नमस्कार मंडळी मी तसा आळशी या सदरात मोडणारा,त्यांमुळे एक सोपी पाकृ ईथे देत आहे. भारतात वेगवेगळ्या प्रांतात भाताचे अनेक प्रकार प्रचलित आहेत त्यापैकी एक हा टोमॅटो भात. साहीत्य---शिजवलेला भात ,४ टोमॅटो,१ मध्यम आकाराचा कांदा ,कडीपत्ता,कोथिंबीर, थोडे शेंगदाणे,उडीद डाळ, मुगडाळ कृती--भात शिजवुन घ्यावा. (कालचा शिळा असल्यास उत्तम :) . दाणे व डाळ भिजत घालावी. कांदा व टोमॅटो बारीक चिरुन घ्यावे. कढीपत्ता, कोथिंबीर व ईतर तयारी करुन घावी. एका पातेल्यात (नॉन- स्टीक असल्यास बरे) तेल तापत ठेवावे. तेल तापल्यावर जिरे,मोहरी व हिंगाची फोडणी करावी. त्यावर कांदा कढीपत्ता परतावा. कांदा गुलाबी झाल्यावर त्यावर आधीच भिजवलेले डाळदाणे परतावे.काही वेळाने त्यावर चिरलेला टोमॅटो घालुन मंद गॅसवर एकत्र करत राहावे . थोडेसे बुडबुडे येईपर्यंत (टॉमॅटो शिजेपर्यंत) आचेवर ठेवावे. शेवटी गॅस बंद करुन आधी शिजवलेला भात मिक्स करावा.