ढिशुम क्लेमर:- (सदर लेखन आम्हास काल इमेल बॉक्स चे उत्खनन करताना सापडलेले आहे,म्हणून त्यास हे टायटल दिले आहे. आमचे टायटल पाच वर्षांपूर्वी क्लिअर-झालेले असल्याने "असे" नाव सुचले,हे वाचकांपैकी गरजूंनी नीट ध्यानाच्या आत घ्यावे! गरजू 'नसलेल्यांबद्दल' आमची काहीही आरजूच नाही! ;) त्यामुळे त्यांनी नुसतेच वाचावे) मला बेचलर काळात (धपकन) पडलेली स्वप्न! 1) मला (सकाळची) वेळेवर आपोआप जाग आलेली आहे. 2) मेसवर शेपूची भाजी खायला मिळते आहे. 3) मी दररोज कपडे धुतो आहे. 4) रात्री झोपताना मोबाईल चार्जिंगला लावला आहे. 5) शॅम्पूच्या बाटलीचे झाकण लावून मगच बाथरूम मधून(टॉवेल गुंडाळून) बाहेर आलेलो आहे. 6) कामाची पिशवी घरी परत आल्या आल्या लगेच आवरतो आहे. (अर्थात हे स्वप्न चिरतरुण आहे,याला भूतकाळ कधी लाभणार?, कोण जाणे!?) 7) घरी मित्रमंडळी वगैरे कोणीही-कधीही-कशाही साठी येत नाहीत.. अजून एक भाग आहे, तो चालू उत्खननात हाताशी लागला ,तर टाकेन. =================