भूतम् भयभीतम्

हा हा हा भूत बंद चित्रपटाची कहाणी उघड केली.

मस्त, एकदम खुसखुशीत!

- (भुत्या) सोकाजी

आम्ही सहा सहोदर! त्या काचघटात बद्ध झालो.तो आगंतुक उन्मत्तपणे हसला.

परंतु आम्ही 'सोमरसे' वंशाचे करारी भूत!चार्वाकवाद्यांना चकवणारी आमची तीक्ष्ण बुद्धी. लगेचच आमचे तार्किक आक्रमण सुरू झाले.

एकसमयावच्छेदे खर्जध्वनी घुमला."रे मूढ! चार्वाकाचा सिद्धांत आठव. 'ऋणं कृत्वा घृतं पिबेत्' हा नियम!

आम्ही तर सोमरस पिऊन आलेले भुतात्मे. आमची तृप्ती कुठे? क्षुधा शांतता कशी होणार?

"तो तांत्रिक चक्रावला. बाटलीला कान लावून ऐकू लागला."दुसरे असे, हा महागाईचा काळ. एकाच घटात सहा जणांची वस्ती?

हा विनाभाड्याचा गृहप्रवेश! आमच्या पोषणाचा भार तुझ्या शिरावर, तूला परवडेल का?"

अहोरात्र ते तत्त्वज्ञान वर्षत राहिले.

सतत ती कुत्सित शेरेबाजी.अविश्रांत बौद्धिक बडबड.'घटं भिन्द्यात् पटं छिन्द्यात्' करून प्रसिद्धी मिळवू पाहणाऱ्या त्या तांत्रिकाचा अखेर मस्तकभंग झाला!

तो डोके धरून आक्रंदला, "थांबा! शांत व्हा!" शांततेच्या आशेने त्याचा हात थरथरला. त्याने सत्वर त्या बाटलीचे बूच ओढले. 

'फस्स' असा आवाज झाला.

विमोचन झाले! सहाही सहोदर परसबागेत उन्मुक्त तरंगले.

खरेच, 'अस्माकं वाग्बाण बोरोसिलिकेट घट विदारक' बबुआ!

पैजारबुवा, 

हे हे हे 🤣 भाग २ पण भारीच 😂😂

दोन्ही भाग भारी आहेत! 
 

- (रसिक साहित्य समिक्षक)  कांदा लिंबू 

अच्छा! दुसरा भाग आता वाचला.

छान आहे.