नमस्कार मंडळी, मी छोटी टिंगी. सरत्या वर्षाच्या पुर्वसंध्येला मी प्रथमच मिसळपावाला भेट दिली. तसा पुर्वीपासून आपल्या "मायबोली"तून स्वतःचे "मनोगत" व्यक्त करीतच होतो. परंतु कुठे ती मिसळपाव आणि कुठे ते अळूचं फदंफदं...... असो, सालाबादाप्रमाणे आम्ही या वर्षीदेखील काही संकल्प "सोड"लेले आहेत (कॄपया शब्दश। अर्थ घेणे आणि ह.घ्या.) त्यांचे तपशील पुढीलप्रमाणे - १. या वर्षी आम्ही शिवराळ/ द्वैअर्थी भाषा अजिबात वापरणार नाही. अपवाद : चुकुन तोंडातून निघाल्यास आणि मिसळपावावर आल्यानंतर........च्यामारी आता मिसळपावावर तात्या वगैरे लोकांच्या संगतीत आल्यावर 'घंटा' ही सवय सुटणार? २. या वर्षी आम्ही मांसाहार अजिबात करणार नाही. अपवाद : दर बुधवार, शुक्रवार आणि रविवार आणि सध्या विलायतेत वास्तव्यास असल्यामुळे म्याकडी वा बर्गर किंगात चुकून अभक्ष्याचं भक्षण झाल्यास.......असो, सध्या शुद्ध शाकाहारी मिसळपाव खाण्याचा प्रयत्न चालुच आहे. ३. या वर्षी आम्ही सुरापान/धुम्रपान अजिबात करणार नाही. अपवाद : एखादा वीकएंड (मराठी शब्द?) वा फुकटची मिळाल्यास किंवा कार्यालयात ग्राहकाने(क्लायंटने) आग्रह केल्यास केवळ वरिष्ठ अधिकार्‍यांचा मान राखण्याकरिता...... ४. या वर्षी आम्ही अजिबात थापा मारणार नाही. अपवाद : रजा, राजकारण आणि बढती मिळण्यासाठी...... असो.....हे झाले दरवर्षी प्रमाणे मी "सोड"लेले दरवर्षीचेच काही संकल्प. मंडळी आपले काय काय संकल्प आहेत? आपला, (संकल्पित) छोटी टिंगी