वजिराच्या प्याद्याने सुरुवात केली आहे.

वाटच पाहत होतो धाग्याची.. दोन डावांपेक्षा वेगळी सुरवात

पुढच्या चार डावात ३.५ पॉईंट पाहिजेत जिंकायला .... कमॉन आनंद

चारातले दोन जिंकून + २ ड्रॉ असे ३ पॉइंही चालतील रे.. टायब्रेकरमध्ये बघु कमॉन .. आज जिंकच

एका प्याद्याची मारामारी झाली आहे. सी ४ प्यादे खेळून मॅग्नुसने आनंदचा उंट डी ३ मधे येणार नाही याची काळजी घेतली आहे.

जी २ असा प्यादं पुढे घेऊन उंट कर्णात घ्यायची तयारी आनंदची. घोडा सी ६. मॅग्नुस लगोलग खेळला. वेळ घालवत नाहीये. कॅसल करेल असे वाटले होते. मॅग्नुस दरवेळी आनंदला निर्णय घ्यायला भाग पाडतोय. आणि त्यानुसार खेळी करतोय. आनंद जीई४ खेळलाय!

मॅग्नस एवढा काय विचार करतोय? ही पोझिशन नवी नसावी

विडो स्ट्रीम बोंबलतोय राव मधूनच. :(

मॅग्नुस बराच वेळ घेतो़य. कॅसल केलाय. छोटा कॅसल. तो आधी लांबवायला बघत होता पण शेवटी आनंदने त्याला निर्णय घ्यायला भाग पाडले असे दिसते. अपेक्षेप्रमाणे आनंदचा पांढरा उंट कर्णात येऊन बसला जी २!

आनंदने राजाच्या बाजूने दुय्यम कर्णाला मोकळा केलाय. मॅग्नसचा काळा उंट आधीच पडलेला असल्याने त्याला वजीरानेच हल्ला करता येईल. हा काहीसा सापळा लावलाय का आनंदने?

एवढा विचारात पडलेला दिसतोय. त्याची २१ मिनिटे झाली आहेत आणि आनंदची फक्त साडेनऊ!

दोघांच्या भूमिका बदललेल्या दिसताहेत. आनंद पटापट खेळ्या करतोय तर मॅग्नस प्रत्येक खेळीला वेळ घेतोय.

पुन्हा घोडा नी उंटाचं एक्सचेंज का करत नाहिये मॅग्नस?

आज काहितरी जबरदस्त बघायला मिळणार आहे अस वाटतय.

इथेच डाव टाकलाय ते छान केलेत. मध्यंतरी नेट तब्बल दहा मिंटे बोंबलल्याने काहीच दिसत नव्हते.

पुढे काढून राजाच्या बाजूला आणायचा आहे. घोडा आणि उंट मारामारी झाली आणि मॅग्नुसने हत्ती आणला ए६ मधे.

पुढे काढून राजाच्या बाजूला आणायचा आहे. घोडा आणि उंट मारामारी झाली आणि मॅग्नुसने हत्ती आणला ए६ मधे.

एक्सचेंज नंतर पुढे काही चाल्लेय का? हाफिसात लिंक गंडलिये :(

शक्यता अनेक आहेत. पण हे दोघेही ताकही इतके फुंकून पिताहेत.. आम्ही मधल्यामधे आशेवर टागलेलो! काहितरी भन्नाट बघायला मिळेलसं वाट्टंय >> +१

बहुतेक जी६ खेळेल. कारण राजाच्या बाजूचा हल्ला थोपवणे गरजेचे आहे.

करण्यात आनंद ला अजूनतरी यश आलेले आहे. मॅग्नुस घड्याळातही आनंदपेक्षा २० मिनिटे मागे पडलाय. एरवीचा तंगड्या पसरून बसणारा मॅग्नुस आज दिसत नाहीये! :)

आणून आता मॅग्नुसची बी ५ अशी खेळायची धमकी आहे. प्याद्यांची मारामारी आणि नंतर हत्तींची मारामारी झाली तर घोडा ए६ मधे येऊन बी प्याद्याला सपोर्ट करु शकतो.

आणि बी ४ खेळला मॅग्नुस.वजिराच्या बाजूला काउंटर प्ले जनरेट करायचा प्रयत्न आहे. आनंद राजाच्या बाजूला मेटिंग नेट लावतोय. त्याला ते यशस्वी करायलाच हवे, नाहीतर वजिराच्या बाजूची प्यादी रोखणे अवघड होऊन बसेल!

आनंदकडून एफ प्यादे पुढे जाण्याचीच अपेक्षा आहे. ई, एफ आणि जी प्याद्यांच्या रोलर्कोस्टर पुढे काळ्याला चिरडून टाकणे हेच गरजेचे आहे. या महत्त्वाच्या क्षणी वजिराच्या बाजूला आनंदने त्याचे मोहोरे वळवू नयेत.

ए-४ कसे काय चालेल हे पाहणे आवडेल मला. यामुळे मॅग्नसच्या घोड्याला बी पट्टीत येण्यापासून रोखता येईल आणि त्याचे ए पट्टीतले प्यादेही निष्प्रभ होईल. आणि मॅग्नसचे बी प्यादे सरळ पुढे जाऊन हत्तीला त्रास देईल तरी हत्ती बी-२ मधे येऊन त्याला रोखता येईल. उलट त्या प्याद्याने आनंदचे सी प्यादे मारले तरी आनंदला लगेच काही करण्याची आवश्यकता नाही कारण तिथे वजीर नि हत्ती दोघेही त्याची पुढची पट्टी रोखून बसले आहेत.

एक्सचेंज झाली! हत्तीही गेले. आता फुलबाज्या, भुईनळे दिसायला हरकत नाही!

आनंद इज रिअली डिटरमिंड टुडे!! एफ५ खेळलाय आनंद!! गोइंग ऑल सिलिंडर्स ऑन!!!

वजिराच्या बाजूला त्याचा रेटा चालू ठेवणार का? त्याची राजाची बाजू अगदी नाजूक झाली आहे. एफ प्यादे सहाव्या घरात आले तर अवघड आहे. कदाचित तो सी३ वरचे प्यादे घेऊन घोडा बी ४ मधे आणून ते प्यादे पुढे रेटेल! म्हणजे आनंदला काहीवेळ तरी वजिराच्या बाजूला लक्ष देणे भाग पडावे.

घड्याळात चांगलाच मागे पडलाय २७ मिनिटे कमी आहेत आनंदपेक्षा! हे क्रिटिकल ठरु शकते कारण डाव ओपन पोझीशन नाहीये. काँप्लिकेटेड असल्याने प्रत्येक मूवला मॅग्नुसला विचार करणे भागच आहे.

हे कारलं झोपलं का काय?

मॅग्नसकाका लैच टाईम घालवताहेत. आता अठरा खेळ्यांना सुमारे ३५ मिनिटे आहेत. कदाचित पुढच्या चार-पाच खेळ्या महत्त्वाच्या असाव्यात. त्यांत त्याला सुटकेचा मार्ग सापडला तरच... म्हणून बहुधा तो चार-पाच खे़ळ्या अतिशय काळजीपूर्वक करेल असेल दिसते.

मॅग्नुस खेळलाच ती खेळी! तसा सोडणार नाहीच तो. आता आनंदची पुढची खेळी काय? पुढे वजीर ए५ मधे आणून प्यादे रेटायचे आणि आनंदचा हत्ती मागेच अडकवून ठेवायचा अशी अटकळ आहे. त्याला काहीही करुन आनंदचा वजीर एफ ४ आणि नंतर एच ४ असा जाऊ देणे परवडणारे नाही! आता अचूक कॅलक्यूलेशन्स महत्त्वाची.

हत्ती एफ २ खेळेल म्हणजे बी२ ही रोखली जाईल आणि पुढच्या खेळीला वजीर एफ ४?

खेळून मॅग्नसने आपला घोडा निष्प्रभ झाल्याचे मान्यच केले आहे असे दिसते. जर बी आणि सी प्याद्यांची मारामारी झाली असती तर त्याला पुढे घुसायला संधी होती. आनंदने एफ पट्टीतील प्यादे आधी दामटल्याने त्याचे बी प्यादे घेणार नाही हे निश्चित झाल्याने मॅग्नसने ती आशा सोडून देऊन प्याद्याच्या प्रमोशनवर लक्ष केंद्रित केलेले दिसते. लवकरच त्याचा वजीर बी०६ मधे येऊन त्या प्याद्याला पाठिंबा देईल असा अंदाज आहे. याच वेळी तो आनंदच्या पुढे सरकू पाहणार्‍या प्याद्यांवर लक्ष ठेवून शकेल.

मला वाटते एच ४ असा अ‍ॅटॅक चालू शकेल का? त्याला हल्ला थोडा रोखूनच धरावा लागेल असे दिसते कारण बी प्यादे डेंजरस आहे हे नक्की.

घड्याळ बघावे लागणार. बराच वेळ घेतलाय आनंदने या खेळीला. जवळपास २३ मिनिटे!!

आनंद जबरा विचारात पडलाय! मॅग्नुसने त्याचे टाईम प्रेशर आनंदवर ढकलण्यात यश मिळवले आहे.

बहुदा. त्याचा परीणाम संपायच्या आत चाली कर म्हणावे. यस यु कैन यस यु वील विन टुडे

आनंद वजीर एफ ४ घुसला!! बी प्याद्याची थ्रेट आनंदने पॅरी केली असे दिसते!!

एफ ६

जिंक रे बाबा

मॅग्नुसचा. घोडा सी७ मग ई८ आणि मग जी प्यादे सरकवून जी७ मधे आणायचा प्लॅन आहे. वॉव प्यादे एफ ६!! फँटास्टिक मूव!! आनंद ईज ऑन द रोल!! कम ऑन विशी!!

आनंदने बहुदा चेकमेट पर्यंतचे वेरिएशन कॅलक्यूलेट केलेले असणार त्याशिवाय आनंदने घेतलेला ३५ मिनिटांचा वेळ जस्टिफाय होत नाही!

मॅग्नुसचा घोडा ई८ आता वजीर एच ६ आणि मग हत्ती एफ ४ आणि एच४ की संपला डाव!!

हा सुध्दा डाव बरोबरीतच सुटणार बहुदा

अभिनंदन!

काय विचार करतोय? मॅग्नुसचे प्यादे वजीर झाले तरी काही फरक पडत नाही!!

यावेळेसही ड्रॉ होणार. दुसरा चान्स असलाच तर वेळेमुळे आनंद हरण्याचाच आहे. आनंदची जिंकण्याची शक्यता फारच कमी वाटते आहे. पण सुंदर खेळला आनंद आज

हत्ती एफ ४!! दुसरा वजीर झाला!! चेक आणि आता उंट मधे घातला. विशी ब्लंडर्ड घोडा घातलान मधे!!!! डाव घालवला राव........

आनंद हॅज ब्लंडरड. टेरिबल ब्लंडर.

NF१ ही चाल कमजोर म्हणून दाखवतेय

शिट!!!!!! आनंदने हात्तातला डाव घालवला ??????????????? टू बॅड.....

म्याग्णस भाऊ कार्लसन नवीन विश्वविजेता !

चँपियन्शिप विशीची. डाव हाता होता रे का केलंस असं??/ लै वाईट वाटतंय राव!!

॑अर्रे उंट का नाही घातला मध्ये? चँपियनशिपला अशी चूक कशी रे केलीस आनंदा.

मला चेसमधले शष्प कळत नाही. पण लोकांचे प्रतिसाद बघुन वाटतयं पांड्या, पांड्या, लेका ग्रँडमास्टर का नाही झालास. (पांड्या, पांड्या, लेका बालिष्टर का नाही झालास च्या चालीवर वाचावे) असो. क्रिकेटमधे आम्हीपण फक्त तोंड्पाटीलकीच करतो म्हणा :)

गेले ९ डाव तुम्हा सर्वांच समालोचन वाचत होतो, चेस मधी खूप काळात नाही त्यामुळे वाचनमात्र सहभाग होता. पण आज तुम्हा सर्वांप्रमाणे वाटत होते ( पट पाहून तर खात्रीच होती) कि विश्या जिंकेल :)

आता पुढचे सामने होणार का??

We need to understand change is constant, Magnus would be New Champ.

?

मी पण वाट पाहतोय

दहाव्या डावाचा धागा न काढल्याबद्दल मनापासून माफी मागतो. :( परंतु सामन्यातली आनंदची ऑलमोस्ट हरायला आलेली स्थिती आणि झोपेची कमतरता या दोन्ही गोष्टींनी माझ्या निश्चयावर शेवटी मात केली आणि मी उठू शकलोच नाही. असो, डाव बरोबरीत सुटला आणि मॅग्नुस निर्विवाद नवा विजेता म्हणून घोषितही झाला. त्याचे मनःपूर्वक अभिनंदन. ९ नोवेंबरपासूनचे आधीचे नऊही डाव तुम्ही मिपाकरांनी भरघोस प्रतिसाद देऊन माझ्या चालत्या समालोचनाला जो काही हातभार लावलेला आहे त्याचे कौतुक करावे तेवढे थोडे! अन्यथा रात्री १.२० ला गजर लावून उठणे त्यापुढे दीड वाजल्यापासून ५.३० - ६.३० पर्यंत समालोचन करणे आणि पुढे ऑफिसला जाणे ही कसरत मला शक्य झाली असती असे वाटत नाही. परंतु तुमचा उत्साहच एवढा दांडगा होता आणि खेळातला रस अगदी भरभरुन दिसत होता त्यामुळे मी हे करु शकलो. सर्व सहभागी मेंबरांचे अनेक आभार. असाच लोभ असू द्या. (कृतज्ञ) रंगा

या संपूर्ण वर्ल्ड चँपियनशिपचे इतके सुंदर आणि माहितीपूर्ण विश्लेषण करणार्‍या या धाग्यावरील सर्वांना मनःपूर्वक धन्यवाद. काही कारणाने एखादा डाव बघता येणार नसेल तर मी केवळ मिसळपाववरील चर्चांवर अवलंबून असायचे. बुद्धिबळातील थरार कोणत्याही शारीरिक खेळापेक्षा कमी नाही याचा अनुभव घेता आला. :) धन्यवाद.

मी हा खेळ खेळणे सोडुन दिले होते, आता परत चालू केले आहे. धन्यवाद!!!!!

आता वाट पहायची कॅन्डीडेट टुर्नामेन्ट मार्च २०१४ !! होप , आनन्द राइझेस लाईक फ्हिनिक्स :)

मुन्गुस कोणति चाल असते?