काय सुंदर चित्र आहे ! वा ! इतक्या लहान मुलांना इतका सुंदर मोर कसा काढता येतो ?? रवीच्या किंडर गार्टन च्या टीचर ला भेटायला हवे ! रवि परांजपे जेव्हा दुसर्‍या वर्गातून तिसर्‍या वर्गात जातील तेव्हा किती छान चित्रे काढतील नाही ??? - सर्किट

मोराचं चित्र छानच आहे.. तात्या.

सृष्टी लावण्या , अतीशय चांगल्या कलाकाराशी ओळख करून दिल्याबद्दल धन्यवाद. --------- केशवराव.

रवि परा॑जप्या॑च्या कु॑चल्याचे फटकारे मिपावर देखील अवतरले हे पाहून छान वाटले. सृष्टीताई धन्यवाद.

हे एक आदरणीय ज्येष्ठ चित्रकार आहेत. नवचित्रकलेच्या प्रवाहाच्या विरुद्ध ठामपणे उभे राहून त्यांनी अभिजात शैलीचा पाठपुरावा केला आहे. त्यांचे सुंदर चित्र पाहून चांगले वाटले, पण त्यावरील काही प्रतिक्रिया अभिरुचीपूर्ण नव्हत्या.

"नवचित्रकलेच्या प्रवाहाच्या विरुद्ध " ऐवजी 'नवचित्रकलेच्या नावाने कुरूपतेचे कौतुक करण्याच्या प्रवृत्तीच्या विरुद्ध" असे म्हणणे जास्त योग्य होईल.

मोराचे आणि वरती धनंजयने दिलेले दोन्ही चित्रे सुरेखच आहेत. मोराच्या वरती रेखाटलेली फांदी जणू दुसरा मोरच वाटते आहे! रवि प. यांची शैली अनोखी आहे. सशक्त रेषा, सोपी आणि ओघवती मांडणी, त्रिमिती दाखवण्याचे वेगळे कसब, वेगवेगळे पोत कुंचल्यातून साकारण्याची ताकद. ते एक उत्तम चित्रकार आहेतच, शिवाय एक चांगले कला समीक्षक, लेखक आहेत, आणि ह्या पलीकडे जाऊन ते सामाजिक जाणीव असलेले एक नागरिकही आहेत. दै.सकाळच्या बाल चित्रकला स्पर्धेला त्यांचे कित्येक वर्षे मार्गदर्शन लाभते आहे. त्यांच्या चित्रांची ओळख मला लहानपणीच दिनदर्शिकांवरच्या अनोख्या चित्रातून झाली. त्यानंतर ते वेगवेगळ्या चित्रातून भेटतच गेले. सुदैवाने शाळेत मला इ.पाचवी पासूनच, राष्ट्रपती पारितोषिक विजेते कै.अंबादास जगन्नाथ घारे आणि उत्कृष्ट व्यक्तिचित्रण (पोर्ट्रेट) करणारे वसंत विटणकर हे दोघे चित्रकला शिक्षक म्हणून लाभले हे माझे भाग्य! माझी आई ही सुध्दा एक उत्तम चित्रकार आहे. त्यामुळे रंग-रेषांची ओळख लवकर झाली. सृष्टीलावण्यताई हा विषय इथे आणल्याबद्दल आभार. चतुरंग

पिसारच्या छ्टा खूप सुंदर आहेत. धन्यवाद सृष्टीताई.. - (सर्वव्यापी)प्राजु

सृष्टिलावण्यताई/दादा/काका/मावशी, तुमच्या आदर्शाला उगाच काहीच्याबाही बोलून गेल्याबद्दल क्षमस्व ! च्यमारी ह्या चित्रकलेतले आम्हाला काही कळत नाही. बहुतांश सर्वसाधारण लोकांना जे आवडते, त्याची आम्हाला किळस येते. आमचे डोके बिघडलेलेच आहे, हे नक्की !! एक उदाहरण देतो. हल्लीच आम्ही साल्वादोर दालीचे मेल्टिंग क्लॉक्स बघितले, खूप आवडले. त्यावर आमच्या मित्राने आम्हाला झाडले. त्यात काय दिसते असे आम्हाला विचारले. म्हटलं, घड्याळ म्हणजे वेळ. असा वितळणारा वेळ पाहताना मजा वाटली. असा आमचा वेळ वितळून जावा, असे कुठेतरी वाटले. तर म्हणतो कसा, तुम्हा इंटलेक्च्युअल लोकांना ह्य असल्या वेड्यावाकड्या चित्रांत काहीतरी सुंदरच दिसणार. तो दाली एक यडपट आणि तुम्ही शंभर यडपट ! आता, एक स्पष्ट करतो, ते चित्र पाहिपर्यंत मला डाली कोण हे माहितीदेखील नव्हते. आणि हे तुम्ही दिलेले चित्र पाहीपर्यंत रवी परांजपे ज्येष्ठ आहेत की कनिष्ठ, नक्की कितव्या वर्गात हे देखील माहिती नव्हते. मुळात चित्रकार कोण आहे हे माहिती नसताना चित्राविषयी दिलेला अभिप्राय अधिक योग्य नाही का ? असो. आम्हाला ह्या चित्रात दिसले ते आम्ही लिहिले. चित्रकार मराठी आहे, म्हणून उगाच त्याच्या चित्राविषयी अभिमान का बरे ? चित्र पाहायचे, आवडले तर हो म्हणायचे, नाही तर नाही ! आमचे तर बुवा असे आहे. - सर्किट

भाषा असते. मोराचे चित्र सुरेख आहे. निसर्ग (झाड आणी मोर) आणि कल्पना (पिसा-याचे अनोखे, वेगळे रंग, भौमितीक आकृत्या) यांची मनोहर सरमिसळ (पुन्हा मिसळच) झालेली आहे. मला देखील चित्रातले फारसे कळत नाही. परंतु जसे भिडले तसे लिहिले. मिपावरील नव्या चित्रकार सदस्याताईनी रसास्वाद लिहिला तर बरे होईल. माझ्या मडक्यात किती शिरले ते तरी कळेल. धन्यवाद. शुभेच्छा.

सुंदर चित्र आहे. फ्लिकरदुव्यावरील इतर चित्रे, प्रकाशचित्रेदेखील बघितली. आवडली. धन्यवाद!

सृष्टीलावण्य ताई महोदया, "चित्रकारीला वयाचे बंधन नसते आणि ती समजून घ्यायला वकूब लागतो. जो दुर्दैवाने परमेश्वराने प्रत्येकालाच दिलेला असतो असे नाही. पण आपल्या मर्यादा ज्याने त्याने स्वत:च ओळखल्या पाहिजेत. नाहीतर लोक म्हणतात. "गा.गु.च.का."" मला पहील्या दोन ओळी कळाल्या.... पण तिसर्या ओळीत "गा.गु.च.का."" लिहिले आहे "गा.गु.च.का."" म्हणजे काय...( तात्यानु बघतांव ना आमचो मराठी भाषेचो घोळ.....) तुमचो एक अज्ञानी मराठी पात्राव विजुभाऊ

वा .. रवी परांजप्यांची बाकीची चित्रे सुद्धा त्यांच्या संकेतस्थळावर जावून पाहिली. फारच छान आहेत. चित्रकलेतल्या विविध शैलींविषयी आपण काही लिहिलेत तर वाचायला आवडेल. -- लिखाळ. 'शुद्धलेखन' आणि 'शुद्ध लेखन' यांवरील चर्चा वाचून आमची पार भंबेरी उडाली आहे.

मोराचे चित्र अतिशय सुंन्दर आहे.मोराची मान,डोळे आणि डोक्यावरील तुरा तर फारच आवडला. चित्राची रंगसंगती अतिशय सुंदर आहे. सृष्टिलावण्यजी या सुंदर चित्र मि.पा वर दिल्या बद्धल आपल्याला धन्यवाद..... आपल्या इथे फक्त अनवाणी चालणारे आणि हिंदु देव-देवतांची नग्न चित्रे काढणारे तथाकथित चित्रकारांचा बोलबाला आहे !!!!!आणि अशा या चित्रकाराची अन्य चित्रे (सर्व सामान्यांना समजणारी ?) कोट्यावधी रुपयांच्या लिलावांनी विकली जातात...(यातील बहुसंख्य चित्रे पाहिल्या नंतर त्या चित्रांचा विषय कोणता असतो हे समजण्यासाठी बहुतेक चित्रकलेत पी.एच.डी करावी लागेल.....) (राजा रविवर्मा,दीनानाथ दलाल,रघुवीर मुळगावकर यांचा चित्र भक्त) मदनबाण

हा ओढून-ताणून लावलेला किंवा बादरायण संबंध असेल, पण या चित्राच्या वरील अर्ध्या भागात झाडाच्या सुकलेल्या, रंगहीन फांद्यांचा मोरासारखा (तुर्‍याच्या जागी पांढरी फुले, फांद्यांचा 'पिसारा' खाली झुकलेला) आकार आहे आणि त्याची आरशातली प्रतिमा वाटावी असा रंगीत मोर खाली. चित्राच्या डावीकडे दोघांची सरमिसळ झालेली. [अर्थात, यातून अनेक प्रतीकात्मक अर्थ काढता येतील.] चित्रकलेत मला मल्लखांबाइतकीच गती (किंवा तिचा अभाव) आहे, त्यामुळे हे निरीक्षण कितपत बरोबर आहे, ते माहीत नाही.

नंदन
मराठी साहित्यविषयक अनुदिनी