पंचमेल दाल
साहित्यः
१ छोटी वाटी तुरीची डाळ, १/२ छोटी वाटी मुगाची डाळ, १/२ छोटी वाटी मसुराची डाळ, १/४ छोटी वाटी चणा-डाळ, २-३ टेस्पून उडदाची डाळ २-३ वेळा स्वच्छ धुवून पाण्यात ३०-४५ मिनिटे भिजवणे.
१ छोटा कांदा बारीक चिरून
१ छोटा टोमॅटो बारीक चिरून
१ टीस्पून बारीक चिरलेले आले
१ टीस्पून बारीक चिरलेले लसूण
१ हिरवी मिरची चिरून
२-३ बोर-मिरच्या / लाल सुक्या मिरच्या
१/२ टीस्पून जीरे
१/४ टीस्पून हिंग
१ टीस्पून हळद
२ टीस्पून लाल-तिखट (आवडीप्रमाणे)
१-१/२ टीस्पून धणेपूड
१-१/२ टीस्पून जीरेपूड
१ टीस्पून बडीशेप पावडर
१/२ टीस्पून गरम-मसाला
मीठ चवीनुसार
१/२ टीस्पून लिंबाचा रस
बारीक चिरलेली कोथिंबीर
४-५ टेस्पून साजूक तुप
पा़कृ:
भिजवलेल्या डाळीत चिरलेली हिरवी मिरची, आले व थोडीशी हळद घालून कुकरमध्ये चांगली शिजवणे. शिजलेली डाळ जराशी घोटून घेणे.
एका भांड्यात २ टेस्पून तुप गरम करून चिरलेला कांदा परतावा. कांदा गुलाबी रंगावर परतला गेला की त्यात बारीक चिरलेला टोमॅटो घालावा. टोमॅटो मऊ होईपर्यंत परतावा.
त्यात चवीप्रमाणे मीठ, लाल-तिखट, थोडीशी हळद, धणेपूड, जीरेपूड व बडीशेप पावडर घालून चांगले तेल सुटेपर्यंत परतणे.
त्यात शिजवलेली पंचडाळ घालणे. डाळ किती दाट व पातळ हवे त्याप्रमाणे पाणी घालून उकळी आणणे.
उकळी आली की त्यात लिंबाचा रस घालून एकत्र करणे.
त्यावर थोडी कोथिंबीर व गरम-मसाला घालून एकत्र करणे व गॅस बंद करणे.
एका बुट्टीत २ टेस्पून तुप गरम करून जीरे, हिंग, लसुण व बोर-मिरच्या घालून फोडणी करणे व तयार फोडणी डाळीवर ओतणे.
गरमा-गरम पंचमेल डाळ / दाल जीरा राईस बरोबर सर्व्ह करा :)
वाचने
10240
वाचनखूण
प्रतिक्रिया
29
भालेकरांच्या मतातली घालमेल आणि त्या वरच हा सानिकाताईंचा पंचमेल धागा पाहुन उगा मनी संशय आला?
पण वाचलो. ;)
अशी ही तडके वाली डाळ आणि सोबतीला वाफाळता जीरा राईस..... बास बाकी दुसरं काही नको.
बाकी बादलीतली डाळ पाहुन लग्नातली पंगत आठवली. :)
आवांतर : फटू खत्तरनाक आलेत.
बादलीत आमटी! क्लास! मस्त आहे! एकदमच झ आणि का आणि स!
In reply to झ का स! by मेघवेडा
मस्त मस्त
नक्की करुन बघायला हवी :)
ए बाई, असे खतर्नाक फोटू देऊ नकोस.
दाल भारी दिसतिये.
आजकाल कोणत्याही पदार्थाची तयारी करताना तुझ्या पाकृ आठवतात.
यावेळी ३ नवीन स्टीलच्या चमच्यांची भर पडलिये.
एकदा तुझ्याकडच्या भांड्यांचे फोटू दे.
आम्हीही तशीच आणायचा प्रयत्न करू.
In reply to ए बाई, असे खतर्नाक फोटू देऊ by रेवती
अगं ते ३ नवीन स्टीलचे चमचे नसून स्टीलसारखे दिसणारे काचेचे चमचे आहेत :)
भारतभेटीचा पूर्ण फायदा करुन घेतला आहे ;)
सानिका ताईंच्या पाकृ म्हणजे इट्स अ क्लास इन इट्सेल्फ!
झकास.... दाल फ्राय मला खुप आवडतो. पुण्यात Horn ok please नावाचे हॉटेल आहे. तिथे पण असच बादलीत डाल फ्राय देतात. सही असतो तो पण... त्याची आठवण करुन दिलीस. :)
झक्कास हो ताइ.... तुमच्या पा.कृ. सुबकपणा मुळे टप्प्या/टप्प्यानी केलेल्या सादरीकरणामुळे वाचायलाही नेहमीच उत्तम वाटतात... आणी आधी डोळ्यांनीच चाखल्या जातात... वा व्वा...मस्त मस्त एकदम. :-)
अवांतर-या डाळीच्या मुळे अशीच एक खमकी डाळ अठवली... पण तीला नाव मात्र वेगळच आहे.विदर्भातला हा पारंपारिक प्रकार आहे...पण त्याला म्हणतात मात्र मिरच्यांची भाजी :puzzled: >>. कुणाला माहित असेल तर टाका बरं पा.कृ. मागोमाग
अति अवांतर-हो...पण ही दाल पचायला खरच खमकी असते... विदर्भात असं म्हणतात की आधी इथली 'हवा' दोन दिवस खा..अणी मग (मिरच्यांची भाजी) मंजे डाळ... नायतर माणुस बसलाच जाउन २बाय ४ च्या खोलीत,,,पुढचे २ दिवस ;-)
In reply to झक्कास हो ताइ.... तुमच्या by अत्रुप्त आत्मा
मिरच्यांची भाजी = दाय गंढोरी
बास!! याशिवाय आणखी काही बोलत नाही...
ठार झालो... पाककृती जबरा आहेचं, फोटो कातील आहेत. गणपा म्हणतोय तसचं गरमागरम जीरा राईस आणि पंचमेल दाल काय मज्जा येईल....
हा प्रकार करणे शक्य आहे... लवकरच करून करून बघतो. :) :)
आई शपथ्थ!!
तुझ्या पायांचा फोटो काढून इथून पुढच्या सगळ्या पाकृंच्या खाली देत जा.. तेवढच दर्शन होत राहिल. :)
काय ती मांडणी.. काय ती तयारी!! काय ती डाळ!! आहाहा!!
खल्लास.
शब्दच संपले.
ह्यापुढे काहिही सुचत नाही. नेहमी नवीन काय लिहीणार.
या पाकृमुळे दोन लोकांना जास्त आनंद होईल.
परा आणि फक्त ५०.
झकास. करुन बघते जमतेय का.
ए भाताचा 'टोप' आणा रे कुणीतरी...!
वदनी कवळ घेता नाम घ्या मातृभूचे,
सहजस्मरण होते आपल्या बांधवांचे,
कृषिवल कृषीकर्मी राबती दिनरात......
ह्या (हे जोरात) , करा सुर्वात. ;)
दरवेळेस नवे चमचे आणि आता पळीसुद्धा बादलीसकट.
बाकी पाकृ एकदम भन्नाट !!!!!!!!!
अशीच एक डाळ इकडे उत्तरेत बनवतात. एकूण मिळून ५/६ तास लागतात म्हणे एकदम मंद आचेवर. नाव आहे मा-उडद-चने कि दाल. भरपूर क्रीम आणि वाढताना बटर टाकतात.
तुम्ही ब्राह्मणभोजन वैग्रे घालता का हो ?
मस्त तोंपासु
केवळ जबरदस्त
झकास, अप्रतिम, सुरेख, इ.इ.इ.....................
संपले शब्द.:)
१२ व्यांदा मेलो, उरलेला प्रतिसाद थेट नरकातुन.
सही ! दुसरे काही लिहणार नाही _/\_
मस्तं !
फोटोदेखील अप्रतिम .
कालच केली होती ही दाल. छानच झाली होती. तूपावर केल्यामुळे चव एकदम वेगळी आली होती.
फोटोदेखील नेहेमी प्रमाणे अप्रतिम...
_/\__/\__/\__/\__/\__/\__/\__/\_ असे १०० प्रणाम.....
एकदा तुझ्याकडच्या भांड्यांचे फोटू दे.>>
खरच दे एकदा ......
फोटो नेहमी प्रमाणे एकदम शोलेड बोले तो झक्कास :-)
तुमच्याकडचं भांड्याचं कलेक्शन बघून मला कॉम्प्लेक्स येतो.
आजच बनवली....खुप आवडली....अर्थात याचे सारे श्रेय तुम्हालाच
धन्यवाद
मस्त