नमस्कार मिपाकरहो, मुंबईतील मिपाकरांसाठी एक बातमी अशी की तब्बल ९ महिन्यानंतर मुंबईत पुन्हा एकदा कट्टा करण्याचे योजले आहे. अमेरिकेतील कोकणवासी (तिथे त्याला क्यालीफोर्निया का कायसे म्हणतात म्हणे) आणि जुने-जाणते मिपाकर नंदन यांचे मुंबईत आगमन झाले आहे. त्याप्रीत्यर्थ सदर कट्टा आयोजित केला आहे. मुंबई कट्ट्यांच्या प्रदीर्घ आणि दैदिप्यमान परंपरेप्रमाणे (परंपरा ही नेहमी प्रदीर्घ आणि दैदिप्यामानच असते, असे कणेकर गुर्जी म्हणतात), कट्टा श्रीस्थानक अर्थात ठाणे येथे संपन्न होईल. दिवस :- रविवार दिनांक २९-एप्रिल-२०१२ स्थळ :- ठाणे येथील पॉप टेट्स वेळ :- संध्याकाळी ५:३० च्या सुमारास (आनंदी वेळेचा फायदा उठवण्यास थोडे लवकरच आयोजित केले आहे) तूर्तास माहित असलेले कट्टेकरी :- नंदन, रामदास काका, विमे, प्रास, गवि, निखील-मकी, चतुर चाणक्य, अर्थातच किसन, आणि अर्धा स्पा (लवकर जाणार म्हणून अर्धा) इच्छुकांनी मला आणि गविंना व्यनि करावा. म्हणजे ऐन वेळेस काहीं बदल झाल्यास कळवता येईल. कृपया दोघांनाही व्यनि करावा, म्हणजे एकाने काहीं उत्तर दिल्यास दुसऱ्याला माहित राहील. शोर्ट नोटीस बद्दल मंडळ दिलगीर आहे. पुढील वेळेस मोठी नोटीस दिली जाईल. विमे