खर्डेघाशी

बेसनलाडू · Wed, 02/20/2008 - 11:47 · जे न देखे रवी...

लेखनविषय:

कविता

गझल

Taxonomy upgrade extras

दिवसांवर दिवसांच्या राशी जीवन म्हणजे खर्डेघाशी फोडासम जपलेले शैशव खपली धरते तळहाताशी तुझ्या बटांशी खेळुन जावे, वार्‍याची इतकी बदमाशी? बांधू जेथे घरटे आपण तिथेच मथुरा,तिथेच काशी भुकेल्यांस भाकरी नसे, अन् खाणारे खाऊन उपाशी तुझ्याविना जगण्याची शिक्षा हीच का मरेस्तोवर फाशी? जरी वादळे येती ज़ाती लाटांना भिडतात खलाशी

वाचने 6887 वाचनखूण प्रतिक्रिया 11

सुधारणा

बेसनलाडू Wed, 02/20/2008 - 11:53

कृपया शेवटचा शेर - जरी वादळे येती ज़ाती लाटांना भिडतात खलाशी असा वाचावा. (सुधारक)बेसनलाडू अवांतर - प्रतिसाद आलेला नसताना प्रकाशित साहित्यकृतीचे संपादन करण्याची सोय आहे ना तात्या? असे संपादन कसे करायचे, याबद्दल मार्गदर्शन कराल काय?

सुधारणा..

विसोबा खेचर Wed, 02/20/2008 - 12:18

प्रतिसाद आलेला नसताना प्रकाशित साहित्यकृतीचे संपादन करण्याची सोय आहे ना तात्या? हो, आहे खरी! परंतु मला त्याबद्दल अधिक तांत्रिक माहिती नाही. नीलकांतराव काय तो खुलासा करतील.. कृपया शेवटचा शेर - जरी वादळे येती ज़ाती लाटांना भिडतात खलाशी असा वाचावा. (सुधारक)बेसनलाडू तूर्तास, तशी सुधारणा केली आहे. काही गैरसोय झाली असल्यास क्षमस्व! धन्यवाद, तात्या.

तुझ्या बटांशी खेळुन जावे, वार्‍याची इतकी बदमाशी?

हाए हाए!!

भुकेल्यांस भाकरी नसे, अन् खाणारे खाऊन उपाशी

भाई वा! मस्तच!! गझल अतिशय आवडली!! -ऋषिकेश

प्रा.डॉ.दिलीप बिरुटे