मात्र रात्रीची गोष्ट ....भाग १

*** स्थळ - नेहमीचेच रात्रीचे ठिकाण. वेळ - नेहमीची 'बसायची' वेळ. पात्र - मी आणि नेहमीचा मित्र. (सुरवात नुकतीच होत असल्याने कोण काय बोलत आहे हे नीट कळत नाही, जसजसा वेळ जातो तसं नीट कळायला लागतं, अशी सुरवातीची उन्मनी अवस्था) मी - हाटेल चांगल चालायला लागलं रे... सुरवातीला आपण यायचो तर अगदी फुटकळ लोक यायचे तो- तर आता चांगले चालु आहे. फॅमिली रुम, बार, गार्डन, टेरेस वेगवेगळे भाग आहेत. जो तो आपापल्या चॉईसने जातो मी - ते बरे आहे नाही तर तुला मला पाहुन सगळे फॅमिलीवाले पळुन गेले असते तो - तर काय .. एक तर माकडाचे चेहरे आपले.. भाषा खराब मी - पण आपल्याला तोंडावर बोलतं का कुणी? तो - सज्जन माणसे आहेत ती .. आपल्यासारखी नालायक थोडीच मी - तो हल्ली दिसत नाही... गांडुळाचा कारखानदार.. आहे की गचकला ? तो - असेल ... असेल... धाडकन येईल तर आपल्याला धावावे लागेल सावरकर बनुन... मी - हा हा पण चांगला आहे माणुस.. तो - माणुस चांगलाच असतो परिस्थिती त्याला वाईट बनवते. आता तो दुसरा आठवतो का तुला.. मी - हो आठवतो की.. चांगला होता... आखातात गेला आणि ... असो. बाकी काय चाललय? (तेवढ्यात एक जोरदार गलका ऐकु आला. वेटरला हाक मारली) तो - काय रे? रेड पडली का? लायसन नाहीये.. मागचा दरवाजा उघडतो ना नीट? वेटर- रेड कुठली ? तो वेडा आला आहे. मी - कोण? इथे तर सगळेच वेडे आहेत. वेटर - नाही.. हे येडं वेगळच आहे. कामधंदा करणा-या लहान मुल असणा-या बायांना पकडुन तुम्ही दुध कसे पाजता? डायपर वापरता की दुपटे? असले प्रश्न विचारतो.. आणि भंडावुन सोडतो. नव-यांना सांगतो.. तुमचे आता काही खरे नाही. फार दंगा करतो. तो - अरे मग हाकलुन द्यायचे ना? वेटर - कुणाकुणाला हाकलणार? अजुन एक वेडा येईल थोड्या वेळाने. हातात माती घेवुन येतो आणि पटकन कुणाच्याही ताटात माती टाकुन पळुन जातो... मी - अरे मग, मालक काय गोट्या खेळतोय का? कुठे आहे मालक? वेटर - तो काय कोप-यात बसला आहे गुणगुणत.. हल्लीच त्यांनी मानवतावादी परिषदेचे सदस्यत्व घेतले आहे. त्यामुळे अशा वेड्यांना संरक्षण आणि बाकीच्यांना फाट्यावर मारणे चालु आहे... ऑर्डर काय आणु ? तो - अरे हो.. वेड्यांचे चाळे चालुच रहाणार.. जवळ आला तर भादरुन काढु.. तोवर आपले चालु ठेवु मी - मग काय... मागवा नेहमीचेच.. (पेग १ आगमन) . . . (पेग १ समाप्त) तो - रिपीट... मी - येस्स रिपीट... (भाग १ समाप्त)