बायका बायकांची बरोबरी का करतात

बायका बायकांची बरोबरी का करतात हा मला पडलेला एक प्रश्न आहे.जेव्हापासून मला समजायला लागले आहे तेव्हापासून मी आजुबाजुला बघतो की आकर्षक,टंच,अधिकार पदावर असलेल्या बायका ज्या गोष्टी करतात त्या केल्या की अन्य सामान्य बायकांना आपले मेटल सिद्ध् केल्याचा फील येतो. १. कतरिना कैफ छोटे कपडे घालते, करा अनुकरण. प्रियांका चोप्रा बिकिनी घालते, करा अनुकरण. मग बेफिकीरीत आपल्या बेढब देहावर तंग कपडे घालून स्वतःला माधुरी दीक्षितच्या बरोबरीत आणून ठेवल्याचा ' लूक ' देत असतात २. शेजारची टंच मुलगी जिन्स ,टी शर्ट वापरते. मग इतर बायकाही तिचे अनुकरण करतात. शोभत नसेल तरीही जिन्स टीशर्ट घालून फिरणार्या बायका सर्रास दिसतात. टंच मुलींना डेनिम अगदी मावा-खवा लुक देते,तसा लुक क्वचीतच या बायकांना कॅरी करता येतो.पण नाही ती करते ना ,तर मग मीही करणार,हा अट्टाहास कशासाठी? ३. आर्ची मोटारसायकल चालवते ,ती तिला जमतेहि . पण बाजारत गिअरलेस गाड्यांची फौज उभी असताना या लुकड्या मुलींनाही बुलेट चालवायची असते.भले ही चालवताना फेफे उडाली तरी हरकत नाही. या पुढे जाऊन काही चवळीच्या शेंगा ट्रॅक्टरही चालवतात,आमच्यासारखे पामर त्यांच्यापासून जीव वाचवायला लांब अंतर ठेऊनच सायकल चालवतात. ४ स्वयंपाकघर चालवणे आणि अधिकार गाजवणे हा खास सासवांचा प्रांत.पण घुसखोरी करणार नाही त्या सुना कसल्या. नवर्‍याला बकरा बनवून ताटावर बसवले जाते,इतर वेळी मल्टीटास्कींग असणार्य स्मार्ट सुना बायका मात्र इथे गडबडतात. लोणचे दे असे सांगितले की चटणी देतात व भाकरी थापायला सांगितले की पराठे वाढतात.आणि वर यांना रोटी मेकर नको असते. यांना हवा असतो मायक्रोवेव्ह. केक आणि पिझ्झा बनवायला. मग सासूने डोळे वटारले की यांना काही सुचत नाही आणि त्या नवर्‍यावर डोळे वटारतात. मग नवरा कंटाळून जेवण अर्धवट सोडून बाहेर निघाला की त्याला सासू-सुनांचे सुसंवाद कमी आणि आदळलेल्या भांड्यांचे आवाज जास्त ऐकू येतात.अरे काय वेडेपणा आहे हा? ५. उत्साहावर विरजण पाडणे हे खास म्हातार्‍या बायांचे कुरण. पण आजकाल तरण्याताठ्या बायकांनी त्यात प्राविण्य मिळवले आहे. इतके की 'भलत्या' वेळी मैत्रिणीला फोन करुन नवर्‍याला ताटकळत ठेवणे आणि तो कंटाळून झोपी गेला की मगच फोन ठेवणे ही त्यांची फर्माईश असते. तर बायकांनो जरुर अन्य स्मार्ट बायकांना कॉपी करा ,त्यात गैर काही नाही. पण ज्या गोष्टी मुदलातच आपल्यासाठी नाहीत त्याचा अट्टाहास धरु नका.कॉपी अशी करा की बघणारा पुरुष बघत राहीला पाहीजे. स्मार्ट बायकांचे एकच उदाहरण देतो, वारंवार माहेरी जाणे हा खरतर गेल्या पिढीतल्या बायकांचा प्रांत ,पण स्मार्ट स्त्रियांनी तिथे असे प्राविण्य मिळवले आहे की बहुतांश आनंदी प्रुरुषांच्या बायका या वारंवार माहेरी जाणार्‍या स्मार्ट सूनबाई आहेत. तर बायकांनो , मदनिकांना कॉपी करणे म्हणजे आपण मॉड् झालो हा कन्सेप्ट मनातून काढून टाका.तुमची स्वतःची अशी exclusive क्षेत्रे तयार करा.कतरिनाला बेंचमार्क ठरवून भलतेच काहीतरी करण्याचा प्रकार सोडून द्या,after all , कतरिना इज कतरिना.