जगाची रित.
लेखनविषय:
Taxonomy upgrade extras
जगाची ही रितच न्यारी,
कसेही वागा निंदाच पदरी !
गुणी, सज्जन ठरतो बावळट,
स्पष्टवक्ता, म्हणे आम्हास उद्धट !
शांत व्यक्तीला 'माठाची' ची उपमा,
चतूराच्या माथी, धटिंगडाचा तुरा !
सुट्टी घेतल्यास होतो कामचुकार,
राब-राब राबल्यास ओटी चा भिकार !
सुखात नांदल्यास, बायकोचा बईल,
समाजात गुंतल्यास, ह्याचे कसे होईल ?
दान करणार्यावर, काळ्या पैशाचे लेबल,
काट्-कसर करणारा, कंजूष एक नंबर !
निंदकाचे घर असावे शेजारी,
शेजार्यालाही असतोच शेजारी !
वाचने
3700
वाचनखूण
प्रतिक्रिया
10
जागु, मनात काहीही न ठेवता, कुणाचा मुलाहिजा न बाळगता, दुतोंडी लोकांना चांगलच हाणलत की !
अगदी माझ्याच मनातल्या भावना बोलून दाखवल्यात. चांगल्या कवितेबद्दल अभिनंदन :)
स्पष्टवक्ता, म्हणे आम्हास उद्धट .... बरोबर आहे....
( स्पष्टपणे प्रतिक्रिया दिल्यामुळे मला उद्धट म्हटल्यास माझी हरकत नाही !)
"जगाची ही रितच न्यारी,
कसेही वागा निंदाच पदरी !
गुणी, सज्जन ठरतो बावळट,
स्पष्टवक्ता, म्हणे आम्हास उद्धट !"
आगदी खरं आहे... कसही वागा समाधान म्हणून नाही कुणाला...
सुंदर कविता
अभिनंदन जागु..
In reply to खरं आहे by jenie
हेच म्हणतो.
जागु, मस्त लिहलयं तुम्ही.
काव्य आवडलं. =D>
-सँडी
काय'द्याच बोला?
निंदकाचे घर असावे शेजारी,
शेजार्यालाही असतोच शेजारी ! ... सर्वांनीच समजून घ्यावे असे सत्य
कविता आवडली ..
सुखात नांदल्यास, बायकोचा बईल,
समाजात गुंतल्यास, ह्याचे कसे होईल ?
दान करणार्यावर, काळ्या पैशाचे लेबल,
काट्-कसर करणारा, कंजूष एक नंबर !
निंदकाचे घर असावे शेजारी,
शेजार्यालाही असतोच शेजारी !
वरची तीनही कडवी खूप आवडली.
मस्त उतरली आहे. निंदकांचे घर शेजारीच असते.. :)
- (सर्वव्यापी)प्राजु
http://praaju.blogspot.com/
व्वा मस्तं उतरली आहे कविता... अजून येऊ द्या.
-अनामिक
अगदी खरं खरं लिहिलंस, तेही इतक्या सहजपणे. आवडली कविता.
क्रान्ति {मी शतजन्मी मीरा!}
www.mauntujhe.blogspot.com
"जगाची रित" शब्द्दांत छान बांधली आहे. :)
अनंता, जगमोहन, जेनी, सँडी, मनिषा, प्राजू, अनामिक, क्रांती, शितल तुमचे खुप खुप धन्यवाद.
सत्य कटू असते.