न्हायी म्हंजी, ईनोबा, तुजं डोस्कं पन काय झ्याक चालतंय रं! :) ओळख-परेड म्हनं... नशीब तेन्ला येक पुढनं आनी एक साईडनं मारलेला फोटू आनी बोटांचं ठसं चिकिटिवायला न्हायी सांगितलंस....:))) तुजा, पिवळा डांबिस

हा!हा!हा!हा!.... लई ब्येस. ह. ह. पु. वा.! संजय अभ्यंकर http://smabhyan.blogspot.com/

आमच्या ओळखीचे एक कुटुंब आहे. ते कोणी त्यांच्याशी वाईट वागले की म्हणतात, त्यांचे पाप त्यांच्यापाशी, (वरून) महाराज (मा. कविश्वरमहाराज) बघताहेत. तसेच सर्व नवीन सदस्यांनी लक्षात ठेवावे की स्वातंत्र्याचा दुरुपयोग करू नका. तात्या, पिवळा डांबीस, नान चेंगट, बुद्धु बैल सारखे अनेक महाराज लक्ष ठेऊन आहेत तुमच्यावर.

आम्ही असे दिसतो.... मूळचे ठाण्याचे. VJTI मधून Engineer झालो. IT मध्ये २ वर्षे चाकरी केली. जरी TCS मध्ये होतो तरी कायम NCDEX मध्ये बसून त्यान्चे काम केले. त्यातून मार्केट्स मध्ये रस आला. त्यामुळे MBA करायचे ठरवले. सध्या देवाच्या भूमीत.. IIM-कोळिकोड (कालिकत) येथे असतो. Technical analysis हा आमचा area of interest आहे. छन्दः भटकन्ती, पार्ट्या करणे, वेळ वाया घालवणे

मी धनंजय मिराशी. मी कसा दिसतो ते दाखवत नाही. (उगाच सुंदर पक्ष्यांमधे कावळ्याचा फोटो कशाला. कावळ्याचा येक पुढनं आनी एक साईडनं मारलेला फोटू शेमच येतो. :) ) मी BCS नावाचा अभ्यासक्रम पूर्ण करुन किडे शोधायला(सॉफ्टवेअर टेस्टींग ) करण्यासाठी कॉग्निझंट मधे आहे. सध्या मी अमेरीकेत आहे. लवकरच परत येईन. मिसळ चापायला. :) पुण्याचे पेशवे

फक्त नवीन सदस्यांचीच ओळखपरेड का?? आम्ही जुन्या सदस्यांना ओळखत नाही.... सगळेच आपली माहिती टाकूया ह्या थ्रेड वर... भविष्यातही जेव्हा नवीन सदस्य येतील तेव्हा वाचतील... अनिकेत

अर्थात आपल्याला स्वतंत्र थ्रेड बनवण्याची इच्छा असल्यास आपणास त्याचे स्वातंत्र्य आहे(लोकशाही आहे हो आमच्याकडे),सदस्यांच्या सोयीकरिता हा खटाटोप. त्याचबरोबर, प्रत्येक नवीन/जुन्या सदस्याने स्वत:ची ओळख करून दिलीच पाहिजे असे मात्र मुळीच बंधन नाही असे मिसळपावतर्फे आम्ही जाहीर करत आहोत.. तात्या.

तसे मुळ नाव निलेश व्यवहारे परंतू घरात रंगाने उजवा असल्यामुळे आईची प्रेमळ साद 'काळूराम' . नाशिकात अभियांत्रिकी शिक्षण संपवून (पूर्ण करुन नव्हे!) स्कॉटलंड मध्ये उच्चशिक्षण घेतोय. तात्यांना एक विनंती कराविशी वाटते, तो मिसळपावचा फोटू तेवढा काढून टाका राव, ईकडे आम्हा मंडळींची चांगलीच फरपट होते. मिसळच्या तर्री सारखीच झणझणीत चर्चा इथे आईकायला मिळेल अशी अपेक्षा.

माझ नाव रविराज देशमुख. मी मुळचा सातारचा. सांगलीला वालचंद कॉलेज ऑंफ इंजि. मधुन मी बी.ई. केलं आणि पुण्यामधे नोकरी करतो. सध्या अमेरिकेत असतो. - रवी.

विनोबाचा उपक्रम स्तूत्य आहे. हि माझी ओळख. मूळ नांव केशव चांदोरकर. चोंढी - अलिबाग येथे रहातो . २८ वर्षे माध्यमिक शिक्षक म्हणून सेवा [ नोकरी ] केली. सध्या एल . आय. सी. एजंट म्हणून काम करतो. सामाजिक कार्याची आवड. एका पतसंस्थेचा अध्यक्ष , एका वाचनालयाचा संचालक, एक भजनी मंडळ चालवतो. वाचन, संगीत [ शास्त्रीय ], ऊनाडने, मित्र गोळा करणे, इ. छंद. वय वर्षे ६०. एक फोटो टाकायचा विचार आहे. कसा टाकायचा ते माहित नाही. बघू कधितरी. अवांतर :- आणि ते पोपटीच्या निमंत्रणाचे काय झाले ? ------- केशवराव.

एक फालतू माणूस. मालाड प. , मुंबई ला राहातो. दुर्दैवाने नोकरी करावी लागते. उलट्या खोबडीमुळे दोन नोक-या बदलाव्या लागल्या. सुदैवाने दोनच. आताची १४ वर्षे कशीतरी टिकून आहे. खाजगी ईंजिनीयरिंग कंपनीत प्रशासकीय अधिकारी. वाचन, संगीत ऐकणे. टी व्ही वर खेल पाहाणे व मित्रांच्याबरोबर भटकणे व फालतू लिखाण करणे हे आवडते छंद. वय वर्षे ५५.

सहजच आंतरजालीय पडीक. जन्मभूमी: मुंबापुरी (दादर!!!!!!!) संगणक अभियांत्रिकीची पदवी आणि नंतर संगणकशास्त्रात पदव्युत्तर शिक्षण. पेशाने सॉफ्टवेअर अभियंता. बहुतांश शिक्षणकालादरम्यान मुंबईत नि पदव्युत्तर शिक्षणादरम्यान अमेरिकेत नॉर्थ कॅरोलायनात वास्तव्य. व्यवसायानिमित्त सध्या कॅलिफोर्नियात. आवडीनिवडी: आंतरजालीय भटकंती, इकडेतिकडे फुटकळ लेखन, जबरदस्त वाचन, नानाविध प्रकारचे संगीत, संगणक आणि सॉफ्टवेअरशी सारख्या उचापती, खाणे आणि खिलवणे; षठीसामाशी फोटो काढत बसणे, अभिनय वगैरे. वय(कॅलेन्डरनुसार) - २४ वर्षे २६२ दिवस. वय (मानसिक) - अज्ञात. (परिचित)बेसनलाडू

आम्ही स्वतः ची ओळ्ख देत नस्तो . (कारण आम्ही गुप्त काम करतो)

कोणास ते ठाऊक असे? तर अस्मादिक म्हणजे भाईकाका॑च्या "पोष्ट्या जोश्याचा बे॑बट्या" ला चपखल बसणारे. यकदम डिटेलवार म्हायती माझ्या व्यक्तिरेखेवर वाचा (कि॑वा कशाला वाचता? आहेच काय त्यात वाचण्यासारख॑? फुटकळ माणसाच्या पोलिशी रिपोर्टाला "व्यक्तिरेखा" म्हणण॑ म्हणजे..असो.) मी कैवल्य देशमुख. तसा बारामतीचा (घड्याळ..घड्याळ..माझ्या गावाची वळख), वाणिज्य शाखेची पदवी घेऊन, व्यवसाय व्यवस्थापनात पद्व्युत्तर होऊन "सॉफ्ट्वेअर कन्सल्ट॑ट" म्हणून सध्या कार्यरत (चारचौघा॑च्या भाषेत सा॑गायच॑ तर..एक ना धड..). (म्हणजे बघा, मी कसा हुशार...स॑दर्भः भाईकाका॑चा "पुणेकर" "सार्वजनिक मराठी". ह्यावरून लक्षात आल॑ असेलच की हल्ली मी चा॑गलाच मुरलेला पुणेकर झालो आहे :)) सध्याच्या नोकरीत आल्यापासून तळपायावर बहुधा चा॑गला रुपयाच्या आकाराएव्हढा तीळ उगवला असावा, सतत वि॑चवाच॑ बिर्‍हाड पाठीवर..त्यामुळे पुणे, मु॑बई आणि ब॑गळूरु ही आमची विहारस्थान॑..तुर्त आम्ही देशा॑तर्गत कामकाजात व्यग्र असल्याने परदेशातील माती आमच्या पदस्पर्शाने सुवर्णमयी होणेचे शक्य नाही...(इ॑ग्रजजन हो..थोडा धीर धरा) उर्वरित स्वस्तुती व्यक्तिरेखेवर.... आपला - ध मा ल. अवा॑तर : बेसन्या, म्हणजे तुझा वाढदिवस जवळच आला की रे...२९ मे का? (मी गणितात ठार कच्चा आहे...तारिख ३०-३५ दिवस आणि महिना २-४ इकडे तिकडे होऊ शकतात) इनोबा, मीही "काका-काकु" वर्गात नाही ह॑...

मी राज केतुरकर (मुळ नाव दीपक देवकर )... राहणार , कळवा-ठाणे...बेडेकर कालेजातुन वाणिज्य शाखेची पदवी घेतली (२००१ साली)....सध्या सलाल्हा-ओमान येथे Maersk Line मध्ये पाट्या टाकतोय... अहो तात्या आपण बेडेकरचे विद्यार्थि का...? आपली मैत्रीण स्मिता मनोहर ह्या बेडेकर मध्ये होत्या म्हणुन विचारले... मिसळ प्रेमी राज....

लई लई मस्त वाटलं बघा वरचं सगळं [ च्यायला भारीच अनूनासीक व्यायला लागलं बेट्या ] वाचून .... चला आमच्या वयाचे कोणीतरी "जोडीदार" सापडला , नाहीतर आम्हाला पण वाटलं "सालं ही तरूण पोरं काही लिहता / वाचतात की नाही ?". तर तात्पर्य असे की आम्ही " श्री . बेसनलाडू व ईनूभाऊ अनिवसे व धमाल मुलगा " यांच्यापेक्षा साघारणता १ वर्षाने लहान आहोत.[ असा एक साधारण अंदाज आहे ] तसा आम्ही करेक्ट 'दिवसांचा हिशोबही' करून पाहिला पण दर वेळी वेगळेच ऊत्तर आल्यामुळे नाईलाजाने प्रयत्न सोडून द्यावा लागला .[ त्यात 'लिप वर्षाने' तर लैच घोळ घातला, असो ] आता आमच्याबद्दल काय सांगायचे ? "नावात काय आहे ?" ही ऊक्ती आम्ही लहाणपणापासून मनावर घेतल्यामुळे आम्ही नावास जास्त महत्व देत नाही..... तसे पहायला गेलात तर आम्ही अनेक प्रचलित नावाने ओळखले जातो. पाळण्यातील नाव, घरातील लाडाचे नाव , दोस्तातील अतिच लाडाचे नाव , काही 'लाडांच्या' व्यक्तींनी ठेवलेले अतिशय 'खासगी नाव' , ऑफीसमधल्या 'ग्लोबल' वातावरणात वापरले जाणारे वेगळेच 'ग्लोबल नाव' , आता 'आंतरजालावर वापरले जाणारे नाव' ईत्यादी ईत्यादी मुळे आम्ही एक असे नाव सांगू शकत नाही . असो.... तर सांगायचा मुद्दा असा की "देशातल्या 'अतिप्रसिद्ध' शहरात असणार्‍या एका 'अतिपुरातन' व 'अतिप्रसिद्ध' अशा अभियांत्रीकी विद्यालयात आम्ही [ कसे बसे ] शिक्षण पूर्ण केले. त्यानंतर जनरित संभाळण्यासाठी नोकरीपण पकडली . पण 'आमच्या कामाबद्दल अपेक्षा' व 'कंपनीच्या आमच्याकडून अपेक्षा ' यांचा मेळ न बसल्याने आम्हास वारंवार कंपनीटन [ देशाटनाच्या धर्तीवर ] करावे लागले...... सध्या आम्ही 'कर्नाटकप्रांतातील बेंगरूळ प्रदेशात' एका अतिप्रसिद्ध आस्थापनात काम करत आहोत. ही कंपनी "जगातील सगळ्यात मोठी 'गाड्या बनविणारी' कंपनी " म्हणून ओळखली जाते . तर सांगायचा मुद्दा असा की आम्ही या "सामान्य " कंपनीतल्या "संशोधन व विकास विभागात" सध्या "गाड्यांसाठी लागणारी इंजिने डिसाईन " करण्याच्या [ नसत्या ] ऊद्योगात मग्न आहोत .... आम्ही [ न ] केलेल्या कामावर खूष होऊन आम्हाला कंपनी आम्हाला आस्थापनाच्या 'हिटलरच्या देशातील ' "हेडक्वार्टर" मध्ये पाठवायच्या मागे लागली आहे. आम्हालाही "बोंबलत हिंडायची आवड " असल्याने आम्ही "हिरवा कंदील " दाखवला आहे .... असो . .... वरच नमुद केल्याप्रमाणे आम्ही सध्ध्या "गध्धेपंचविशीत" असल्याने आम्हाला " ऊगाच बोंबलत हिंडणे , तासनतास आंतरजालावर कालापव्याय करणे [ यात वाचन , लेखन व अनेक नसत्या ऊचापती यांचा समवेष होतो .] , ठार मेल्यासारखे झोपणे ,तासनतास कुठल्याही 'अर्थहीन विषयावर ' गप्पा ठोकणे , 'चेंडू झोडपण्याचे' सगळे खेळ खेळणे, मनोसोक्त हादडणे त्यात बल्लवगिरीची हौस , 'सगळ्या प्रकारचे सिनेमे' अतिशय आत्मीयतेने पहाणे , कसलेही गाणे लावून बेधूंदपणे नाचणे व कधितरी आपल्या सारख्या ४ मित्रांना गोळा करून "बैठक बसवणे [म्हणजे काय ? हे सांगण्याची बहूदा गरज नाही ] " यासारखे आमचे काही छंद आहेत .... तर आता पुराण अतिच लांबत चालल्याने पूर्णविराम देतो .... आपला छोटा डॉन [ आमची कोठेही शाखा नाही ..... ] अवांतर : 'धमाल मुला ' आमचा 'वाढदिवस ' २९ मार्चला 'बेसनलाडनाच्या' आधी असल्याची नोंद घ्यावी....

नमस्कार दोस्तहो, मी धनंजय काळे. छोट्या डॉनच्या दिवसांच्या हिशेबावरून आम्ही त्याच्यापेक्षा १ वरीस लहान असण्याची शक्यता आहे. आम्ही विद्युत अभियांत्रिकीचे शिक्षण पुर्ण करून सध्या पुण्यात 'ट्रॅक्टर ' बनवणार्‍या संगणक कंपनीत ' हमाल ' या पदावर कार्यरत आहोत. हमाली करताना बरेचशे उपद्व्याप केल्याने कंटाळलेल्या प्रकल्प संचालकाने शेवटी आमची राणीच्या देशात हकालपट्टी केली. आणि आता आम्ही ब्रेड, बटर व अत्यंत बेचव भोजन भक्षण करत स्वत:ची गुजराण करीत आहोत (किंबहूना केलेल्या पापांची फळे भोगत आहोत). असो, माज करणे हा आमचा अत्यंत आवडता छंद असून त्याचे बाळकडू आम्हाला बालपणापासूनच म्हणजे नुसते मवाली विद्यार्थीमध्ये असतानाच मिळालेले आहे. कंपनीतील मुफ्त आंतरजालावर ' मुक्त ' भटकंती करत उरलेल्या वेळात कंपनीच्या मार्केटमधील घसरणीबद्दल कारणमिमांसा करणे हा आमचा एकुलता एक आवडता 'उद्योग' आहे. असो, बहुत काय लिहीणे.....तुम्ही सुज्ञ आहातच.... आपला, धनंजय काळे (उर्फ छोटी टिंगी) ;)

अस्मादिक दादरास आणि ठाण्यास वाढलेले. पुण्यात "घडलेले". आणि अमेरिकेत येऊन पडलेले. दादा रेग्यांच्या "बालमोहन"मधे चौथीपर्यंत होतो. आताचे बालमोहन म्हणजे ...जेथे फुले वेचली तेथे गवर्‍या वेचाव्या अशी परिस्थिती (असे ऐकतो, वाचतो.) ठाण्यास टिळकमास्तरांच्या शाळेत होतो. पुण्यास हरि सहस्त्रबुद्ध्यांच्या. मग अच्युतराव गडबोल्यांनी आपल्या पदस्पर्शाने पावन केलेल्या कुंपणीमधे होतो आणि आता संयुक्त संस्थानांच्या राजधानीत : अच्युतरावांच्याच भाषेत सांगायचे तर तिय्यम कामे करणारा एक दुय्यम दर्जाचा नागरिक :-) थोडेबहुत जमेल तेव्ह्ढे वाचतो. मिसळपावादि ठिकाणी "महाजनो येन गता: स पंथः" या न्यायाने आलो. आता या स्थळाचा एक फ्यान बनून पडीक असतो. तात्यासाहेबानी लावलेल्या केशराच्या शेतातून नुसता चालतो. आनंदाचा स्पर्श होण्यास तेव्हढेही पुरेसे. :-)

नाव : धनंजय शहर/गांव : बॉल्टिमोर देश : (राहाता) अमेरिकेची संयुक्त राज्ये, (मूळचा) भारत माझ्याविषयी :वय तात्यांच्या जवळपास. शालेय मराठी शिक्षण सुमार, घरगुती वापर बर्‍यापैकी. ललित आणि प्रगल्भ दोन्ही प्रकारे मराठीतून लिहायला शिकायचा प्रयत्न करतो आहे. हल्लीच ड्रुपल्/गमभन वापरून मराठीतून संवाद साधणार्‍या संकेतस्थळांशी ओळख झाली, त्यामुळे रोजवापरातल्या लेखी भाषेशी पुन्हा संयोग होत आहे, त्यामुळे खुश आहे! (संकेतस्थळांच्या चालकांमध्ये वैमनस्ये माझ्या ओळखीपूर्वी झाली होती, म्हणून त्या बाबतीत अज्ञ, पण खरे तर त्याचे मला फारसे कुतूहलही नाही.) आवडती पुस्तके आणि लेखक : मराठीत थोडीच पुस्तके वाचली आहेत. पैकी अर्ध्यावर पुलंची, व्यासंग वाढवायला आवडेल. इंग्रजीतली आवडीची पुस्तके सारखीसारखी बदलत असतात. स्पॅनिशमध्ये बोर्हेस. आवडते संगीत : गीता दत्त आणि आशाताईंवर जान निछावर करीन. बाकी बारोक संगीत खूप आवडते. भारतीय (दोन्ही प्रकारचे) शास्त्रीय संगीत ऐकायला आवडते. जाणही आली तर हवी आहे. चित्रपट, नाटक आणि दूरचित्रवाणी : इंग्रजीतले "इंडिपेंडंट" चित्रपट. वर्षात एखादा(च) सुपर म्युझिकल डान्सिकल हिंदी चित्रपट बघतो. मराठी चित्रपट फार कमी बघायला मिळतात. आवडते खाद्यपदार्थ : माणकुराद आंबा खाऊन बारा वर्षे झाली - हाय तरसलो! शिक्षण : फारच टंगळमंगळ केली. तरी शेवटी शिक्षण सोडून नोकरी धरावीच लागली व्यवसाय : वैज्ञानिक व्यवसायाचे/कामाचे स्वरूप : संशोधन, थोडीफार प्राध्यापकी

तात्यासाहेबानी लावलेल्या केशराच्या शेतातून नुसता चालतो. आनंदाचा स्पर्श होण्यास तेव्हढेही पुरेसे. :-) हे बाकी एकदम खरे.. :)) मी प्राजक्ता पतवर्धन. शिकले कोल्हापूरात, सासर सांगली. जे काही काम केलं ते पुण्यात. आणि नवर्‍यासोबत इथे येऊन राहिले आहे अमेरिकेत. लिहिणे, खाणे, गाणे हे आवदते उद्योग. शिवाय गॉसिपिंग... मि.पा.वर वाचणे, मित्र्-मैत्रिणींशी इंटरनेटवर गप्पा ठोकणे हे छंद. तशी शिक्षणाने मी फॅशन डिझायनर आहे. पण नोकरी केली ती पुणे आकाशवाणीत निवेदिका म्हणून. बास ...!!आता आणखी किती कौतुक करावं स्वतःच?? - प्राजु

मी हाय पिवळा डांबिस! कणा-कणांनी बनलेला येक उर्जेचा लोळ! आंतरजालावर अनिर्बंध भटकणारा आग्यावेताळ!! मि. पा. वर चकाट्या पिटायला येतू! मला शरीर न्हायी. शरीर न्हायी म्हणूनशान वयपन् न्हायी. फोटू कसा देनार, देवचाराचा फोटू येत न्हायी!! आता कट्ट्यावर आमाला काका वगैरे म्हनत्यात, पन त्यो समदा प्राजुचा चावटपना हाय. तिनी पयल्यांदा काका केलंनीत आनी मंग समदे काकाच म्हनायला लागले... बघीन बघीन नायतर येक दिवस कायतरी जाम इब्लिस आन् छचोर लिवीन नवीन धाग्यातून! मंग "आसला काका नको गं बाई!" म्हनायची येळ ईल समद्यांवर!!! :)) मी सध्या पकडलेलं "झाड" लईच झंपट हाये. त्ये दिवसभर नोकरी करतंय, बिलं भरतंय, आनी स्वतःला घरातला "कर्ता मानूस" समजतंय! खुळं तिच्या आयला!!! त्येला ह्ये बी म्हायती न्हायी की त्येच्या शरीरावरबी त्येचा हाक्क न्हायी. त्ये तर माझ्या ताब्यात हाये. कसला रांडिचा कर्ता आनी कसलं काय! न्हायी म्हंजी तसं गरीब हाय बेनं. शिक्शानबिक्शान नीट क्येलं, आता रोगांवर आवशिधं शोधीत आसतंय! माणवजातीच्ये क्लेश न्हायसे करनार म्हनं! पर झपाटन्यावर आवशिध सापडत न्हायी तंवर ह्येला कोन बरा करनार? :)) त्येचा मुक्काम सध्या यक्षनगरीत आसतोय्! (लॉस = गाव/ नगर; एंगेलेस् = देवदूत/ यक्ष). कधी यायचं ठरीवलं तर कळवा, हालिवूडमंदी फिरवूनशान आनीन! :)) आपला, (आजच्या दिवस) नम्र, पिवळा डांबिस

आता कट्ट्यावर आमाला काका वगैरे म्हनत्यात, पन त्यो समदा प्राजुचा चावटपना हाय. तिनी पयल्यांदा काका केलंनीत आनी मंग समदे काकाच म्हनायला लागले... आरं आरं माज्ज्या काका.. नगस रं रागावू असं. इतकं मनाला लावून घ्यू नये म्हनते मी. आता अवशद बनवतू हाइस नव्हं तर बनीव कि रं... कश्शाला उगा नसती नावं ठेवतू त्या बिच्चार्‍या प्राजुला.. आनि तिज्यामुळं येक चारोळी टाकलिस नव्हं का तोंडात?? मन कसं शांत झाल बघ तुझं.. आता लिव रं हितं काय तरी भारी.. वाट बघते बघ मी. -पुतणी प्राजु

सभासदांनी दिलेल्या ओळखी वाचून आपली काय ओळख द्यायची तेच समजेना. मी जन्मभर बिज्ञान तंत्रज्ञानाच्या क्षेत्रात पाट्या टाकल्या, आता मराठीत गमभन लिहायला सुरुवात केली आहे. मी कोण होणार होतो ते मी नुकतेच मा़झ्या अनुदिनीवर लिहिले आहे. शक्य असल्यास वाचावे अशी नम्र विनंती. माझ्या अनुदिनीचा पत्ता खाली दिला आहे. http://360.yahoo.com/abghare

मिरजेत जन्म (वाद्य निर्मितीचे माहेरघर - गाण्यातलं फारसं काही कळत नसलं तरी भैरवीने डोळ्यात पाणी येते ही तिथलीच देणगी असावी!) वयाने काका कॅटॅगरीत गेलेलो असलो तरी मनाने नाही! राहिलो, वाढलो - अहमदनगर शिक्षण - अहमदनगर एज्यूकेशन सोसायटीचे भा.फि.हायस्कूल (आमच्या वेळी एकेका वर्षी १०-१० विद्यार्थी बोर्डात येत, अजूनही माझे सगळे शिक्षक/शिक्षिका मला लख्ख आठवतात. आता शाळेच्या अवस्थेकडे पाहून पोटात तुटतं!) इलेक्ट्रॉनिक्स अभियांत्रिकी - सांगलीत (कृष्णेनं आणि ह्या गावानं मला भरभरुन दिलं) नोकरी - सुरुवात पुण्यनगरी. स्वतःचा धंदा - पुण्यनगरीत (काही वर्षांनंतर बंद करावा लागला - पण त्यातून भरपूर शिकलो - मुख्य म्हणजे माणसं ओळखायला!) पुन्हा नोकरी निझामाच्या हैदराबादेत आणि तिथून आता अमेरिका - सध्या मॅसाच्युसेट्स मधल्या विल्मिंग्टन मधे. पहिल्यापासूनच हार्डवेअर क्षेत्रात कार्यरत (आणि कदाचित) त्यामुळे अजूनतरी पाट्या टाकण्याचे काम करावे लागलेले नाही:) (अवांतर - इकडे येणार असलात तर कळवा नक्की भेटू आणि भटकू!) छंद - भरपूर वाचन, बुध्दिबळ (त्यावरूनच 'चतुरंग' हे टोपणनाव), पेन्सिल रेखाटने करणे, जालावरून भटकंती (आता मि.पा. वर पडीक असणे;) आवड - नवनवीन पदार्थ भरपूर खाणे, गप्पा, गाणी ऐकणे, किंचित कविता करणे, क्रिकेट पाहणे, सायकलिंग, व्यायाम करणे. मेव्हण्याने एक दुवा पाठवला आणि मि.पा. वर अपघातानेच आलो आणि त्या दुव्याने तिथलाच झालो! आयुष्यात फारच थोडे अपघात असे हवेहवेसे वाटणारे असतात!! चतुरंग

यकाच टायटलाखाली समदी आपापल्या वळखी करुन द्यायला लागले हे झ्याक झाल॑. थ्या॑कू इनोबा. अवांतर : 'धमाल मुला ' आमचा 'वाढदिवस ' २९ मार्चला 'बेसनलाडनाच्या' आधी असल्याची नोंद घ्यावी.... फिकीर नॉट भाऊ...रिमाइ॑डर टाकला है ! कधी बसायच॑ बोल :) डा॑बिस काका नाव बदला...खविस नायतर आग्यावेताळ करा :) कधी यायचं ठरीवलं तर कळवा, हालिवूडमंदी फिरवूनशान आनीन! :)) खर॑ का काय? तयारीलाच लागतो आता. क॑च्या मसणात भेटायच॑? वा प्राजुताई, अष्टपैलू का कायस॑ म्हणत्यात ते हाईस की ग.

आपल्याला भेटुन आन्नद झाला... राज....

आम्हि कोण म्हणुनि काय पूसत दाताड वेगाडुनि....आम्हि असू लाड्के देवाचे दिधले जग आम्हा खेळावया आम्च फोटो नन्तर टाकु नेट वर....... आमच्या मुख्य उचापत्या: SAP Consultant...तसा सातारकर......पण सध्या मुम्बैकर ....... इतर उचापत्या : बक्कळ मराठित लिहिणे....नाटक लिहिणे / करणे.. मायन्दळ वाचन करणे. आन मस्त गाणी ऐकणे..... तस मराठी खाद्य पदार्थ पण लै आवडतात. खास सातारि पदार्थ्....म्हाद्या..सातारी मिसळ. पोवइ नाक्यावरची पुरी भाजी..... नुस्त्या अठवणी ने तोन्डाला पाणी सुटले बघा......... अजून बाकी वळख तुम्ची सर्वान्चि वळख झाल्यावर मग सान्गेन.......

दरबारातील इतर रत्नांप्रमाणे आम्हांस कोणते नाव सुचले नाही...(इतरांना नावं ठेवणारे स्वतःला नावं ठेवत नसतात---डोक्याला त्रास देऊ नका...कुठल्या चित्रपटातील संवाद नाही आहे...असंच आपला काहीतरी लिहायचं म्हणून...) ..त्यामुळे ते तसेच ठेवले...पण जरा येगळ्या ईश्टाइलमध्ये....नजीकच्या काळात बदलण्याची शक्यता नाकारता येत नाही...लोकांनी ठेवल्यावर... असो.. शिक्षणः ईलेक्ट्रॉनिक्स अभियांत्रिकी पदवीधारक. --> (फार कष्ट पडले हो ................. ईलेक्ट्रॉनिक्स मराठी मध्ये लिहायला....) मागील ३ वर्षे माहिती तत्रंज्ञान क्षेत्रात घौड्दौड चालू आहे .... धमाल मुलाला पाहिले....मिसळ्पावचा आस्वाद घेताना...म्हंट्लं, आपणही चव घ्यावी.... आपणा सर्वांस भेटून (प्रत्यक्ष नव्हे पण, इथल्या गप्पा गोष्टीतून), मुंबईमध्ये मराठी माणूस भेटल्यावर जसा आनंद होतो, तसाच आनंद झाला... गप्पा-टप्पा चालूच राहतील...ओळख सांगण्यासारखं बरच काही आहे....पण इथेच थांबतो.. आपलाच मराठी इसम- मोहित्यांचा केतन.

नावः स्वाती कवठेकर मुळची कोल्हापूरची. शिक्षणः बी.एस.सी . एल्.एल्.बी. ३ वर्षे बँकेत नोकरी केली लग्नानंतर पुण्यात. नवर्याच्या नोकरीमुळे हॅरो ऑन हिल(ग्रेटर लंडन) इथे वास्तव्य आहे. आवड: कुकींग (वेगवेगळे पदार्थ करायला, आणि खायला घालायला आवडतात), कोणत्याही प्रकारचे संगीत ऐकायला आवडते. घरी डि.व्ही.डी वर सिनेमा पाहायला आवडतो. आणि वाचन (कोणतेही वर्तमान पत्र पासून आटोबायोग्राफी) आता सध्या इथे (यु.के) मॅथ्स च्या ट्युशन घेते.

सुमीत सुभाष शिंदे, जन्म मुंबईत आणि गेल्या दोन वर्षां पासून नवी मुंबईत स्थायिक. विद्याभवन, घाटकोपर आणि रायगड सैनिक शाळेत शालेय शिक्षण नंतर रुईयात बारावी .संगणक अभियांत्रिकी मध्ये पदवीधर, माहिती आणि आंतर जाल संरक्षण प्रवीण. वय २७ वर्ष दुर्ग आणि किल्ल्यांची भटकंती, फोटोग्राफी, कधी कधी लेखन, चित्रे काढने, वाचन,मराठी संकेतस्थळावर ची भटकंती हे माझे छंद. " alt="" />

तुम्ही मला मामलेदाराची मिसळ खिलवणार होतात, कधी यायचे ठाण्याला ते सांगा लवकर.

नमस्कार मिसल पाव् करानो, मी (उगाच आम्ही म्हटल कि १० वर्षानी वय वाढल्यासारखा वाटत, म्हणून एकारर्थीच सम्बोधन बर वाटत...... ) परेश (ऊर्फ: तात्या विन्चू). मुम्बईत रहात असुन एका MASTEK नावच्या सन्गणक आज्ञाप्रणाली कम्पनी मध्ये कार्यरत आहे. VESIT (विवेकानन्द, चेम्बुर) मधून B.E. केलेला आहे. हे सर्व झाल Official Introduction. आता बाकी गोष्टीकडे वळुयात. मला आवडणारणार्या गोष्टी : सन्गीत, नविन मराठी गाणी (विशेषत: सन्दीप खरे, सलिल कुल़कर्णी) , ट्रेकीन्ग, चित्रकला व छायाचित्रकला इत्यादी इत्यादी . अगदी महाविद्यालयीन काळापासून B.B.C. (Bank Benchers Committee) चा निष्ठावान सदस्य. बाकी ओळख हळु हळू होतच राहिल..... आपला, तात्या विन्चू

बरेच दिवसांपासून नुसतेच येऊन प्रकाशित साहित्य वाचून जात होतो. सदस्य व्हायचा आळस आला होता. इस्ट कोस्ट कर बरेच जण दिसले आणि आज आळस झटकून करुनच टाकली नोंदणी. मी चैतन्य काळे. सध्या बॉस्टन ला Masters in Computer Science करतो आहे University of Massachusetts Boston मधून. लयी ब्येस हाये बाकी मि.पा.

धमाल्या तू सध्या मि पा नीट वाचत नही असे दिसते....मी एकदा माझा परिचय दिलेला आहे( परी स्वतःचा परिचय कसा करुन देत असेल?) तरी पण भौ तुझ्या खातर परत एक डाव बोलतो.... मी एक आय टी सल्लागार्.(हो सल्ला देउन गार करणारेच) एस ए पी मधे सल्लागार् आहे. पंचविशी कधीच सरली पण अजून मानसीक दॄष्ट्या अजून तिथेच आहे....तसेच उपद्व्याप्...तसेच वागणे.... आपली दोस्त लोकं पण तसलीच...... मी ऑफीस संपले की मग्..नाटके लिही.....पुस्तक लिही.......गप्पा टप्पा हाण्...बासरी वाजव्....पेटी वाजव ... एकपात्रि कर कार्यक्रम कर असले उद्योग करतो... सातारा......अजून डोक्यतुन काही जात नाही........ बरेच मुम्बैकर मला आडनाव सांगेपर्यंत उगाचच चित्पावन समजतात( मराठी भाषे मुळे....वागण्यामुळे नव्हे.... शाह असलो तरी खरा मराठी आहे.) ही धमाल मी मस्त एन्जॉय करतो आपला....मस्त सातारी मिसळ आणि खास सातारि पदार्थ्....म्हाद्या....... पोवइ नाक्यावरची पुरी भाजी.....ओरपणारा आनंदी.......विजुभाऊ

नमस्कार बन्धु भगिनींनो, मी प्रशांत कवळे, अलिबाग मधल्या एका छोट्याश्या गावातला.. सासवने म्हणुन. पेशाने ERP (SAP) CONSULTANT. जन्मतारीख १४ फेब्रुवारी . शिक्षण अलिबागला आणि पुण्यात झाले. आत्ता पर्यन्त ४ नोकर्‍या झाल्या, पाचवी चालू आहे. प्रोजेक्ट निमित्त सध्या "अरबांच्या देशात" आहे, अजुन १ वर्ष तरी रहावे लागेल. आवड: जुनी गाणी ऐकणे, मैदानी खेळ खेळणे, तळ्याच्या काठावर बसून गळाने मासे पकडणे आणि सासवन्याच्या समुद्रावर भटकणे. प्रोजेक्टनिमित्त भारतभ्रमण केले ( सौजन्य : ओ.एन्.जी.सी. व ऑइल इण्डीया ), आवडलेला भारतातला भाग - आसाम ( १ वर्ष होतो). पुन्हा मोका मिळाला तर तिथे जायला आवडेल. कोणी मि.पा.कर जर सौदी मध्ये असतील तर मला कळवा. माझा भ्रमणध्वनी +९६ ६५३१८२६८९१ आपला.. मि.पा. माध्यमातून भारतात असलेला, प्रशांत.

मी बोरीवलीच्या गो-यांची एकुलती एक मीनल . आता मीनल संजय गद्रे.त्याला ही १८ वर्ष झाली आहेत. एक मुलगा ११वीत शिकतो आहे.संजय आय टीत आहे. मी Economics मधे Mumbai Univercity मधून MA केले. नंतर B.Ed ही केले. प्राध्यापिका म्हणून मुंबईत १३ वर्ष काम केले. नंतर ५ वर्ष बीजिंग ,चीन येथे राहिले ,तिथे ही टिचींगचे काम केले. ई सकाळ ,लोकसत्ता ,म.टा.मधे अनेक लेख लिहिले. चीन जाणला ,अनुभवला. आता अमेरिकेत आहे. लवकरच इथे काम किंवा शिक्षण सुरू करेन. लेखन ,वाचन,संगित्,पेंटिंग, कलेची आवड आहे.भटकायला आवडतं. अमेरिका , इंग्लंड,स्वित्झर्लंड्,जर्मनी ,सिंगापूर ,बेंकॉक्,कंबोडिया ,चीन,जपान्,कोरिया,सिंगापूर,मलेशिया असे देश हिंडले. भारत ही पाहून झाला आहे बराचसा. सर्वात आशिया खंड मनाला भावला. खूप खूप मैत्रिणी आहेत.जुने जुने संबंध जपून ठेवले आहेत. मि.पा वर नवीन ओळखी होत आहेत. मी शेगावच्या श्री गजानन महाराजांची भक्त आहे. आत एवढिच ओळख पुरेशी आहे.

नमस्कार, मी उदय, सध्या अमेरिकेत राहतो. Codecutter म्हणून नोकरीधंधा करतो.

कोऽहम्.... हे सध्या मिसळपावावर संस्कृतचे लोणी चढलेले आहे म्हणून. मी दिलीप खांडेकर, व्यवसायाने अभियंता आणि इंग्रजी शिक्षक सुद्धा. वय ५८. माझा आणि मराठीत पहिलाच "इंग्रजी-मराठी क्रियापद कोश" (English to Marathi Verb Dictionary) प्रसिद्ध झाला आहे. मी ब्रह्मचारी आहे आणि स्वत:चे घर नाही त्यामुळे वेगवेगळ्या lodge मध्ये माझा मुक्काम असतो. नक्की पत्ता सांगता येणार नाही. Computer चे फारसे ज्ञान नाही. हे सर्व भाचीच्या सहाय्याने लिहित आहे.

मी.. राज जैन..... मुळ कोल्हापुरचा, शिक्षण कोल्हापुर नुतन मराठी शाळेत, १०वी नापास.... ;( घरातून पळून गेलो होतो वयाच्या १६ व्या वर्षीच..... :))) बरोबर १४ वर्षानी घरच्यांना दर्शन दिले होते (तो पर्यंत घरी फोटोवर हार चढला होता.... ) प्रचंड प्रवास आवडतो.. त्यामुळे देशातील एक ही राज्य असे नाही जेथे आम्ही पाय ठेवला नाही..... छोटी मोठी काम करता करता संगणक दुरुस्त करण्याचे शि़क्षण मिळाले व त्याचाच उपयोग करुन मोठ मोठ्या कंपन्यामध्ये काही वर्ष काम केले व जमा पुंजी गोळा करुन स्वतःची कंपनी चालू केली तीन वर्षापुर्वी ... देवाच्या दयेने संध्या कंपनी प्रा.ली. झाली व २५ जणानां रोजगार देत आहे.. सध्या देशाच्या राजधानी मध्ये मुक्कामी असतो पण काही कार्यानिमीत्य विदश भ्रमण करत आहे, पुढील महीन्यामध्ये वापसी. जरा नेट वापरणे येथे अवघड आहे त्यामुळे फक्त वाचन चालू आहे.... (तात्रंक अडचण नसून व्यवहारीक अडचण आहे ;))) राजे

मी विवेक विद्वा॑स.. मुळचा केळशीचा पण आता कल्याण देशी राहत होतो.. आता पुण्यात असतो... सध्या तेलाच्या (Indian Oil Corpoation Ltd)दुकानात कामाला आहे . सध्या इतका परीचय पुरेसा आहे.. आपला विवेक विद्वा॑स.

मी जन्मापासून मुंबइकर, अट्टल मुंबइकर. सुक्श्म बालपण गिरगावात नी त्या नन्तर १९८४ पासून मु. पो. बोरिवली. गिरगावातील आर्यन एज्युकेशन ही पहिली शाळा. त्या नन्तर बोरिवली मधली विद्या विकास सभा. ह्यातल्या विद्या च्या इन्ग्रजी स्पेल्लिन्ग चा उच्चार आमचे काही मित्र विड्या असा करायचे (मी त्यांचं बोलणं मागाहून मनावर घेतलं) वयाची २८ वर्षे मुंबइत घालवल्यावर, सद्ध्या आत बंगळूर ला आलोय. पोटा पाण्या साठी एका जाहिरात कंपनी मधे जाहिरात लेखक म्हणून पाट्या टाकतो. आपल्या पैकी कुणी बंगळूर मधे असाल तर अवश्य सम्पर्क सधावा. मि. पा. ची एक भेट इथेही घडवू. कालच आपला छोटा डॉन ह्याच्याशी बोलणं झालं. ह्या नंबर वर माझ्याशी संपर्क साधू शकाल ९८४५६५५५५८ आपला, स्वयंभू

मी अभिजीत, मुळचा कोल्हपुरचा. सद्या पुण्यात असतो . घरात प्रेमाने मला बन्ड्या म्हनतात, इथे आल्यावर कसे घरी आल्यासारखे वाटते म्हणून हे घरचेच नाव निवडले . इथे पुण्यात डालड्याच्या (सुर्यफुल) कंपनीत कामाला आहे. चाणाक्ष लोकांनी डालड्याची कंपनी ओळखली असेलच...... कोल्हापुरचा असल्याने मिसळ, मिर्ची,मटण यांचा by default चाहता आहेच. फुटबॉल ,कुस्ती यान्चि हि आवड आहे. खाणे, गाणे , फिरणे हे आणखी काही आवडते उद्योग.... आमच्या कलांपेक्ष अवकलाचं जास्त आहेत त्यामुळे इथे त्या सांगत नाही. ................... आपला बन्ड्या

इथे बरेच नवे सदस्य आहेत.... त्यानी या धाग्यावर परिचय द्यावा पडत्या पावसाला पाहुन तुम्ही आतुन भिजला नाहीत तर स्वतःच्या कोरडेपणाची तारीफ करु नका तर हे मान्य करा की तुमच्या आयुष्यात भिजवणारे क्षण आलेच नाहीत

मी क्षितिजा. मुळची खालापूर. शिक्षण खोपोली. आता पुण्यात नोकरी करत आहे. (software eng.) म्हणुन. वय वर्ष २४ पुर्ण. "No matter how hard the life crashes;Like a Phoenix I will rise from my Ashes"

मी, वैशाली हसमनीस.ठाण्याच्या न्यू गर्ल्स स्कूल मध्ये३७ वर्षे शिक्षक म्हणून सेवारत होते.२वर्षापूर्वी सेवामुक्ति.मूळची राहणार डोंबिवली पण सध्या वास्तव्य मलेशिया येथे.मुलगा व सून येथील मेडिकल महाविद्यालयात अधिव्याख्याते म्हसणून सेवारत.गेले बरेच दिवस इंग्लिश व संस्क्रुत यांचे अध्यापन,त्यामुळे त्या विषयांची जास्त गोडी.वाचन,लेखन,कविता करणे ही आवड.व्यवसायामुळे अनेक शैक्षणिक ,सामाजिक संस्थाशी बांधिलकी.मि.पा.वर नुकतीच ओळख.तात्या,आपला वर्गमित्र मुकुल पालवणकर माझा भाचा.तो हल्ली आपल्याच गावात राहतो,हीच ओळख पुरे.

नमस्कार, मी ह्रषिकेश थिटे. मुळ गावः अहमदनगर. (चतुरंग=> मी पण भा.फि.हा मधेच होतो. ) सध्या पुण्यात एका सॉफ्टवेअर कंपनीत काम करतो. http://sucheltas.blogspot.com

,मी वैशाली हसमनीस,मि.पा.वर नव्यानेच दाखल.राहणार मूळची डोंबिवलीची पण सध्या वास्तव्य मलेशिया येथे.ठाण्याच्या न्यू गर्ल्स स्कूलमध्ये ३७ वर्षे शिक्षक म्हणून कार्यरत होते.२ वर्षांपूर्वी सेवानिवृत्त.संस्कृत व इंग्लिश या विषयात एम्.ए.(१९७० साली ) तेव्हांपासून १२वी पर्यंत ह्याच विषयांचे अध्यापन.वाचन,लेखन,कविता करणे ही आवड.नाटक हा प्राण्.निवृत्तीमुळे मोकळा वेळ भरपूर.त्यामुळे हे सर्व काही करण्यास वेळ मिळेल ही आशा.मुलगा व सून येथील वैद्यकिय विद्यापीठात प्राध्यापक.त्यांच्याबरोबर मलेशियात दाखल.तात्या,आपला वर्गमित्र मुकुल पालवणकर आठ्वतो का? तो माझा भाचा.एवढी ओळख पुरे.मि.पा.ला कोणतीही मदत करण्यास तयार आहे.

राम राम मन्डळी !!! अनिल हुले..... पिम्परी पुने...जन्मठिकाण....... सध्या (निन्ग्बो) चायना मध्ये... क्यु सी मॅनेजर म्हणुन पाट्या टाकायच काम करतोये.... बाकी ब-याच आवडी -निवडी आहेत... आणी सध्या मिपा वर पडीक राहणे ,हा आवडता छन्द....... -- ऍनयू उर्फ बैल ~~~ आमची कोठेही शाखा नाही~~~

मी,वैशाली हसमनीस,मि.पा. वर नव्याने दाखल.ठाणे येथील न्यू गर्ल्स स्कूल मध्ये ३८ वर्षे शिक्षक म्हणून सेवारत होते.२००७ मध्ये निवृत्त.मूळ राहणारी डोंबिवलीची पण सध्या वास्तव्य मलेशिया येथे.संस्कृत व इंग्लिश हे विषय घेउन एम्.ए.बी,एड.(१९७० साली) तेव्हापासून ह्याच विषयांचे अध्यापन.वाचन,लेखन,कविता करणे ही आवड.मुलगा व सून हे दोघेही येथील वैद्यकीय विद्यापीठात प्राध्यापक म्हणून कार्यरत,त्यामुळे मलेशियात आले.येथील लोकजीवनाचा अभ्यास करण्याचा मानस.सध्या भरपूर मोकळा वेळ त्यामुळे मि.पा.ला कोणतीही मदत करण्यास तयार.तात्या,आपला शाळासोबती मुकुल पालवणकर आठवतो कां? तो माझा भाचा.एवढी ओळख पुरे.

:H मी,वैशाली हसमनीस,मि.पा.वर नव्यानेच दाखल.मूळ राहणारी डोंबिवलीची पण सध्या वास्तव्य मलेशिया येथे.ठाणे येथील न्यू गर्ल्स स्कूलमध्ये ३८ वर्षे शिक्षक म्हणून नोकरी करून २००७ मध्ये सेवानिवृत्त.संस्कृत व इंग्लिश हे विषय घेऊन १९७० मध्ये एम्.ए.बी.एड. तेव्हांपासून ह्याच विषयांचे अध्यापन.क.डों.म.पा.च्या शिक्षण मंडळावर युती सरकारच्या काळात नियुक्ति,५वर्षे ते काम केले.वाचन,लेखन,कविता करणे ही आवड.सध्या भरपूर मोकळा वेळ.त्यामुळे आवड जोपासता येइल असे वाटते.मुलगा व सून येथील वैद्यकिय विद्यापीठात प्राध्यापक म्हणून कार्यरत.त्यांच्याबरोबर मलेशियात दाखल.मि.पा,ला मदत करण्याची तयारी.तात्या,आपला शाळासोबती मुकुल पालवणकर आठवतो कां? तो माझा भाचा.एवढी ओळख पुरे झाली की!

मि अन्जलि रहानार भान्डूप एका प्रसि ध्द construction company     मधे Leagal Manager म्हनुन काम करते. मिपा वर येण खुप आवड्ते.

मी शैलेंद्र, डोंबिवलीचा... शिक्षण- जैव्-तंत्रज्ञानात पद्व्युत्तर पदवी.. एका बहुराष्ट्रिय संस्थेत पणन आधिकारी. पण खरी ओढ ईतिहासाची.... भटकायला, गाडी चालवायला, डोंगर तुडवायला आवड्तं.

या लेखाला प्रतिसादांची संख्या खुप झालीये कृपया नवीन चर्चा सुरू करावी. धन्यवाद.