Skip to main content

कॉमेंट्सचे वार्षिक कॅलेंडर

लेखक निनाद यांनी सोमवार, 09/05/2022 10:59 या दिवशी प्रकाशित केले.
कॉमेंट्सचे वार्षिक कॅलेंडर सादर करत आहे. १५ एप्रिल ते १५ मे - काय हा भयानक उन्हाळा आहे, असा उन्हाळा आधी कधीच नव्हता! सगळेच ऋतू बदलत चालले आहेत! ३० जून च्या आसपास - पहिला पाऊस झाला आणि नंतर गुल झाला पाऊस! सगळेच ऋतू बदलत चालले आहेत! ३० जुलै - फार जास्त पाऊस झाला हो, थांबायचे नाव नाही. ३० जुलै - खांदेश-मराठवाडा-विदर्भ - पाऊस न्हयी शे औंदा! येक्दाच पल्डा मंग पाऊस गेला. आता टँकरच बोलवा लागते. सगळेच ऋतू बदलत चालले आहेत! ३० सप्टेंबर - पाऊस जास्तीच झाला थांबायचे नाव नाही! सगळेच ऋतू बदलत चालले आहेत! ऑक्टोबर - काय भयानक ऊन आहे हे. उन्हाळा बरा असे म्हणायचे वेळ आली. सगळेच ऋतू बदलत चालले आहेत! डिसेंबर सुरुवात - काय भयानक थंडी आहे! अशी थंडी आधी कधीच नव्हती! सगळेच ऋतू बदलत चालले आहेत! डिसेंबर शेवट - पाऊस? अरे हे काय पावसाचे दिवस आहेत? आता नवीन ऋतु हिवसाळा वगैरे. सगळेच ऋतू बदलत चालले आहेत! जानेवारी - काय दाट धुके होते हो? असे धुके कधीच नाही पाहिले. सगळेच ऋतू बदलत चालले आहेत! मार्च - काय ऊन पडले आहे भयंकर! असे ऊन इतक्या लवकर कधीच नाही पाहिले. सगळेच ऋतू बदलत चालले आहेत! १५ एप्रिल ते १५ मे - काय हा भयानक उन्हाळा आहे, असा उन्हाळा आधी कधीच नव्हता! सगळेच ऋतू बदलत चालले आहेत! घाला भर!
लेखनविषय:
लेखनप्रकार
वाचने 3092
प्रतिक्रिया 10

प्रतिक्रिया

हेमंतकुमार सोमवार, 09/05/2022 11:02
वर्षभरात कधीही आणि कायमच :
हल्लीच्या पिढीचं काय खरं नाही हो! आमच्या वेळेला असं नव्हतं........

हेमंतकुमार सोमवार, 09/05/2022 11:04
वर्षभरात कधीही आणि कायमच :
हल्लीच्या पिढीचं काय खरं नाही हो! आमच्या वेळेला असं नव्हतं........
या वाक्याचे पुरावे इसवी सन 1000 पासून मिळाल्याच्या नोंदी आहेत असे मागे एका लेखात वाचले होते.

निनाद सोमवार, 09/05/2022 11:08
नोव्हेंबर - थंडीच नाही हो यंदा! आमच्या वेळी दिवाळीत अशी थंडी पडायची की विचारू नका. सगळेच ऋतू बदलत चालले आहेत!

अर्जुन सोमवार, 09/05/2022 12:00
वर्षभरात कधीही आणि कायमच : मिसळ्पाववर आता आधीसारखे दर्जेदार वाचायलाच नसते, केवळ वादविवाद!! आधी असे नव्हते

कर्नलतपस्वी सोमवार, 09/05/2022 17:10
एक चारोळी, पुण्यात पिकणार भात अन कोकणात पिकणार गहू कधी येईल, किती येईल पावसाचा नेम नाय रे भौ

कंजूस सोमवार, 09/05/2022 20:12
डिसैंबरात पाऊस झाला. मावा पडला मोहरावर. जळाला. या वेळचे सीएचे पेपर्स कठीण होते. पूर्वीचे मिपा राहिले नाही.

मित्रहो गुरुवार, 12/05/2022 11:09
मस्त आहे आवडले ८ जून कवाच गेली, मिरग संपतबी आला पण पावसाचा पत्ता नाय, सारे नक्षत्र बदलले. आबे दिवाळीच्या तोंडावर पाऊस येऊन रायला ना, . हा काय बरसादीचा टाइम हाय. काहीबी होते आजकाल आधी उन्हाऱ्यात लग्न होत नव्हती का. हे उन व्हय का व्हय, आजकाल काही खर नाही भाऊ

चौथा कोनाडा शुक्रवार, 13/05/2022 17:54
लोक काहीही धागे पाडतात.

😆

पूर्वीचे मिपा राहिले नाही. आमच्या वेळेला असं नव्हतं.......

+१

मस्त खुसखुशीत लेखन आवडलं !

जेपी शुक्रवार, 13/05/2022 18:10
समंद हायब्रीड हाय आताची पिढी.