Wavy Bob - माझी पहिली कादंबरी आता उपलब्ध!

नमस्कार! बर्‍याच दिवसांनी भेट होतेय. तसे अधून-मधून मी डोकावून जात होतो पण बर्‍याच व्यवधानांमुळे इकडे येणे थोडे कमीच झाले होते. आता माझी पहिली कादंबरी प्रकाशित झाली म्हणून त्याची जाहिरात करायला म्हणून आलोय असा आळ माझ्यावर येण्याची शक्यता आहे. :-) खोटे कशाला बोला; अगदी तसे नाहीच असे ठामपणे म्हणायला मी धजावणार नाही. मिपाकरांसमोर खोटे बोलायला जिवावर येते. अर्थात, अधून-मधून माझी हजेरी होतीच आणि वावर, प्रतिक्रिया आणि वाचनापुरता का असेना पण होता. तरी माझे मिपा कुटुंब मला समजून घेईल अशी खात्री आहे. मागील १.५-२ वर्षांपासून वैयक्तिक आणि नोकरीच्या आघाड्यांवर काही महत्वाच्या (आंबट-गोड) घडामोडींमध्ये अडकलो होतो. त्यातच लेखनाचा प्रयत्न, शब्दांशी झटापट, आणि वाक्यांशी कुस्ती असले बरेच हिंस्त्र प्रकार चालू होतेच. शेवटी माझ्या लिखाणाला एक मूर्त स्वरूप मिळाले. Wavy Bob ही माझी पहिलीच कादंबरी (अजून येतील असा भाबडा आशवाद आहे). इंग्रजीत का? कारण असं काही विशेष नाही. मला खूप चांगलं इंग्रजी येतं असंही नाही. वाघिणीच्या दुधात आईच्या दुधापेक्षा जास्त जीवनरस आहे असा ही माझा दावा नाही. इतकी वर्षं इंग्रजी लिखाणात (तांत्रिक आणि कारकुनी पद्धतीच्या) घालवल्यानं आणि त्याच लिखाणानं आजवर मला दोन वेळची भाकरी दिली असल्यानं माझा कल इंग्रजीकडे जास्त होता. म्हणून इंग्रजीत. आपल्या सगळ्यांच्या शुभेच्छांमुळे शक्य झालेली कादंबरी आता आपणासमोर सादर करतांना मला आनंद होतोय. खूप दिवसांपासूनचे हे स्वप्न सत्यात उतरलेले पाहून बरे वाटते आहे. Wavy Bob हा पुस्तकलेखनाचा माझा पहिलाच प्रयत्न. कितपत जमला आहे हे माझ्यापेक्षा आपणांसारखी जाणकार मंडळी जास्त चांगल्या प्रकारे जोखू शकतील. आपण ही कादंबरी वाचून आपले मत इथे आणि अॅमेझॉनवर नोंदवू शकलात तर नवोदित लेखक म्हणून मला खरंच खूप बरे वाटेल. ही तसदी आपण सर्वांनी अवश्य घ्यावी ही आपणा सगळ्यांना नम्र विनंती! Wavy Bob ही कादंबरी केतन नावाच्या संगणक क्षेत्रात काम करणाऱ्या तरुणाच्या आशा - आकांक्षांची आणि यशापयशाची कहाणी आहे. सगळ्यांना निश्चितपणे आवडेल असे या कादंबरीचे कथानक आहे. प्रत्येक पानावर वाचकांची उत्कंठा वाढेल अशा पद्धतीने या कादंबरीचे कथानक रचण्यात आले आहे. शिवाय Wavy Bob कोण हे रहस्य पुरेसे इंटरेस्टिंग आहेच. कृपया आपण ही कादंबरी वाचून आपला अभिप्राय द्यावा ही विनंती! एका नवोदित लेखकासाठी आपला अभिप्राय आशीर्वादापेक्षा कमी नसेल. ही कादंबरी खालील साईट्सवर उपलब्ध आहे. https://www.amazon.in/dp/1643243616/ref=sr_1_1?ie=UTF8&qid=1528912467&sr=8-1&keywords=wavy+bob https://www.flipkart.com/wavy-bob/p/itmf63em2h7ystut?pid=9781643243610&lid=LSTBOK9781643243610ZAMEH7&marketplace=FLIPKART&srno=s_1_1&otracker=search&fm=SEARCH&iid=e13231c9-6e2e-48f9-abc3-f18bb92e5f8b.9781643243610.SEARCH&ppt=Homepage&ppn=Homepage&ssid=.f9s2e99inhq(e+16)1528912615367&qH=ec95ba38260a08db https://www.amazon.co.uk/dp/B07DM2B2ZZ/ref=sr_1_1?ie=UTF8&qid=1528912558&sr=8-1&keywords=wavy+bob+book https://notionpress.com/read/wavy-bob https://www.infibeam.com/Books/wavy-bob-sameer-suryakant-kulkarni/9781643243610.html#variantId=P-M-B-9781643243610 Ebook: https://play.google.com/store/books/details/Sameer_Suryakant_Kulkarni_Wavy_Bob?id=hBlfDwAAQBAJ Ebook: https://www.kobo.com/in/en/ebook/wavy-bob Ebook: https://www.amazon.com/dp/B07DM2B2ZZ Ebook: https://www.amazon.co.uk/dp/B07DM2B2ZZ/ref=sr_1_1?ie=UTF8&qid=1528912558&sr=8-1&keywords=wavy+bob+book Ebook: https://itunes.apple.com/us/book/id1396501228 शतशः धन्यवाद!