फूड प्रोसेसर कोणता घ्यावा?

अर्री फूड प्रोसेसर साठी कसले धागे टाकताय उद्या टोस्टरसाठी एक धागा टाकाल हे काय टीव्ही व्यापर जर्नल आहे काय?

मिपाकर मदत करतील का ? हा काय प्रश्न झाला ? मिपाकर सदैव तुम्हाला तुमच्या लहान-सहान प्रॉब्लेम मध्ये मदत करायला / सल्ले द्यायला नेहमी तत्पर असतील. पुढे भविष्यातही काही छोटे-मोठे ,घाउक - किरकोळ विकत घ्यावेसे वाटले तर अगदी निसंकोच विचारा . " बाकी आम्ही फुड प्रोसेसर वापरत नाही " ;) पण फिलिप्स अन Inalsa Wonder Maxie हे दोन छान ऑपशन आहेत .

हा काय धागा काढण्यासारखा विषय आहे का? आणि लिहीतानाही काहीही काळजी घेतलेली नाही. उगाच काहीही लिहायचे काय? अवांतर : 'जार २ च आहेत त्यात' या शब्दांचा मराठीत काय अर्थ होतो ते आठवून हसू आले.

काय झाल? ते सांगा की पावन

तुमच्या ऐपतीत बसेल तो घ्या. बाकी प्रोसेसर मधले तुमचे एकूण ज्ञान बघता, सध्या सेकंड हँडच घ्या आधी.

Singer कंपनी चा मी ८ वर्ष वापरत आहे.चांगला आहे.रोनाल्ड चा पण खुप चांगला आहे. पण एक suggestion:-फक्त कणिक मळण्या साठी food processor कश्याला घेता?कणिक मळुन झाल्यावर ते भांडे धुवायचा व्याप असतो.मग कंटाळुन बरेच जण हातानीच कणिक मळतात.त्यात बाकी पण खुप attachments असतात.जर खरच त्याचे maximum utilisation करणार असाल तरच घ्या.नाही तर उगीचच जागा खुप अडते सगळे attachments ठेवायला. जर बाकी काही उपयोग करणार नसाल तर साधा mixer/grinder घ्या.

टारझन ८२ मॉडेल फारच छान आहे. त्यात कणीक तिंबणे , खिमा करणे , भुगा करणे वगैरे सर्व ऑप्शन मस्त आहेत. अ‍ॅडीशनल "जार" ( फार्सी अर्थ घेतला तरी चालेल) नसला तरी चालतो. भरपूर पॉवरफुल्ल असलेल्या या मॉडेलचे पॉवर कंझंप्शन थोडे जास्त आहे. शिवाय जागा इतरांपेक्षा जास्त लागते अर्थात त्याबद्दल मोडेलची स्वतःची काही तक्रार नाहिय्ये.

इनाल्सा एकदम भिक्कार आहे. वर्षभरात ४-५ वेळा बंद पडला. प्लॅस्टीक जार तडकला. सर्व्हिसच्या नावाने बोंब आहे. केनवूड चांगला आहे..

टिपिकल मिपा प्रतिसाद- १) फुकट खायला बोलवणार असाल तर सांगतो. २)फूड प्रोसेसर घेताना तो नीट पारखून घेणे.तो खूप जुना तर नाही ना हे बघणे. ३)फिलिप्स, बजाज्,उषा ह्या प्रसिद्ध ब्रॅन्डपैकी घेतलेला बरा. ४)बजाजची सर्वीस चांगली आहे. एकदा १५ पाहुणे आले होते. डाळीचे मिश्रण बनवताना प्रोसेसर बिघडला. फोन केल्यावर बजाजचा माणूस तात्काळ हजर झाला आणि प्रोसेसर २० मिनिटात दुरुस्त केला. ५) हल्ली चिनी बनावटीचे फूड प्रोसेसर बाजारात आहेत. त्यापासून सावधान. मित्राने एकदा घेतला होता. दोन दिवसात खराब झाला. ६)फूड प्रोसेसर घेताय का? वा वा. कुठचाही घ्या. पण आम्हाला जेवायला बोलवा. ७)आपण फूड प्रोसेसर विकत घेवू शकतो हे सांगण्याचा क्षीण प्रयत्न. ८)वेळेचे भान ठेवलेत आणि कामाची नीट आखणी केलीत तर फूड प्रोसेसरची तशी गरज भासणार नाही.शेवटी जेवणारा जेवणाची चव बघणार्.काय ? ९)आईने,मावशीने,आजीने,काकूने,बायकोने हाताने बनवलेल्या जेवणाची चव फूड प्रोसेसरला नाही.

जो तुमच्या सोफासेट ला शोभुन दिसेल तोच घ्या ;-)

पाहुणे अशा चौकशीसाठी कृपया तुम्ही खरडफळ्याचा वापर करावा असे वाटते. -दिलीप बिरुटे

कणीक छान होते. मशीन टिकाउ आहे. ब्राउन मल्टीक्वीक ५ किचन मशीन

तुम्हाला मिक्सरची जास्त गरज आहे ना? मग मिक्सर घ्या आणि कणीक मळण्यासाठी साधारण पुरणयंत्रासारखं हँडलवालं एक भांडं Dough Maker चार पाचशे रुपयांना मिळतं ते घ्या. (पण ते विजेवर चालणार नसतं हो, तुम्हालाच गरगर फिरवावं लागेल.) स्वस्तात काम झालं. Disclaimer: Dough Maker माझ्याकडे नाहीये. मी फक्त फुकटचा सल्ला देतेय!

रोनाल्डचा खूप छान आहे. एकतर वापरायला सोपा आहे. आणि मलातरी गेल्या चार वर्षांमध्ये काहीही प्रॉब्लेम आला नाहीये. पण माझ्या बहिणीकडून कळाले की त्यांची आफ्टर सेल्स सर्विसही तितकीच चांगली आहे. :)

हल्केच घ्या या विनंतीने - माझा जुना फूडप्रोसेसर विकणे आहे. तो चालू झाला की मस्त संगीतानुभव येतो. खाणे व गाणे एकाच प्रोसेस मधे . बघा इच्यार करूनशान ......

हा धागा येऊन एवढा वेळ झाला तरी अजून विडम्बन कसे आले नाही?

तुम्ही सांगितलेल्या गरजांना रोटी - मेकर नावाचे यंत्र अधिक सोयीचे ठरेल असे वाटते. जेव्हा मी स्वतः स्वयंपाक करण्यास सुरुवात केली होती तेव्हा काही जणांनी हा सल्ला दिला होता. तथापि 'पोळ्या करून देणाऱ्या बाई' यांची सेवा घेणे हेच सर्वोत्तम हा सल्ला जाणकारांकडून मिळाला व तोच मी मानला.

दगडी चांगला असतो.. तिनशे रुपायात मिळतो.. आमची वडारीन १०० रुपयात (दर वर्षाची ए एम सी ), प्रोसेसरचे ओव्हरऑयलींग करायला येते.

रोनाल्ड फुप्रोचा अनुभव चांगला आहे. मला नाही, आईला. अनेक वर्षे. माझ्याकडे हॅमिल्टनचा होता. दोन वर्षांच्या अतिवापरानंतर मोडला. त्यात कणिक तिंबणे, भाज्या चिरणे, किसणीची आट्याचमेंट लावून गाजर, काकडी, मुळा, बीटरूट किसणे अशी कामे रोज होत असत. माझा हात दुखणे थांबले (अर्थातच फुप्रो हे औषध नव्हे). आता अगदी छोटुकला फुप्रो असतो तो आणलाय. कधितरी वापरते.

फुप्रो कि जय हो :D

कितीही प्रयत्न केला तरी फूड प्रोसेसरमध्ये कणिक सैल मळली जाते. त्यामुळे आणला तरी काही उपयोग होत नाही असा स्वानुभव आहे. बाईच ठेवा.

५०.

सगळ्यात महागडा घ्या... टिकाऊ व उत्तम!! हाय काय नाय काय!!

या वरुन एक आठवले..एक मैत्रीण दुस~या मैत्रीणीला सल्ला विचारत असते..... कपडे साफ धुतले जात नाहित काय करावे? कुठला साबण ,वाशिंग मशिन वापरावे? माझे सगळे करुन झाले पण खर सांगु का? नव~याला पर्याय नाहि..

घेतला का फूड प्रोसेसर?

केनस्टार वापरतेय गेले ५ वर्शे, पावभाजीच्या भाज्या, पाले भाज्या चिरायला छान उपयोग होतोय, कणिक पण छान भिजवता येते. मात्र नाजुक हाताळायला लागतोय, भान्डी फारच नाजुक आहेत.

कशाला उगा नाही त्या भान्गडीत पडता?? ते फुड्प्रोसेसर धुण म्हण्जे ताप असतो डोक्याला..

फुडप्रोसेसर फार मोठा होतो. तो धुवायलाही कटकट आहेच. पण तुमचा हात दुखत असल्याने मायक्रोप्रोसेसर घ्यायला काही हरकत नाही. इंटेलचा चांगला आहे पण महाग असतो. त्यांचे मॉडेल क्झिऑन वैगेरे हाय लेवलची आहेत. त्यांचा आयटम घरच्यासाठी बरा आहे. त्यापेक्षा एएमडी चा घ्यावा. मध्यम किंमतीत आहे. अ‍ॅथलॉन बर्‍याच जणांकडे असावा.

इतका आटापिटा करण्यापेक्षा पोळ्या करायला बाई लावा. तिलाच भाजी पण करायला सांगा.

त्यापेक्षा एक बल्लवाचार्य लावा म्हनाव..

एकच सल्ला राहिला होता तोही देतो.. एखादे लग्न केले की पोळ्या करायचा प्रश्न मिटेल