लेखन प्रेरणा - तुम्ही मराठीसाठी काय करता ? मराठीच्या सद्यःस्थितीबद्दल यथेच्छ टाहो फ़ोडून झाल्यावर आपण विचार करू की आपण मराठीसाठी काय करतो ? मी स्वतः खालील गोष्टी करतो. (पुढिल सर्व कल्पना पुर्णत: काल्पनिक) १) वेगवेगळ्या मराठी संकेतस्थळांचे सदस्यत्व घेतो. २) तिथे लेखनाच्या / प्रतिसादाच्या जिलब्या पाडून मराठीचा वापर वाढवतो. ३) अनेक आयडी काढुन स्वत:च्याच लेखांवर वादग्रस्त प्रतिसाद देतो. ४) विनाकारण एखाद्या सदस्याची बाजु घेवुन इतराना झोडपतो. त्यासाठी ठेवणीतल्या मराठी शब्दांचा वापर करुन अनवट मराठी शब्द जनमानसात रुजवतो. ५) कोणता तरी विचित्र मुद्दा लावुन धरतो. इतर सदस्यांना उबग येईतो त्याचे समर्थन करतो. मग लोक वैतागुन प्रतिवाद करतात. एकुण मराठीचा वापर वाढतो. ६) शुद्धलेखन फाट्यावर मारतो. मग आपोआप आपले लेखन सामान्य जनतेला आपलेसे वाटते. मराठीचा प्रसार होतो. ७) प्रत्येक नव्या सदस्याला सुरवातीला आपल्या कच्छपि लावण्याचा प्रयत्न करतो. तो नाही बधला तर त्याला प्रतिस्पर्ध्याच्या कंपुत ढकलतो. मग त्याला जिकडे तिकडे पायात पाय घालुन पाडतो. ८) फालतु आणि तद्दन बकवास लेखन करतो, काथ्याकुट टाकतो. लोक आणि वैतागाने आणि मग चेष्टा करायच्या उद्देशाने चिक्कार प्रतिसाद टाकतात. तेव्हढीच मायबोलीची सेवा घडते. ९) त्या आपल्याला अजिबात न कळणार्या विषयांवर पाने भरुन प्रतिसाद देतो. १०) ................................. इतरही अनेक गोष्टी मी मराठीच्या विकासासाठी करतो. पण त्या जाहिर लिहिण्याच्या लायकीच्या नसल्याने टिंब टिंब टाकली आहेत. (वरील लेखातील मी हि कोणी एकच व्यक्ती नसुन त्या अनेक व्यक्ती आहेत. त्या कोण ते ज्याने त्याने समजून घ्यावे) ;)