खाऊ नाही तर मरू

जुन्या गाण्याच्या चालीवर पुढील काव्य गावे.

माणुसकीच्या शत्रुसंगे युद्ध आमुचे सरू
जिंकू किंवा मरू जिंकू किंवा मरू
शरीराच्या त्या गरजेसाठी यज्ञकर्म ते करू
खाऊ नाही तर मरू,खाल्ल नाही तर मरू
खाऊ नाही तर मरू

लढतिल सैनिक , लढू नागरिक
लढतिल महिला, लढतिल बालक
शर्थ लढ्याची करू, जिंकू किंवा मरू
मरतील बक-या तसेच पक्षी
मरतील मछल्या,पडतील भक्षी
आम्ही सातत चरू, खाऊ नाही तर मरू

देश आमुचा शिवरायाचा, झाशीवाल्या रणराणीचा
शिर तळहाती धरू, जिंकू किंवा मरू
देह आमुचा हाडमासांचा,रक्त आणिक जिवपेशींचा
शक्तिवान तो करू, खाऊ नाहीतर मरू

शस्त्राघाता शस्त्रच उत्तर, भुई न देऊ एक तसूभर
मरू पुन्हा अवतरू, जिंकू किंवा मरू
भेकेसाठी खाद्यच उत्तर, जिव्हा न थांबे जरा तसूभर
पोट आपुले भरू, खाऊ नाही तर मरू

हानी होवो कितीहि भयंकर, पिढ्या-पिढ्या हे चालो संगर
अंती विजयि ठरू, जिंकू किंवा मरू
जिंकू किंवा मरू
रोग होवो किती भयंकर,पिठ्या पिठ्या तो चालो नंतर
आम्ही कशास डरू ,खाऊ नाही तर मरू
खाल्ल नाही तर मरू ,खाऊ नाही तर मरू