साहित्यः ३ कप बारीक चिरलेला पालक २ कप काबुली चणे रात्रभर भिजवून, सकाळी बोटचेपे उकडून घेणे.(कॅनमधले काबुली चणे देखील वापरू शकता) २ टोमॅटो+ ३-४ लसुण पाकळ्या+ १ इंच आले+ २-३ हिरव्या मिरच्या एकत्र वाटून घेणे. १ मोठा कांदा बारीक चिरून १ टेस्पून छोले मसाला १ टीस्पून लाल तिखट १ टीस्पून धणेपूड १/२ टीस्पून आमचूर पावडर १/२ टीस्पून गरम-मसाला मीठ चवीनुसार १ टीस्पून जीरे २-३ तमालपत्र ३-४ दालचिनीच्या काड्या तेल पाकृ: जाड बुडाच्या पातेल्यात तेल तापवून जीरे, तमालपत्र आणी दालचिनीच्या काड्या घालून परतावे. कांदा, मीठ व टोमॅटोची प्युरे घालून चांगले परतावे. वरील मसाले (गरम-मसाला सोडून) घालून सगळे नीट एकजीव करावे. त्यात चिरलेला पालक घालून एकत्र करणे व झाकून पालक शिजवणे.शिजलेल्या पालकात उकडलेले काबूली चणे घालावे व शिजवावे. शिजल्यावर वरून गरम-मसाला भुरभुरावा. लिंबु पिळून गरमा-गरम पालक-छोले रोटी, चपाती सोबत सर्व्ह करा.