ठाणे कट्ट्यावर उतारा....

एका स्पाम मेल मध्ये ठाणे कट्ट्याचा मेनु पाहिल्यापासुन अंमळ त्रास होत होता. विकांताचा सदुपयोग करावा म्हणुन मग शेव भाजी न चपाती चा एक प्रयत्न करुन पाहिला. भाजी साठी साहित्यः १ वाटी सुके खोबरे. १ मोठा कांदा. २ मिरच्या २ लसुण पाकळ्या ( सोलुन) छोटा आल्याचा तुकडा १/२ टि स्पुन लाल तिखट १ टि स्पुन मसाला. १ वाटी लाल शेव सुके खोबरे लालसर भाजुन घेणे. कांदा साफ करुन तो देखील मिरच्यांबरोबर भाजुन घेणे. भाजलेले वरील जिन्नस , तिखट , मसाला , हळद ई. मिक्सर मधुन फिरबुन घेणे. एका कढईमध्ये तेल तापवत ठेवणे. तेल चांगले तापले की जिरे - मोहोरी टाकणे. मग मिक्सर मध्ये वाटलेला मसाला या गरम तेलात मस्त परतवा. आवश्यकतेनुसार थोडे पाणी घालुन , कढईवर झाकण ठेवावे. अधुन मधुन झाकण उचलुन चांगली उकळी आलीये की नाही हे बघावे. मस्त उकळी आली की , शेव टाकावेत अन ग्यास बंद करुन कढईवर झाकण ठेवावे. मागच्या वेळी "मसालेदार हरबरा बटाटा उसळ" अंमळ जास्त लालसर दिस्त होता , म्हणुन यावेळी तिखट जरा कमी टाकलेय. म्हणुन यावेळी नीट रंगली नाही भाजी. जरा समजुन घ्यावे.