मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

वसंतपालवी

जयवी · · जे न देखे रवी...
लेखनविषय:
प्रेमकाव्य
Taxonomy upgrade extras
विचार
तुझं माझं आयुष्य दोन समांतर रेषा कधीही न भेटणार्‍या तरीही भेटलोच की... एका सुरेख वळणाने नकळत बदललेल्या वाटेने... अचानक दिसलीस आणि अभावितपणे मी चालू लागलो तू तुडवलेली तीच उष्टी वाट. तू मात्र मग्न होतीस स्वतःच्याच विश्वात खरे भाग्यवान ते होतीस ज्यांच्या सहवासात. तुझा तो बहरही मी अनुभवायचो तुझी तृप्ती दुरुनच बघायचो तुझा सभोवतालचा बघून वावर लाघवी माझ्या वसंतालाही फुटायची थोडीशी पालवी कधीतरी बघशील या पाऊलखुणा मान वळवून तुझ्या मागे मागे डोळे बंद करुन चाललेल्या... कधी घेशील मागोवा माझ्या अस्तित्वाचा... लागेल कधी सुगावा माझ्या झुरण्याचा.. कधी जाणवतील तुला ही स्पंदनं.. तुझ्या फक्त नजरेनीही उठलेली ही कंपनं... तुझी सारी रुपं साठवली आहेत हृदयाच्या एका गोड गुलाबी कप्प्यात करीन कवाडं खुली कधीतरी आयुष्यात. त्या "कधीतरी" ची वाट आतुरतेनी बघतोय काय काय बोलायचं हे आत्तापासूनच ठरवतोय पण तोपर्यंत तुझा फुलोरा असाच जपून ठेव माझी पालवीही एक वृक्ष होणार हे ध्यानात ठेव. जयश्री अंबासकर
वाचने 1784 वाचनखूण प्रतिक्रिया 6

सँडी Wed, 04/08/2009 - 14:55
अप्रतिम....! अगदी मनातलं! येऊ द्यात अजुन! -सँडी एखादी गोष्ट विसरायला पण तिची आठवण ठेवावी लागते.

मदनबाण Wed, 04/08/2009 - 18:32
कधी घेशील मागोवा माझ्या अस्तित्वाचा... लागेल कधी सुगावा माझ्या झुरण्याचा.. कधी जाणवतील तुला ही स्पंदनं.. व्वा. काय काय बोलायचं हे आत्तापासूनच ठरवतोय पण तोपर्यंत तुझा फुलोरा असाच जपून ठेव माझी पालवीही एक वृक्ष होणार हे ध्यानात ठेव. मस्तच्च्च्च...:) मदनबाण..... I Was Born Intelligent,But Education Ruined Me. Mark Twain.

क्रान्ति Wed, 04/08/2009 - 21:00
सुरेख कविता. सगळी कविताच मनात भरलीय. क्रान्ति {मी शतजन्मी मीरा!} www.mauntujhe.blogspot.com