झाडांच्या अश्याही कविता
लेखनविषय:
१. प्राक्तनात प्राण लाचार
जगण्याचे आंदण मिळते
फांदीच्या ओलाव्याला
नवजात बांडगूळ गिळते . .
२. फळभरल्या झाडावरुनी
पाखरे निघाली जाया
घरट्याचे छत्र गनिम
नजरेत विषारी माया . .
३. देवडी विसावून पायी
परमार्थ असे बसलेला
पानांचे प्राण खुडून
अर्पितो दान देवाला . .
४. सावलीत शांत झाडाच्या
मरणाची केवळ भ्रांत
खंगलेला, खिन्न मनाचा
झोपला देह विश्रांत . .
५. रसशुष्क वाळली फांदी
वाळीत टाकली कोणी ?
डोळ्यात वाळव्यांच्या
मगरीचे भावुक पाणी . . . .
वाचने
4057
वाचनखूण
प्रतिक्रिया
12
देवडी विसावून पायी
परमार्थ असे बसलेला
पानांचे प्राण खुडून
अर्पितो दान देवाला . .
काळेसाहेब, फारच छान कविता
संजूबाबा
प्राक्तनात प्राण लाचार
जगण्याचे आंदण मिळते
फांदीच्या ओलाव्याला
नवजात बांडगूळ गिळते .
छान आहे.
प्राक्तनात प्राण लाचार
जगण्याचे आंदण मिळते
फांदीच्या ओलाव्याला
नवजात बांडगूळ गिळते . .
लयं भारी...
मदनबाण.....
"If debugging is the process of removing software bugs, then programming must be the process of putting them in." --- Unknown.
फार छान..फार छान.. बांडगुळ तर फार मस्त !
दुसर्या कडव्याचा अर्थ समजला नाही.
पुढील लेखनास शुभेच्छा.
-- लिखाळ.
दुसर्या कडव्यात
" घरट्याच्या वरती एक साप अंडी खाण्याच्या मिषाने येतो, म्हणून पाखरे घरटी सोडून निघून जातात" - हे लक्षात घेऊन परत वाचा.
In reply to लिखाळजी by दत्ता काळे
आता समजले :)
-- लिखाळ.
कडवं मला समजलं नव्हतं .आता समजलं.
कविता आवडल्या.
बालकराम मोठे झालेले दिसतायंत.
आहेत चारोळ्या.
आम्ही कोणत्याही कंपूत नाही. कारण आमचा स्वतःचाच एक कंपू आहे. ;)
५. रसशुष्क वाळली फांदी
वाळीत टाकली कोणी ?
डोळ्यात वाळव्यांच्या
मगरीचे भावुक पाणी . . . .
क्लास!!
- (सर्वव्यापी)प्राजु
http://praaju.blogspot.com/
छान आहेत झाडांच्या कविता. वेगळ्या आणि अर्थपूर्ण!
क्रान्ति {मी शतजन्मी मीरा!}
पुष्कळ अर्थ घट्ट विणलेली कडवी.
(दुसर्या चारोळीतला साप मात्र फारच क्रिप्टिक झाला आहे.)
जबरा कविता..!
छान कविता......!