कार्स आणि बाईक्स

स्पीड लिमिट ताशी ८० किमी हे फक्त कमर्शिअल गाड्यांसाठी आहे ... पर्सनल गाड्यांना गव्हर्नरची गरज नाही

गव्हर्नर ची लिमिट (८० किमी ताशी ) ही बदलता येते (Reset) ... तसा गव्हर्नर बायपास ही करता येतो :)

एकदा मुंबईहून पुण्याला कारने चाललो होतो. एका टोल नाक्यावर पोलिसांचा बराच मोठा ताफा गाड्या थांबवत होता. मलाही गाडी बाजूला घ्यायला सांगितले. ओव्हरस्पिडींगसाठी. किती स्पीड होता ? मी विचारले. ९० पोलीस म्हणाला. ८०च्या स्पीडनेच जाता येते एक्स्प्रे वेवर. मी म्हटले ठीक आहे. सगळ्या गाड्या जर ८० ने गेल्या तर ओव्हरटेक कसे करायचे ? पुढच्या गाडीला तू आता स्पीड कमी कर हे कसे सांगायच ? त्याला म्हटले प्रत्येक लेनला वेगवेगळा नियम पाहिजे तरच ओव्हरटेक करता येईल. मग तो मला साहेबाकडे घेऊन गेला. तीच रेकॉर्ड परत वाजविल्यावर साहेब म्हणाला, "तुम्ही हे खात्याला लिहा !'' गुपचूप पैसे भरले आणि ७०च्या स्पीडने निघालो. हो ! मागच्याला ओव्हरटेक करायचे असेल तर अडचण नको...:-) याला बरीच वर्षे झाली. नुकतीच त्यांनी स्पीडगन आणली होती...

आजच जावाच्या लाँच ची बातमी लोकसत्तामध्ये वाचली. छोटेखानी जाहिरात पण आलीय तुनळी वर. महिंद्राने विकत घेतलाय म्हणे ब्रँड. जुनी जावा बघितली नाही कधी, बघूया आता ही घ्यायची इच्छा होतेय का! हॅरियर विषयी तर प्रचंड उत्सुकता आहेच!

झईरात अलर्ट थोडा लाल डब्बा सांडावा म्हणतो :) बाईक्स घेताना - भाग १ (बायकर्सचे प्रकार) बाइक्स घेताना - भाग २ (१००-११० cc) बाइक्स घेताना - भाग ३ (१२५ cc) बाइक्स घेताना - भाग ४ (१३५ cc) बाइक्स घेताना - भाग ५ - (बायकांच्या बैका)

माझ्या कल्पनेनुसार एक्सप्रेस वे सिमेंट कॅान्क्रिटचा आहे तो टायरमधली उष्णता वाढवतो पण शोषून घेऊ शकत नाही. डांबरी रस्ते करत असावेत. चारपदरी डामरी रोडस बरे. २) विमानांचे टायरस नॅचरल रबराचे असतात ते जलद वाढणाऱ्या उष्णतेला सहन करतात. ३) टायरसचे ट्रेडिंग खासगी कारसचे बरे असते पण कमर्शल वाहनांचे पार गेलेले असते. आताच आबूला पार्कींगमधल्या उदेपूर/अहमदाबाद एसी बसेसचे टायरस पाहिले. ट्रेडस नव्हतेच,गुळगुळीत झालेले. हीच वाहने अपघात करवतात. ४) ज्या एसयुवि/ सुमोची जमिनीपासूनची उंची जास्ती आहे ती ८० पेक्शा अधिक वेगाने जाण्यास योग्य नसतातच तरी ती वेगात दामटतात हा ड्रायवरांचा दोष आहे. ५) भाड्याच्या वाहनांवर शिटा आणि वेगावर नियंत्रण पोलीस ठेवत नाहीत कारण खिसा भरत नाही. शिवाय झोप न घेता वाहने चालवतात मोबाइलवर बोलत . या्ंना आवरायची गरज आहे. आठ पंधरा लाखांचे वाहन स्वत:साठी घेणारा खूप काळजी घेत असतोच त्यांना त्रास का देता?

AGS ऑटो गिअर शिफ्ट हा प्रकारही अलीकडे रुळला आहे. पण ऑटो गिअर शिफ्ट कार्स आणि गिअरवाल्या कार्स ,पिक अप आणि अ‍ॅव्हरेज या बाबतीत एकसारखा पर्फोर्मंस देतात की फरक पडतो हे कुणी अनुभवले आहे काय ?

( कल्पनाविलास ) मला अशी दुचाकी आवडेल ( की जिच्याबरोबर निर्मात्याने मला द्यावे, जरुरी स्पॅनर्स टूल्स, वॉशर्स गॅस्केट्स फिल्टर्स वैगरे कन्सूमेबल्सचा एक सेट. इंजिन / इतर सिस्टिम्स खोलायची/जुळवायची (क्रमवार सचित्र पद्धत ) असलेलले म्यन्युअल्स ) म्हणजे मी जागाच्या कुठल्याही कोपऱ्यात का असेना, मला माझी दुचाकी स्वतः मेंटेन ठेवता आली पाहिजे. तिचे सर्व स्पेअर पार्टस, कन्सूमेबल्स अमेझॉनवर मिळावेत...

कल्पनविलास कशाला प्रत्यक्षात मिळते ना. पेट्रोल पण लागत नाही :-)

दुचाकीची सर्विसिंग करताना काय काय गोष्टी तपासून घ्याव्यात ? नक्की काही भाग दुरूस्त केला का नाही हे कसं तपासावं ? अॉइल वगैरे बदलले का नाही कसं कळेल ?

न्यायालयाने खूप पूर्वीच हेल्मेटसक्तीचा आदेश दिलेला आहे. पुणे पोलीस आयुक्तांनी आता या आदेशाची अंमलबजावणी करण्याचा निर्णय घेतलाय. मी सुरुवातीपासून हेल्मेटचा कट्टर समर्थक आहे. त्यामुळे पुणे पोलीस आयुक्तांचे या निर्णयासाठी अभिनंदन आणि अंमलबजावणीसाठी शुभेच्छा!!

"हेल्मेट परवडत नाही"हि सर्वात भंपक सबब आहे. दुचाकी कमीत कमी ४०००० ला येते त्यात २% अधिक घातले तर हेल्मेट येते.

ज्या दिवशी पुण्यातील लोकाना हेल्मेट वापरायची आणि सिग्नल लाथांबवण्ब्याण्याची सुबुद्धी येईल त्या दिवशी हे जग शांत झालेलं असेल.

इथे मारुती सुझुकी बॅलेनो या गाडीची कुणाला माहिती आहे का ? परफॉर्मन्स कसा काय आहे ?

जावा बाइक्स लाँच झाल्यापासून उत्सुकता आहे. अगदी लहान असताना राजदूत बाइक वर फिरल्याच आठवतय, पण आमच्या आजूबाजूला कुणाकडेच जावा बाइक्स नव्हत्या, त्यामुळे उत्सुकता आधिकच आहे. मला एक क्रूझर बाइक घ्यायची आहे बर्‍याच वर्षांपासून, बजेत अर्थातच १.५ लाखाच्या आसपास. आत्तापर्यंत रॉयल एन्फिल्डची बुलेट आणि बजाज अ‍ॅवेंजर हेच पर्याय होते, इंडियन मोटर्सचे काही मॉडेल्स आहेत पण त्यांच्याबद्द्ल विशेष माहिती नाही. माझा सगळ्यात मोट्ठा प्रॉब्लेम म्हणजे बाइक मेंटेन करायला असणारा कंटाळा, त्यामुळेच मी बुलेटच्या नादाला लागत नाही. त्यामुळे जावा बाइक्सच्या मेंटेनन्स, राइड दर्जा बद्द्ल माहिती हवी होती. अर्थातच अजून या बाइक्स प्रत्यक्षात वापरायला सुरु झाल्यवरच अधिक कळेल, पण जुन्या बाइक्स कशा होत्या हे हवय.

मी जावा आणि येझदी दोन्ही गाड्या व्यवस्थित चालवल्या आहेत. त्यांचे तंत्रज्ञान इतके जुने असून त्या "चालल्या" याचे कारण त्यांना स्पर्धा नव्हती. स्पर्धा आल्यावर या गाड्या बाराच्या भावात गेल्या. आज आपण विचारही करू शकत नाही असे कमकुवत दुवे होते या गाड्यात १) गाडीची बॅटरी चार्ज होत नसे. त्यामुळे बॅटरी डिस्चार्ज झाली कि एक दीड महिन्यांनी चार्ज करून घ्यावी लागत असे.यामुळे बहुसंख्य लोकांच्या येझदी ची बॅटरी गेलेली असे. २) बॅटरी गेल्यामुळे गाडीचा हेड लाईट उदबत्ती किंवा फारतर मेणबत्ती सारखा प्रखर असे. शिवाय हॉर्न वाजत नसे. (तेंव्हा येझदी बद्दल असे म्हणत कि तिचे हॉर्न सोडून सर्व पार्ट वाजत असत.) पण मुळात इंजिनचा आवाजच इतका असे कि येणाऱ्या माणसांना कळत असे कि येझदी आली.(त्या काळात रस्त्यावर वाहने मुळातच इतकी कमी होती की एखादी मोटार सायकल येते आहे हे दुरूनच कळत असे) ३) कार्ब्युरेटरला फ्लोट चेंबर/ फ्लोट पिन नव्हती. त्यामुळे पेट्रोल कॉक उघडा राहिला तर सगळे पेट्रोल थेट इंजिन मध्ये उतरत असे. सकाळी सकाळी अशा गाडीचे चालक पेट्रोल कॉक बंद करून चावी काढून इंजिनमधले पेट्रोल संपेपर्यंत किक मारत बसलेले आढळत असत. हि इतकी मूलभूत गोष्ट या मोटार सायकल मध्ये कशी नव्हती हेच आश्चर्य मला तेंव्हा सुद्धा वाटत असे. बहुसंख्य गाडीवाले शेवटच्या १०-१२ मीटर मध्ये प्रथम पेट्रोल कॉक ऑफ करत आणि मग गाडी घरंगळत आणून त्यावरून उतरत असत. ४) २ स्ट्रोकची गाडी असल्याने एक लिटरला ५०-६० मिली इंजिन ऑइल लागत असे आणि यामुळे गाडी भरपूर धूर काढत असे आणि कार्ब्युरेटरची स्थिती जरा बिघडली कि दोन्ही नळकांड्यातून महा पालिकेच्या डास निर्मूलनाच्या धुरळणी यंत्रातून येतो तसा धूर येत असे. ५) २५० सीसी ची असून तिची अश्वशक्ती केवळ १६ bhp इतकी होती. आणि ऍव्हरेज २५ kmpl. १४४ किलो वजन होते. येझदीच्या १४४ किलो ला १६ bhp म्हणजे १११ bhp/ton या शक्तीशी तुलना केली तर १०० सीसी ची यामाहा RX १०० हि ११ bhp मोटार सायकल ९५ किलोची होती म्हणजे ११.५ bhp/ton यामुळे सिग्नलवर यामाहा RX १०० येझदी ला हरवून सहज पुढे जात असे. ६) गिअर लिव्हर उलटी करून तिची किक मारायला लागत असे त्यामुळे मध्येच बंद पडली तर बसल्याबसल्या किक मारायची क्लृप्ती ज्यांना जमत नसे त्यांना पार उतरून गाडी मध्य स्टॅण्डवर लावून किक मारायला लागत असे. त्यातून ते तंत्र न शिकलेल्या लोकांनी उलट्या येणाऱ्या किकचा मार भरपुर खाल्ला आहे. ७) तिच्या तुलनेत बुलेट ३५० चे तेंव्हा पण ४ स्ट्रोक इंजिन असल्याने ३५ चे ऍव्हरेज मिळत असे शिवाय त्यात इंजिन ऑइल जळत नसल्याने त्याचा अतिरिक्त १० % खर्च कमी होता. बुलेट तेंव्हा २० bhp शक्तीची होती. ८) बुलेट येझदी किंवा जिवाच्या तुलनेत तंत्रज्ञानात कितीतरी पुढे होती पण वजन १८० किलो असल्यामुळे तेंव्हा बटण स्टार्ट नसल्यामुळे काडी पैलवान लोकांना बुलेट झेपत नसे(आणि तिची बॅक किक जोरदार झटका देत असे) ( आजकाल जोराचा वारा आला तरी उडून जातील असे टिनपाट लोकही बुलेट चालवू लागले आहेत ते याचमुळे.) ९) राजदूत हि दूधवाले सर्रास वापरत असल्यामुळे तरुण लोक ती शक्यतो घेत नसत १०) बुलेट झेपत नाही आणि राजदूत दुधवाल्यांची यामुळे जावा / येझदी हि तरुणात लोकप्रय होती. ११) बजाज स्कुटर बुक केल्यापासून १० -१३ वर्षे काळाने मिळत असे. शिवाय ते फॅमिली वाहन होते त्यामुळे तरुण मुलांना मोटारसायकलचे आकर्षण जास्त असे. बजाज स्कुटर सकाळी चालू करण्यासाठी तिच्या कार्ब्युरेटरमध्ये पेट्रोल उतरण्यासाठी डावीकडे वाकडी करावी लागत असे. अन्यथा चालू होत नसे. जेंव्हा श्री राहुल बजाज एअर इंडियाचे चेअरमन झाले तेंव्हा जंबोजेट चालू करण्यासाठी सकाळी डावीकडे वाकडे करावे लागते असा विनोद लोकप्रिय झाला होता. बाकी आपल्या तारुण्याच्या काळात जी गोष्ट, वस्तू, हिरो किंवा हिरोईन लोकप्रिय असते त्याबद्दल एक आपुलकी वाटते म्हणून बऱ्याच लोकांना जावा येझदी बद्दल आकर्षण वाटते. जसे त्या काळातील लोकांना हेमा मालिनी, आशा पारेख, वैजयंती माला, आशा काळे अशा "सुदृढ" नट्यांबद्दल आकर्षण वाटते तसेच जावा येझदी बद्दल आहे.( nostalgia-गतकाळा बद्दल वाटणारी ओढ). अन्यथा चवळीच्या शेंगेसारख्या ऐश्वर्या राय, माधुरी दीक्षित सारख्या नेत्यांसमोर त्यांना उभे केले तर दोन मुलांच्या आया असाव्यात अशा दिसतात.

https://images.maxabout.com/misc/infographics/image/quick-facts-about-i… https://www.deccanherald.com/content/171359/yezdi-beat-past.html

माझ्या आजोबांची राजदूत (१९७२) आणि चुलत आजोबांची येझदी (१९७७) ह्या दोन्ही गाड्या दहा वर्षापूर्वी वापरात होत्या, आता आठवण म्हणून सध्या अडगळीत पडल्या आहेत. मला yezdi पेक्षा राजदूत बरी वाटते. Yezdi वळवायला बरीच जागा लागते, तुलनेने राजदूत सायकलसारखी वळवता येते. किक आणि गेअर अगदी बोअर वाटतात yezdi चे. माझ्या चुलत आजोबांनी yezdi च्या सिटला मागे पकडण्यासाठीचे हॅण्डल लावले नव्हते, तेव्हा तशी फॅशन होती असे म्हणतात.त्यामुळे माझ्या आजीला कायम जीव मुठीत घेवून बसायला लागायचे. आजोबांनी गाडीचा monogram उलटा करून लावला होता, त्यामुळे yezdi नाव ipzah असे दिसल्याने ही कोणती नवी गाडी असं लोकं विचारायचे.

सधया मिशेलीन चे टायर मिळत नाहीयेत.. परयाय काय? योको चा अनुभव कसा आहे?