ममता दिदी ,काँग्रेस अभद्र आणी भाजपा सत्तालोलुप. छान तुम्हाला फेगडा सलाम. छान माहिती आहे.

मेथांबाजी... काँग्रेसने जवळ जवळ ५० वर्षांच्यावर कारभार केला (खरे तर वाट लावली देशाची) तर ५ वर्षे स्थिर सरकार देणारे भाजप सत्तालोलुप कसे? याचे पटणारे स्पष्टीकरण दिलेत तर बरे होईन. सत्तेचा गैरवापर करण्याची उघड उदाहरणे काँग्रेसची कितीतरी आहेत... एकच कायदा वापरुन गोव्यातील भाजपा समर्थित सरकार बरखास्त केले जाते आणि दुसर्‍या राज्यात बहुमतात नसतानाही काँग्रेस समर्थित पक्षाला सत्तासीन होता येते. सीबीआय क्वात्रोची टायटलर क्लीन चीट अजून किती प्रकरणे हवीत. माझ्यापेक्षा येथे अनेक ज्येष्ठ लोक आहेत जे नक्की यावर उहापोह करतील (किमान काँग्रेसविरोधी) सागर

तिसरी आघाडी हेच देशाचे आशास्थान ! तुम्ही ठरवुन मोकळेपण झालात होय ? वाह ! ज्या मृणालताई कुलकर्णींना कमीत कमी ४-५ इंग्रजी शब्द बोलल्याशिवाय एक सलग वाक्य बोलता येत नाही त्यांना राजा शिवछत्रपती मालिकेत नाईलाजाने का होईना शुद्ध मराठी बोलावे लागत आहे. काय सांगता ? फारच आतल्या गोटातली माहिती बॉ तुम्हाला. अवांतर :- हिंदी बोलताना प्रकाश कारत आणी रामदास आठवले किंवा सोनिया गांधी ह्यांचापण असाच नाईलाज होत असेल का हो ? ©º°¨¨°º© परा ©º°¨¨°º© फिटावीत जरा तरी जगण्याची देणी, एक तरी ओळ अशी लिहावी शहाणी... आमचे राज्य

मेथांबा, कम्युनिस्ट आणि काँग्रेस / भाजपा मधे काय फरक आहे हे समजवून सांगाल का? मी विचारधारेबद्दल नाही म्हणत आहे. एक निवडणुकीचे राजकारण करणारा पक्ष या भूमिकेवरून काय फरक आहे हे विचारतो आहे. मला काय विचारायचे आहे हे तुम्हाला समजले असेल अशी आशा करतो. नसल्यास परत नीट समजवू शकतो. मला अजून एक विचारायचे आहे. जर का कम्युनिस्ट सत्तेत आले तर, देशहित की विचारसरणी असा प्रश्न निर्माण झाल्यास ते काय निवडतील? यावेळी तरी प्रश्नांना उत्तरे मिळतील अशी अपेक्षा करतो. बिपिन कार्यकर्ते

ज्या मृणालताई कुलकर्णींना कमीत कमी ४-५ इंग्रजी शब्द बोलल्याशिवाय एक सलग वाक्य बोलता येत नाही त्यांना राजा शिवछत्रपती मालिकेत नाईलाजाने का होईना शुद्ध मराठी बोलावे लागत आहे. तशीच स्थिती केंद्रात काँग्रेसची झाली आहे.>> ही उपमा ( की शिरा? की तुलना ?) समजली नाही. तिसरी आघाडीतील प्रत्येकालाच पंतप्रधान बनायची आकांक्षा आहे, त्यामुळे ती कितपत स्थिर असेल ही शंकास्पद बाब आहे. कोण किती जोरात ब्लॅकमेल करेल त्यावर तो पंतप्रधानपदी बसेल की नाही ते ठरेल. म्हणुनच प्रकाश करातजी बोलले कि काँग्रेसला आम्ही पाठिंबा देण्यापेक्षा आता काँग्रेसने निवडणुकपश्चात गपगुमान आमच्या पंतप्रधानपदाच्या उमेदवाराला पाठिंबा द्यावा>> आमचा उमेदवार म्हणजे कम्युनिस्टांचा की? तिसरया खिचडीचा? शीर्षक वाचून वाटलं होतं की हा विकी किंवा मेथाम्ब्याचाच धागा असणार, आणि तेच झालं. जाता- जाता तिसरया खिचडीतील पदार्थ. तांदूळ- कम्युनिस्ट ( थोडे रेशनचे+ थोडे खडे+ थोडे गोटे) डाळ- जयललिता तेल- नवीन पटनाइक मसाला- मायावती बटाटे- चंद्राबाबू नायडू शेंगदाणे/ वाटाणे/ हरभरे- लालू+मुलायम+पासवान तोंडी लावायला- शरद चटणी कुकर- काँग्रेस सजावटीसाठी मुस्लीम लीग+ फारुख अब्दुल्ला अशी "हिरवीगार " पाने भुरभुरावीत. अपक्षांचा कांदा घ्यावा. इशान्येकडील संगमांचा पापड मोडावा. शिबू सोरेन कडून कढी घ्यावी. अशी फर्मास तिसरी खचडी शिजवण्यासाठी जातीयवादी, सत्तालोलुप भाजपाची आग वापरावी!! तिसरी आघाडी म्हणे देशाचे आशास्थान! बाझवली तुमची आघाडी.

+२ एच.बी.

बाकी काही असो. कम्युनिस्ट काही उपयोगाचे नसले तरी ते मिपाकरांना एकत्र मात्र आणतातच. नेहमी प्रमाणे मेथांब्याने धागा टाकून पलायन केलेले दिसते. खिचडी खायला गेला की काय?

नेहमी प्रमाणे मेथांब्याने धागा टाकून पलायन केलेले दिसते. खोटं बोल पण ठासुन बोल हि निती दिसते तुमची. खिचडी खायला गेला की काय? तुमच्यासारखे आम्ही शिरा-पुरी, श्रीखंड-पुरी वाले नाही साहेब. आम्हां गरीबांकडे मुगाची खिचडीच असणार. तुम्ही मारा मजा पुर्वजांच्या संपत्तीवर.

ते ठीक आहे हो. आहे मी शिरा- पुरी, श्रीखंडवाला , आहे मी पुर्वजांच्या संपत्तीवर मजा मारणारा . पण मी सामन्यांना पावाच्या रांगेत उभे करुन, बायकोच्या वस्त्र खरेदीसाठी कार पाठवणारा पॉलिट ब्युरो सदस्य नक्कीच नाही. पण तुम्ही माझी खिचडीची पाकृ वाचलीत का? त्यापैकी किती लोक तुम्हाला विश्वास ठेवण्यालायक वाटतात?

ज्या पक्षाची स्थापनाच भारतविरोध आणि चीनचे समर्थन यावर झाली आहे अशा नीच आणि हलकट कम्युनिस्टांचा समावेश केंद्र सरकारमध्ये होणे हे मोठे संकटच असेल.यांच्या देशविरोधी कारवाया ’एकापेक्षा एक’ आहेत.मिपावर मी मागे लिहिलेला प्रतिसाद इथेही तितकाच लागू आहे तेव्हा त्याचा काही भाग परत इथे चिकटवत आहे. १) याच पक्षाने १९६२ च्या युध्दानंतर बिनदिक्कतपणे चीनचे समर्थन केले. २) याच पक्षाचे नेते आणि नुकत्याच दिवंगत झालेल्या अहिल्या रांगणेकर यांचे बंधू बी.टी.रणदिवे यांनी विभाजनपूर्व भारतीय कम्युनिस्ट पक्षाचे नेते असताना १९४८ साली नुकत्याच स्वतंत्र झालेल्या भारत देशाच्या सरकारविरूध्द ’हे स्वातंत्र्य खोटे आहे’ असे म्हणत हे सरकार उलथवून लावा असा नारा दिला होता. रणदिव्यांनीच भारत सरकार हे साम्राज्यवाद्यांच्या हातातले बाहुले असून सशस्त्र क्रांतीनेच ते उलथवून लावले पाहिजे असे म्हटले. ३) याच पक्षाच्या पूर्वसुरी भारतीय कम्युनिस्ट पक्षाने १९४२ च्या चलेजाव चळवळीत रशियाच्या सांगण्यावरून भाग घेतला नव्हता . ४) याच पक्षाचे सरचिटणीस प्रकाश करात यांचे म्हणणे आहे की वाढते भारत-अमेरिका संबंध चीनच्या विरोधात आहेत म्हणून त्यास यांचा विरोध आहे. बघा चीनचे हितसंबंध राखायची किती तळमळ लागून गेली आहे यांना. माओ-डेंग यांच्या आत्म्यांना अगदी गहिवरून आले असेल ही मुक्ताफळे ऐकून! या असल्या कुजकट विचारसरणीची गरज भारतात नसून चीनमध्येच आहे आणि ज्या दिवशी या कम्युनिस्टांना त्यांच्या देशात हाकलले जाईल तो दिवस भारतासाठी एक सोन्याचा दिवस असेल. सरकार अगदी काँग्रेसचे आली तरी परवडले.काहीही झाले तरी हे भारतीय राजकारणातील ’तृतीयपंथीय’ नकोत. यासाठी विवेकानंदांच्या आणि राजा राममोहन रॉय यांच्या बंगालने पुढाकार घ्यायची गरज आहे. ---विल्यम जेफरसन क्लिंटन

तिसरी आघाडी हेच देशाचे आशास्थान ! नऊ महीने नाही पण नऊ दिवस तरी थांबा की राव! -संदीप. काय'द्याच बोला.

अरे प्रदीप, मेथांबा, विकी गेले कुठे? या रे या, कम्युनिस्टांनो क्राती करण्याची हीच संधी आहे रे कॉम्रेडांनो

मेथांबारावांशी सहमत.. सध्या मी कम्युनिझम ची गोळी घेऊन तिसरी आघाडी निर्माण करायची स्वप्ने पहात आहे ........ (धर्माच्या गोळी पेक्षा स्ट्राँग अशी कमुनिष्ठपणाची गोळी घेतलेला.) लाल पेशवा एरवी सगळे कागद सारखेच. फक्त कागदाला अहंकार चिकटला की त्याचे सर्टीफिकेट होते. Since 1984

>>तिसरी आघाडी हेच देशाचे आशास्थान बरं बरं (डाव्यांना डाव्या हाताने सलाम)

खरोखर ज्या दिवशी हा कम्युनिझम जगातुन संपेल तो दिवस शुभ दिवस असेल. प्रदीप जी वर जे म्हणता त्याप्रमाणे डावे कधीच तत्वनिष्ठा बाळगणारे म्हणुन ओळखले जात नाहीत. सतत पायात पाय घालुन पाडणे हाच एक उद्योग ते आजपर्यत करत आले. म्हणुन तर सोमनाथ चटर्जीना शेवटी उपरती झाली व त्यानी डाव्याची साथ सोडुनदिली.म्हणे कामगार व शेतकर्‍याचा ह्याना कळवळा आहे. मग प.बंगाल मध्ये शेतकरी ह्याच्या विरोधात का आहेत? केरळ अजुनही औद्योगिक दृष्ट्या मागास का आहे?हे तिसरे आजपर्यत बंगाल मध्ये बंदुकीच्या जोरावर निवडणुका जिंकत आले आहेत.सामान्य लोकांचा भारतात ह्याना कुठेच पाठिंबा नाही आहे. तसा जर पाठिंबा असता तर आज हे लोक सत्तेत असते.कम्युनिस्टाचा लोकशाहीवर अजिबात विश्वास नाही व लोकाचा ह्याच्यावर. जगातील एक एक कम्युनिस्टाचे गड ढासळत आहेत्.आता फक्त चीन च्या रुपाने शेवटचा गड बाकी आहे. तिथे देखिल लष्कराच्या बळावर लोकशाहीचे आंदोलन दडपले जात आहे.परंतु येत्या आठ दहा वर्षात चीन चे देखिल रशियाप्रमाणे विघटन होणार. त्यावेळी भारतातील ह्या लाल लांडग्याना अक्कल येईल.महाराष्ट्रातील जनतेने ह्या कम्युनिस्टाना त्याची जागा दाखवुन दिलीच आहे.एकवेळ जातियवादी पक्ष परवडले पण हे डावे नकोत अशी सर्वत्र भावना आहे. बंगाल मध्ये कॉग्रेसने ममता बॅनर्जी सोबत केलेली युती अभद्र आहे हे ठरवणारे तुम्ही कोण?त्याचे विचार पटले म्हणुन युती झाली.पण त्यामुळे डाव्याच्या बंगाल मधल्या जागा कमी होतील व सरकार स्थापनेतील त्याचे महत्व कमी होईल ही भीती तुम्हाला वाटत आहे म्हणुन ही युती अभद्र? शरद पवार किंवा अडवाणी ह्याना त्याच्या चुकीची सजा जनता मतपेटीद्वारे जनता द्यायला लोकशाहीत सक्षम आहे पंरतु कम्युनिस्ट शासनात जनतेला कितपत अधिकार असतात? आज चीन मध्ये लोकशाहीसाठी आंदोलन करणार्‍यावर रणगाडे चालवले जातात,बंगाल मध्ये सरकार विरुध्द आंदोलन करणार्‍या शेतकर्‍यांवर कम्युनिस्ट कार्यकर्ते बंदुकीने हल्ला करतात हे सर्व जगाने पाहिले आहे.त्यापेक्षा पवार व अडवाणी बरेच म्हणावे लागतील. माझ्यामते जे लोक कम्युनिस्टांचे समर्थन करतात तेच खरे लोकशाहीचे विरोधक आहेत. ह्यावेळी जनता त्याना मतपेटीद्वारे त्याची लायकी नक्कीच दाखवुन देईल. खविस,हडळ,मुंजा,गोस्ट,डेव्हिल,वेताळ

मी तुमच्याशी सहमत. तिसर्‍या आघाडीचे सरकार येणार हे खरेच आहे.आता भारताला कम्युनिष्ट क्रांतिशिवाय कोणिही वाचवू शकत नाही.

की सर्व जण त्यांच्यावर तुटुन पडत आहेत.इतकी साधी राहणीमान आणि एकच विचारसरणी घेऊन आपले धेय्य साध्य करणार्‍या कम्युनिष्टांना आपण का विरोध करत आहात?

इतकी साधी राहणीमान आणि एकच विचारसरणी घेऊन आपले धेय्य साध्य करणार्‍या ..

राहणीमान साधे असले तरी त्याना लालू,मुलायम्(ज्यानी करोडोनी माया जमवली आहे) हे कसे चालतात? नविन पटनायक आतापर्यत 'जातियवादी' होते .आता ते 'निधर्मी' झाले. बरोबर? :D ९१ साली रशियाचे विघटन झाल्यावर कुठल्याही भारतिय कम्युनिस्ट नेत्याने त्यावर चर्चा करण्याचे टाळले आहे. काँग्रेस काय्,भाजपा काय किंवा कम्युनिस्ट काय ,सगळ्या पक्षांचीच अन्तर्वस्त्रे आतून बाहेरुन फाटली आहेत. भेन्डि क्ष्^न + य्^न = झ्^न

माझ्या क्लिंटन ह्यांच्या प्रतिसादावर काही प्रतिसाद आले आहेत. त्यातील मला जमेल त्या मुद्द्यांची उत्तरे देण्याचा प्रयत्न करतो. सर्वप्रथम क्लिंटन ह्यांचा अतिशय संयमित प्रतिसाद आवडला. "असे उद्गार उद्वीग्नतेतून जन्माला येतात याची नोंद घ्यावी." हे समजले होते आणी आहे आणि मीही जी काही उदाहरणे दर्शवून 'ह्यांचे काय करायचे?' हे जे म्हणत होतो, तेही तशाच उद्वेगाने. राष्ट्रप्रेम हा अगदी मूलभूत मेट्रिक असावा हे तुमचे म्हणणे अगदी पटते. आणि कम्युनिस्ट ते तसे करत नाहीत ह्याबद्दलही काहीही प्रतिवाद नाही. (पहा: कॉ. मेथांबा तुम्ही विचारलेल्या प्रश्नांवर गप्प, कालिंदीबाई येथे फिरकल्याच नाहीत, व विकी सगळे वाचूनही 'कम्युनिस्टांना झोडपण्यासारखे झाले आहे काय? असे साळसूदपणे विचारताहेत. एकही उत्तर नाही ह्यात आश्चर्य ते कसले?) मीही त्यांचे समर्थन केलेले नाही. पण त्यांनी जे केले तेच छुपेपणाने इतरांनीही कमीजास्त प्रमाणात केले आहे, ते तसे सगळेच करत आहेत, आणि अगदी लघूदृष्टि असलेली मायबाप जनता हे सगळे पचवून घेत आहे. आपली शोकांतिका हीच आहे. आंबोळी ह्यांनी मीच कम्युनिस्ट आहे असे समजून जे काही लिहीले आहे, त्यात १०० वर प्रवासी होते, त्यांची हत्या झाली असती तर... जे लिहीले आहे, ते ह्याच लघुदॄष्टिमुळे. तेव्हा काही शेकडो प्राण गेले असते पण आपण कणखर म्हणून अतिरेक्यांसमोर उभे राहिलो असतो. आपल्या उत्तरोत्तर ढासळत गेलेल्या संरक्षक परिस्थीची ती नांदी होती. ज्याप्रमाणे कुठल्याही खेळात पहिली सलामी महत्वाची असते तसेच हेही होते. तिथे आपण मार खाल्ला. आणि त्यामुंळे पुढे आपण शेकडोच काय, हजारो माणसे गमावून बसलेलो आहोत, बसत आहोत. मी लिहीले होते :"भारतीय कम्युनिस्टांच्या चुका, खरे तर घोडचुकाच, झाल्या हे अगदी मान्य आहे. वर दर्शवलेल्या अनेक घटनांमध्ये ह्या पक्षांनी जी भूमिका घेतली ती राष्ट्रविरोधी होती त्यामुळे तिचे समर्थन करता येणे अशक्य आहे. तरीही नुसती आगपाखड न करता काही गोष्टी लक्षात घ्याव्या:"" वेताळ व आंबोळी ह्या दोघांनी हे नीट वाचलेले दिसत नाही. मी कम्युनिस्ट नाही . अशा तर्‍हेचे आरोप करण्यापूर्वी माझे इथले इतर लेखन, माझे प्रतिसाद पहावेत. पण डोक्यात नुसती राख घातली की इतका संयम सुचणे अवघड असावे! (माझ्या खरडीत अलिकडेच विकींनी 'तुम्हाला कम्युनिस्टांना झोडपण्याचा मोह होतो' असे लिहीले आहे-- त्याला एक आठवडा जेमतेम उलटला असावा!!!) मी एव्हढेच जाणतो-- वास्तव काय आहे ते नीट पारखून घ्यावे. आणी त्याला सामोरे जावे, कुठल्याही प्रकारचे स्वप्नरंजन अथवा चुकीच्या माहितीवर गडबडीत आधारलेली गृहिते डोक्यात असणे वाईट. वेताळः "तिसरे आजपर्यत बंगाल मध्ये बंदुकीच्या जोरावर निवडणुका जिंकत आले आहेत.सामान्य लोकांचा भारतात ह्याना कुठेच पाठिंबा नाही आहे. तसा जर पाठिंबा असता तर आज हे लोक सत्तेत असते.कम्युनिस्टाचा लोकशाहीवर अजिबात विश्वास नाही व लोकाचा ह्याच्यावर." ही माहिती कोठून मिळवलीत? एकतर प. बंगालमधे मा. क. प. चे राज्य सुमारे ३० वर्षांहूनही जास्त काळ आहे. ह्या मधल्या काळात अनेक उलथापालथी देशात होऊन गेल्या, केंद्रातील राजवटी अनेकदा बदलल्या. इतकी वर्षे लोकशाही मधील एक घटक बंदुकीच्या, नुसत्या धाकदपटशाच्या जोरावर राज्य करणे शक्य आहे का ह्याचा जरा शांतपणे विचार करा. आणि तसे ते करत होते आणि आहेत, तर कुठच्याही कारणांनी एखाद्या राज्याची राजवट बरखास्त करू शकणारी इतर पक्षीय केंद्रीय सरकारे स्वस्थ बसतील काय? ह्यात काँग्रेसच नव्हे, अगदी मधल्या काळातील भाजपचे सरकारही आले! तर ते तसे आहे आणि का आहे ह्याचा खरोखरीच शोध घ्यावा. बंगाली लोक त्यांच्या मागे का धावतात? एल. टी. टी. ईंची अजूनही कास धरणार्‍या पक्षामागे तामिळी जनता का धावते? गेली पन्नास वर्षे धूळधाण करणार्‍या काँग्रेसमागे महाराष्ट्रातील जनता का असते? ह्या प्रश्नांची सोप्पी उत्तारे नाहीत. तसेच "[चीनमधे] देखिल लष्कराच्या बळावर लोकशाहीचे आंदोलन दडपले जात आहे.परंतु येत्या आठ दहा वर्षात चीन चे देखिल रशियाप्रमाणे विघटन होणार." एकतर चुकीची माहिती आणि त्यातून स्वप्नरंजन! लोकशाहीचे चार जूनचे तियांमान चौकातील आंदोलन हे विद्यार्थ्यांनी केलेले होते. बलाढ्य देशाच्या यंत्रणेपुढे त्याचे बळ अगदी कमी पडले. आणि ह्याहूनही मुख्य म्हणजे त्यांना देशातील शेतकर्‍यांची, कामगारांची म्हणावी तशी साथ मिळाली नाही, खरे तर अजिबात साथ मिळाली नाही. तेव्हा ते आंदोलन सहजपणे चिरडून टाकणे सरकारला सोपे गेले. आणि अजून एक--- चिनी जनतेची मानसिकता आपणा व इतर अनेक देशांतील (विषेशतः युरोपातील) जनतेप्रमाणे अजिबात नाही. २००० वर्षांहूनही अधिक काळ तेथे एकच राज्य आहे (एकत्रित आहे, आपल्याप्रमाणे छोटी छोटी राज्ये नाहीत), आणि चिनी जनतेस राजा- प्रजा हे प्रमाण सर्वसाधारणपणे मान्य असते. हा त्यांच्या मानसिकतेचा अविभाज्य भाग आहे, ही वस्तुस्थिती आहे. चीनमधे आज कोसळाकोसळी होणार, उद्या होणार, हे स्वप्नरंजन बरेच पाश्चिमात्य लोक करत असतात. तो केवळ त्यांच्या विशलिस्टचा भाग आहे, त्यात वास्तव शून्य आहे. आजतरी आर्थिक त्सुनामीच्या संदर्भात हेच पाश्चिमात्य चीनकडेच डोळे लाऊन बसलेले आहेत, हेही वास्तव जाणून घ्या. चीन आपला मित्रवत देश अजिबात नाही. त्यांची एकंदरीत नीति कशी आहे हे आपण अनुभवलेच आहे, आजूबाजूचे इतर देशही अनुभवतातच. पण आता आर्थिक बळाच्या जोरावर ते खूप पुढे आहेत, आणी असलेल्या ह्या बळाचा ते तेल व इतर खनिजे घेण्यासाठी आफ्रिका व अरब देशांशी संधाने बांधून आहेत. ही आपल्या दृष्टिने काळजीची बाब आहे. आपल्या मित्रवत नसलेल्या देशाविषयी तर आपल्याला जास्त वास्तव माहिती करून घ्यायला हवी, नुसती फुटकळ भुरकट माहिती व त्यावर व स्वतःविषयीच्या अवास्तव कल्पनांवर आधारलेली स्वप्नरंजने आपल्याला नकोत.

ज्यांना कुणाला काँग्रेस, भाजपा, कम्युनिस्ट, बसप कसे आहेत हे जाणून घ्यायचे असेल त्यांनी आमचे 'जंगलकथा' चे ४ भाग पुन्हा वाचावेत.

मूळ कम्युनिझम् आदर्श पण स्वप्नरंजन करणारे आहे, त्यात मानवी स्वभावाचे गुण-दोष लक्षांत घेतलेले नाहीत. त्यामुळे खरा आदर्श कम्युनिझम (मार्क्सला अपेक्षित असलेला) जगांत कुठेच रुजला नाही. पण म्हणून भांडवलशाही हे सगळ्याचे उत्तर आहे असे नव्हे. ते दुसरे टोक आहे. कम्युनिस्ट विचारसरणीला माझा विरोध असला तरी आजच्या घडीला देखील बाकीच्या पक्षांच्या तुलनेने भारतीय कम्युनिस्ट नेते हे नक्कीच जास्त स्वच्छ आहेत. आणि मुख्य म्हणजे ते जातिधर्माचे घाणेरडे राजकारण करत नाहीत.

क्षेत्ररक्षण सुधारण्याची गरज आरोग्याची काळजी घ्यावी लागेल परीक्षेत अपयशाची भीती आवडलेले स्थळ दुरावेल अभ्यासाकडे दुर्लक्ष होईल मानसिक क्लेश व चिंता वाढेल. संततीबद्दल चिंता वाढेल अरे बापरे!!!!!!!!!!!!!!!१

देशाला स्थैर्य, अंतर्गत व सीमा सुरक्षा व विकास याची मोठी गरज आहे. यादृष्टीने पुढची पाच वर्षे फार महत्वाची आहेत. त्यामूळे भाजपा वा काँग्रेससारख्या राष्ट्रीय पक्षांचे सरकार कमीत कमी कुबड्या घेउन सत्तेवर येणे आवश्यक आहे. चीन सर्व बाजूने भारताची कोंडी करू पहात आहे, चीनच्या या 'इंडिया कंटेनमेंट' व्यूहरचनेला तोंड देणे हे फार मोठे परराष्ट्र, अर्थ, संरक्षण व गॄह या चारही आघाड्यांवरचे काम असणार आहे. अशा वेळेला कम्युनिस्ट पक्षासारख्या देशद्रोही आणि चीनचे हस्तक असलेल्या घरभेद्यांना कुठल्याही प्रकारे देशाच्या धोरणांवर प्रभाव टाकायची वा महत्वाची कागदपत्रे हाताळण्याची संधी साधता येणार नाही हे बघायला हवे. भ्रष्ट, अकार्यक्षम, जातीयवादी असल्याचे आरोप इतर सर्वा पक्षांनाच एकमेकांवर करता येतील, पण या पक्षांच्या आपापसातील भांडणात भारतीय लोकशाहीचा फायदा घेउन, संसदेत घुसून, भारतालाच उध्वस्त करू पहाणार्‍या कम्युनिस्टांना मात्र पुन्हा शासनात चंचुप्रवेश मिळणार नाही याची खबरदारी घेतली पाहिजे.