माळरान अन् ते दोघे!! -- ३ त्या हिरव्या झाडावर एक घरटे आहे . बहुदा चिमणीचे बर्‍याचदा तिथून कलकलाट येतो कानावर पाखरे तरी किती निरागस . वठलेले झाड विचार करतेय . घरट्यामध्ये खोचलेल्या वाळलेल्या काटक्या तर त्याच्याच आहेत ना . . चला, म्हणजे अजूनही मी अगदीच निरपयोगी नाही तर . त्याच्या जीर्ण खोडावर अजूनही कोरल्याच्या खुणा जाणवतायत अगदी स्पष्ट नाहीयेत तरी त्याच्यावर, आणि हो, एकमेकांवरही प्रेम करणार्‍या दोघांनी गोंदवलेली काही अस्फुट अक्षरे . . किती यातना झाल्या होत्या पण त्याचे असे आहे कोण कोणाला कसा लळा लावेल . आता युगे लोटली त्या दोन्ही झाडांना शेजारी शेजारी उभे असून . . हिरव्या झाडाने अजूनही साथ सोडली नाही अन् वठलेल्या झाडाने . आशा (क्रमश:) |- मिसळलेला काव्यप्रेमी -| (१०/१०/२०११)