गॅरी आणि मी

मी राहातो ठाण्याला. तो राहतो साउथ अफ्रिकेला. सध्या जरी कोच म्हणुन भारतिय क्रिकेट बरोबर असतो. मला क्रिकेटपटु मधे स्वारस्य नाही. मी क्रिकेट फारसे बघत नाही. क्रिकेट थोडेफार कळते. वर्ल्ड कप जिंकल्यावर( २ दा) सगळ्या भारतियांप्रमाणे मला सुद्धा आनंद झाला होता. जिंकल्यावर टी.वी वर हायपर होणारे (धोनी के धुरंदर वैग्रे)आणि हरल्यावर देश पार धुळीला मिळाल्यागत अश्रुपतन करणारे टी.वी चे बातमीदार मला अस्वस्थ करतात. एकंदरीत क्रिकेट बरोबर फारसे सख्य नाही. सध्याच्या दिनचर्येत वर्तमानपत्राला स्थान नाही. संध्याकाळी वाचण्यात अर्थ नाही. टी.वी. पासुन लांबच असतो. जे काही थोडेफार मनोरंजन ते मिपावरच. मला कळेना अचानक काय झाले? मिपासदस्य मला "काय हो, मास्तर गॅरी कर्स्टर्न ठाण्याला आला होता का?" असा प्रश्न विचारायला लागले. एकाने तर कहरच केला. "गॅरी म्हणजे तुमचे प्रतिबिंब का?" असा प्रश्न विचारला. ( हा अवलिया नस्ते उद्योग करतो आणि डोक्याला त्रास मला) मला काहीच कळेना. मी माझ्या मिपावरील मित्राना विचारुन बघितले. ते पण काही नीट सांगेनात. त्यातल्या त्यात एकाने सांगितले की त्याने भारतिय टीम ला परफॉर्मन्स वाढवण्याकरता काही टीप्स दिल्या आहेत. मी म्हणालो, "अहो, कोच आहे तो. त्याचे कामच आहे ते" त्यात माझा काय संबंध? मी मुलांना मार्क कसे वाढवायचे ते सांगतो(परफॉर्मन्स) असा काही बादरायणी संबंध असेल तर माहीत नाही. कृपया मला हा काय प्रकार आहे ते कुणी सांगेल का?