Skip to main content

रानफुले

लेखक पाषाणभेद यांनी गुरुवार, 03/10/2024 या दिवशी प्रकाशित केले.
असाच भटकत रानात असता रानफुले समोर येती नव्हता कसला गंध तयांना रंगही नव्हते भरजरी विविध परी तयांत होती नक्षी बारीक नाजूक सुंदर कोमल पिवळे गेंद उन्हात चमके वार्यावरती डौलाने डुलके वेड लागले मलाच तेथे दृष्य मनोरम खरोखर ते डोंगर उतार पठारावरती फुले पाहता लागली समाधी घोस तयांचे लेऊन घ्यावे वाटले तक्षणी अंगावरती एकरूप व्हावे, तेथेच रमावे परत न फिरावे घराप्रती बघतो जेव्हा अचानक रानफुले समोरी येती - पाभे (03/10/24) (काल डोंगर उतारावर पाहिलेले दृष्य)
काव्यरस
भावकविता
लेखनविषय:
वाचने 1419
प्रतिक्रिया 4

प्रतिक्रिया

प्रचेतस गुरुवार, 03/10/2024
व्वा..सुरेख. हल्ली सह्याद्रीत सर्वत्र हे दृश्य दिसत आहे.

कर्नलतपस्वी गुरुवार, 03/10/2024
रानफुलां सवे अनेक पक्षी पण दिसतात अंधाराचे जाळे फिटता पाऊले डोंगराकडे वळतात

श्वेता२४ गुरुवार, 03/10/2024
एकरूप व्हावे, तेथेच रमावे परत न फिरावे घराप्रती अगदि असेच वाट्ते.

गणेशा सोमवार, 14/10/2024
मस्त... खूप दिवसांनी मिपा आणि कविता विभाग पाहिला... आणि तुमची कविता वाचली सुरेख.. हल्लीच मारुती चितमपल्ली वाचतोय, त्यामुळे निसर्ग.. वाटा.. फुले.. पक्षी ह्या सर्व वर्णनांनी भारावून गेलोय, त्या मुळे कविता जास्तच आवडली...