मिपाकरांनी भरभरून प्रेम दिलेली लेखमाला 'एका खेळियाने' आता सकाळ प्रकाशनातर्फे पुस्तकरूपात उपलब्ध झाली आहे. त्याचं झालं असं की दोन एक वर्षांपूर्वी सकाळने एक स्पर्धा घेतली होती. त्यात 'एका खेळियाने'ला सर्वोत्कृष्ट ललित लेखनाचा पुरस्कार मिळाला. त्याचेच फलित म्हणून सकाळ ने एका खेळियानेचे लेख पुस्तकरूपात प्रकाशित केले आहेत. मिपावर आधी प्रकाशित झालेले काही आणि काही नवीन अश्या तीसेक लेखांचा त्यात समावेश आहे. योगायोगाची गोष्ट म्हणजे पॅरिस ऑलिंपिक्स सुरु झाले त्याच दिवशी, २६ जुलै ला हे पुस्तक वेगवेगळ्या ई-दुकानांमध्ये उपलब्ध झाले. पुस्तकाचे ई-बुक देखील लवकरच उपलब्ध होईल. पुस्तक खालील दुव्यांवरून मागवता येईलः अ‍ॅमेझॉन बुकगंगा अक्षरधारा सकाळ प्रकाशन ज्ञानगंगा शुभम साहित्य अजून प्रकाशन समारंभ झालेला नाही, पण ज्या दिवशी तारीख कळेल तेव्हा मिपाकरांना आग्रहाचे निमंत्रण केले जाईल - कारण ह्या कार्यामध्ये मिपाकर ही घरची मंडळी आहेत! लेखन करत राहण्यासाठी मिपाकरांच्या प्रतिसादाने खूप प्रोत्साहन मिळाले आणि त्याचंच फलित म्हणजे 'एका खेळियाने' हे पुस्तक! घरच्यांचे आभार काय मानायचे? लोभ आहेच - तो वाढत रहावा हीच प्रार्थना! जे.पी.मॉर्गन ७ ऑगस्ट २०२४