Skip to main content

अंडा भुर्जी

लेखक मुक्तचिंतक यांनी रविवार, 19/01/2014 या दिवशी प्रकाशित केले.
साहित्य ३ अंडे २ बारीक चिरलेले कांदे १ बारीक चिरलेला टोमाटो ३-४ ठेचलेल्या हिरव्या मिरच्या २-३ चमचे कांदा लसून मसाला १ छोटा चमचा तिखट १ चमचा जिरे हिंग व मीठ चवीनुसार Sahitya कृती प्रथम एका नॉन स्टिक कढई मध्ये तेल तापवावे. तेल तापल्यावर त्यात जिरे व हिंग टाकावे जीरे तडतडल्यानंतर चिरलेला कांदा टाकावा कांदा नंतर वाटलेल्या मिरच्यांचा खुडा, कांदा लसूण मसाला व तिखट टाकावे. फेटलेली अंडी टाकावी. अंडी मसाला Mir गॅस मोठा करून मिश्रण घोटवावे. नंतर चिरलेला टोमाटो टाकून crusher ने एकजीव करून घ्यावे. Crusher चा फायदा असा की भुर्जी मध्ये मोठे तुकडे राहत नाही आणी बारीक, एकजीव भुर्जी तयार होते. Tomato crush कोथींबीर टाकून सजवावी व ब्रेड या पावाबरोबर खावी. सोबत कांदा आणी टोमतोचे मिश्रण सर्व करावे. a v Thumps up बरोबर आस्वाद घ्यावा. ब
वाचने 14346
प्रतिक्रिया 32

प्रतिक्रिया

मुक्त विहारि रविवार, 19/01/2014
मस्तच... मी फक्त २ गोष्टी बदलतो... १. टोमॅटो आधी घालून मग अंडी टाकतो. आणि २. Thumps up बरोबर आस्वाद घ्यावा. इथे कुठलाही द्र्व पदार्थ घ्यावा.... अशा सणसणीत भुर्जी बरोबर अल्कोहोलिक द्रव न्सेल तर त्या अंड्याला फोडण्यात काय अर्थ? असे माझे मत आहे.

कवितानागेश रविवार, 19/01/2014
छान दिसतेय. अवांतरः ते पलिकडे खोकं कसलं पडलंय?

मुक्त विहारि रविवार, 19/01/2014
मला खोके दिसलेच नाही... मी फक्त हे महाराज (आमच्याकडे आचार्‍याला महाराज आणि आचारीण बाईला महाराणी म्हणतात.) टोमॅटो कढईत कधी घालतात ते बघत होतो. शेवटी स्त्रियांची जातच मोठी चतूर हो... असे फुल्ल्देशपांदे म्हणतात ते उगीच नाही...

रेवती सोमवार, 20/01/2014
मी अंडी खात नाही पण नवर्‍याने मला या प्रकाराची आवड निर्माण केली. मला वाट्टं त्यात तो कांदा लसूण मसाला घालत नसावा. हे काय मला धड जमत नाही म्हणून त्याने अंडाभुर्जी केली तरच मी खाते. फोटू चांगले आलेत पण नॉनस्टीक भांड्याला धातूचा मॅशर वापरताय तेंव्हा जपून.

प्यारे१ सोमवार, 20/01/2014
>>>त्याने अंडाभुर्जी केली तरच मी खाते. १. हे काही आम्ही वाचलं नाही. २. हे ही करतात का? ३. तरीच्च हल्ली मिपावर नसतात. ४. काय हा कौटुंबिक अत्याचार. ५. किती बरं हे प्रेम. सध्या घाईत आहे म्हणोन एवढंच. ;) हलकं घ्या हो! उगा बुद्धीबळ खेळायला लावायचात नाहीतर. :(

रेवती सोमवार, 20/01/2014
अहो प्यारेभौ, म्हणूनच तर मध्यंतरी धागा आल्या आल्या त्याला दुसरं लग्न कर म्हणत होते. नव्या बायकोची मदत झाली असती ना!

प्यारे१ सोमवार, 20/01/2014
'अनुभवी' पुरुष एवढे उतावळे वगैरे नसतात बरं! असो. धागा हायजॅक व्हायचा नि अंड्यांची बुर्जी व्हायच्या ऐवजी...

अत्रुप्त आत्मा गुरुवार, 23/01/2014
@तुमी भुर्जीच्या नादी कशाला लागता ? >>> आय्यो राम पाप! आमी भुर्जीच्या नाय हो,भुर्जी शब्दाच्या नादी लागलो कि वो!!!!!! ;)

दिपक.कुवेत सोमवार, 20/01/2014
मी त्यात बारीक चीरलेली हिरवी सीमला मिरची पण घालतो मस्त चव येते. अरेच्चा पण अजुन "ठेवणीतला प्रश्न" कोनीच कसा विचारला नाहि? एनी वे मीच विचारतो........हि पाकृ अंडे न घालता कशी करता येईल?

सानिकास्वप्निल सोमवार, 20/01/2014
कांदा-लसूण घातलेली भुर्जी आवडली :) >> पाकृ अंडे न घालता कशी करता येईल?>> दिपक अगदी तूझ्या आवडीचे पनीर घालून बनवता येईल की ;)

उदय के'सागर सोमवार, 20/01/2014
अंड्याच्या सर्वच प्रकारांचा मी फॅन आहे :) छान पाककृती पण मी गाड्यावर मिळणार्‍या बुर्झी चा चाहता आहे(?.. होतो असे म्हणावे लागेल कारण वाढत्या वयानुसार वाढणार्‍या आजारांमुळे आजकाल असं बाहेरचं खात नाही :( ). अंड्याचे पदार्थ बनवतांना ह्या दोन गोष्टींचा वापर करावा (करत नसल्यास) - तब्येत आणि चवीसाठी :) १. अंड्याच्या कुठल्याही रेसीपीमधे थोडं आलं टाकलं की अंड पचायला मदत होते... काहींना अंड खाल्ल्याने पोटाचे विकार होतात - जसे जळ्जळ होणे, अपचन इ. पण आले टाकल्याने असा त्रास होत नाही (स्वानुभव) २. अंड्याच्या भुर्जीमधे एव्हरेस्ट चा 'चिकन' मसाला टाकल्याने भुर्जी अधिक लज्जतदार बनते... हा मसाला भुर्जी अगदी तुम्ही गॅसवरून उतरवत असण्याच्या दोन मिनीट आधी तयार भुर्जीवर भुरभूरावा ... करून पहा नक्की आवडेल :)

तुमचा अभिषेक मंगळवार, 21/01/2014
२. अंड्याच्या भुर्जीमधे एव्हरेस्ट चा 'चिकन' मसाला टाकल्याने भुर्जी अधिक लज्जतदार बनते... हा मसाला भुर्जी अगदी तुम्ही गॅसवरून उतरवत असण्याच्या दोन मिनीट आधी तयार भुर्जीवर भुरभूरावा ... ट्राय मारायला हरकत नाही. घरी सांगायला हवे. ;)