धुंद व्हावा आणि मग हलकीशी पावसाची सुरुवात व्हावी .. त्या भिजलेल्या सरी, तू ओंजळीत घ्याव्यास !! नाजूक फुंकर, ओंजळीतल्या पाण्यावर मारावीस अन क्षणभर ओठांचा स्पर्श करत, ते पाणी माझ्या चेहेर्यावर उडवावस ! तो थंड स्पर्श, ती ओलाव्याची खूण सारेच माझ्या विरुद्ध, कारस्थान रचत असावेत बहुदा, कारण तुझ्या मिठीत येण्याशिवाय, मला काही पर्यायच न उरावा ! मी पुन्हा पुन्हा येवून बिलगावी, आणि तुही त्याच आवेगानं माझ्यावर श्वासांची बरसात करावी, गारव्यातही श्वासांची उबदार मिठी, तुला दूर करणं जमेनाच मग झोकून द्यावं स्वताहाला, तुझ्या मिठीत, तुझ्या श्वासांशी एकरूप होण्यासाठी . बघता बघता पाउसही ओलाचिंब व्हावा, बघता बघता आपल्यासोबत थोडा पाउसही भिजावा ! भिजलेल्या पावसानं भिजवाव्यात सरी , ओठांचीही इच्छा अलगद व्हावी पुरी सामावून जाव्यात पाकळ्या ,कडांच्या निशब्ध बंधनात ! कुठेतरी जमीनीवर तळं साठलेलं असावं शहारालेलं माझ अंग तुझ्या मिठीत असावं पाऊस नेहेमीच असा अवेळी यावा, तुझ्या माझ्या श्वासांशी खेळत बसावा ! नाजूक हळवे थेंब माझ्या ओठांवर बरसावे, थेंबांना त्या तुझ्या ओठांचा स्पर्श व्हावा, पाऊस नेहेमीच असा अवेळी यावा ! पाऊस नेहेमीच असा अवेळी यावा !!
वाचने 4895 वाचनखूण प्रतिक्रिया 28

प्यारे१ 08/05/2014 - 20:33
कविता आवडली. रच्याकने सध्या नेमका कुठला महिना सुरु आहे????

डॉ सुहास म्हात्रे 08/05/2014 - 20:41
छान कविता ! रच्याकने सध्या नेमका कुठला महिना सुरु आहे???? य्वढं खोच्क काय विचार्ताय? हा वळवाचा पाउस नसू शकतो का? किवा गेल्या वर्षीच्या जुलैचा पाउसही नसू शकतो का? ऑं? ;) आजून आप्शन हैत. पन गुलदस्त्यात ठेव्लेत. :)

प्यारे१ 09/05/2014 - 14:32
अहो महामहिम एसवायजी, पावसाची कविता वाचली. तीव्र उन्हाचा मे महिनाच सुरु आहे ना असं विचारायचं होतं हो! आता कुठं हुंगाहुंग सुरु करताय तुम्ही ;) ?

जेपी 08/05/2014 - 20:51
काही वर्षपुर्वि केलेली"म्रुदुगंध उमटला आले म्रुगनक्षत्र , चालली अवेळी ओली ती अपरात्र, वाकली जरासी पिळताना ओला पदर ,आतुन जरासे हलले अर्धे दार" आठवले. बायदवे लातुरात आज पाऊस पडल्यामुळे आवडल.

अनुप ढेरे 08/05/2014 - 21:56
मस्तं!
तो थंड स्पर्श, ती ओलाव्याची खूण सारेच माझ्या विरुद्ध, कारस्थान रचत असावेत बहुदा, कारण तुझ्या मिठीत येण्याशिवाय, मला काही पर्यायच न उरावा !
या ओळी खासच...

मदनबाण 08/05/2014 - 21:57
नाजूक हळवे थेंब माझ्या ओठांवर बरसावे, थेंबांना त्या तुझ्या ओठांचा स्पर्श व्हावा, पाऊस नेहेमीच असा अवेळी यावा ! वळवाचा पाउस पडणार तर !

पैसा 08/05/2014 - 22:19
लै रोमँटिक. गुलाबी कविता.

स्पंदना 09/05/2014 - 08:22
आत्मुस छत्रीत एकटेच काय बागडताय? जेनी तिन्टिम्बे पहा कश्या मुद्दाम साडी बीडी नेसुन.... जाऊ दे ! साल! आताश्या पाऊस म्हंटल की पडसं आठवत. जेनी तीन्टिम्बे रेषा धुसर असतात लक्षात घ्या.

प्यारे१ 09/05/2014 - 14:30
पुरुष विभाग स्पेषल झाला तर त्या विभागात कवयित्रीना 'अलोउड' असणार काय? उगाच महा जनांच्या कविता व्हायच्या नैतर ;)

बॅटमॅन 09/05/2014 - 14:32
पुरुष विभाग स्पेषल झाला तर त्या विभागात कवयित्रीना 'अलोउड' असणार काय?
अ‍ॅट लीस्ट वन ऑफ अस शुड हॅव अ‍ॅन ओपन माइंड ;) (काडी टाकली पळा पळा)