रस्त्यात कालवा इतका झाला की शंकर्या उठलाच. खाटेवर टेकलेल्या बूडाचा आधार घेउनच अशी गिरकी फिरली की पाय खाटेखालच्या बुटावर आले. स्लीव्हलेस टीशर्टाचे खांद्यावरचे दोन कोपरे बोटाच्या चिमटीत पकडले गेले. एक हिसका देऊन दोन्ही हात सवयीने कानावरच्या केसातून फिरले. हात फिरले म्हणण्यापेक्षा हात जागेवर राह्यले, मान पुढे मागे झाली. बुटाची चेन ओढली गेली. मोरीतल्या पाण्याचा हबका तोंडावर बसला तसे ते ओले हात परत एकदा केसावर फिरवून शंकर्या खोलीबाहेर पडला.
रस्त्यावर नेहमीचाच सीन. मामाच्या कॅन्टीनसमोर एक अॅक्टीव्हा आडवी पडलेली. टिपटाप युनिफॉर्मातला एक गोमटा जीव मम्मी कशी रिक्षावाल्याशी भांडतेय हे पाहतोय. रिक्षावाला तर गल्लीतला सत्याच होता. गर्दीला आवडणारा परफॉर्मन्स अगदी बिनचूक पार पडला जात होता. शंकर्याने गर्दीत घुसताच आवाज दिला. "अय मॅडम, जरा तमीजसे बात करना. गरीब हुये तो भी इन्सान है हम" भांडून त्रासलेल्या अन शिव्याचा स्टॉक संपल्याने गोंधळलेल्या मॅडमने शंकर्याकडे पाहिले. गर्दीने हसायला सुरुवात केलीच होती ती आता नवीन सीनसाठी सरसावली.
"अरे ये तो नीलम है. क्या मॅडम पहचाना की नही. अपुन शंकर. जीनाईन."
"शंकर्या, सोड आता तरी मवालीगिरी. बघ ह्या रिक्षावाल्याने काय केलेय, त्यात अथर्वला स्कूलला लेट होतय"
..........
"ए हटा, सब हटा. सत्या चल बे. फूट इथून. अपना पुराना वास्ता है" एवढे बोलत पडलेल्या अॅक्टीव्हाला शंकर्याने हात घातला. च्यायला जड होतं प्रकरण. का हाडं कटकटायली. जरा दम लावून उचलताच नीलमने हिसकावल्यासारखा ताबा घेतला. मम्मीने बटनस्टार्ट करायच्या आत पोरगं मागच्या सीटवरुन तिला बिलगलं.
गर्दीचा इंटरेस्ट संपला होता. शंकर्या सत्याला घेउन कॅन्टींगात टेकला.
"यार वो नीलम है. अपने साबकी. बहोत पुराना लफडा. कारसे आती थी इस्कूल. आपुन उदरीइच रुकता था उसके वास्ते"
"बस कर बे, उठला आता बाजार तुझा आन तिचा पण. तिचं गाबडं दोन चार वरशात दहावीला येईल. तू आइघाल्या कवा आतनं शाळा तर पाह्यला का?"
"सत्या, मेहनत करके रिक्षापे जीता है इसलिये माफ किया तेरेकू. साले कहा नोकरी करता तो नही छोडता मांकसम"
"आता गप्पतो का भाऊ. तिच्यायला त्या मिथुननं हेंडगाळ लावलं जिंदगीला. ते बी सोडंना ठुमकं लावायचं. तुझी जवानी उतरना."
"क्या बोलता? दादाकी नयी फिल्म? "
"बस ना आता. रात्री आसतय टीव्हीवर. डॅन्सच्या शोला. केबलवर"
"दादा का डॅन्स. मांकसम. पण सत्या टीव्ही नाय ना आपल्याकडे"
"टीव्ही नाय, बीवी नाय, कुच बी नाय तुझ्याकडं गांडो. जिंदगी सगळी जीनाईन करत घाल त्या टेपमदी."
"टेपला काय बोलायचं नाय बे सत्या. जिंदगी हाय अपनी. ते जौंदे. शंभर दे की जरा."
"भाडखाव, भोनीचा पत्ता नाय ती तुझी बुढ्डी ठोकली सकाळ सकाळी. पैसे कुठनं आणू. आधीचे हजार दे परत. ग्यास भरायचाय"
"चल माफ कर दिया. मामा, अपना दो चाय लिख देना खातेपे"
"निघंय फुकन्या. इथून तिथून, सम्दं मिथुन. पुढं मागं कोन नाय तवा बोलंना तुला. न्हायतर कुत्रं इचारना तुला"
मामा लैच कोकलायच्या आत शंकर्या रुमवर आला. कालच्या २० रुपड्याच्या भज्याचा पुडा तसाच पडलेला. टेपची कॅसेट अर्धवट बाहेर आलेल्या जिभेगत रेकॉर्डरच्या तोंडातून लोंबत होती. खाटखाट बटनं दाबत कॅसेट बसताच शंकर्यानं भजी घेउन ठिय्या मारला.
जिहाले मस्ती मुकं ब रंजिश सुरु व्हायच्या आधीचा मॅडम बस चली जायेगी चा पुकारा शंकर्यानं जोरात केला पण आवाज साथ देईना. आवाज काय आख्खं शरीर तुटल्यासारखं झालेलं.
सालं ह्या जिंदगीला आपली जरुरत नाय. दादा अजुन फॉर्मात हायेत. उटीला कायतरी हॉटेलं हायत म्हणं. इंडस्ट्रीको जरुरत है दादाकी. बस अपनी जरुरत नही किसिको.
कळायला लागल्यापासून लागलेला नाद पिक्चरच. तवा बी आय होती, बाप नव्हता. रस्त्यावर सुध्दा डिस्को मारत जाणारा शंकर्या काहीही करुन जगत गेला. वाढत्या वयासोबत अक्कल मात्र मिथुनखाती गहाण पडत गेली. आय गेली ती शरीर वाढायची किल्लीच घेऊन गेली. भजीपाव भरुन अंगावर ना मांस भरणार होतं ना चमक. चमक राह्यली ती फक्त घोट्याच्या वर असलेल्या चेनच्या बुटाला. थेटर, व्हीडीओ जमंल तिथं शंकर्या मिथुनला डोळ्यात, मनात साठवत राह्यला. एकाच गोष्टीसाठी आईची आठवण काढत राह्यला ते म्हणजे ठेवलेले नाव शंकर. दादाच्या पिक्चरात हमखास असतंच. गरीबोंका दाता शंकर. बुराइका दुश्मन शंकर.
साला शंकर शंकर शंकर. त्याआधी जिम्मी म्हणायचे यारदोस्त. नंतर जी नाईन झालं.
जी नाईन. कमांडोतला मिथुनदा जी नाईन.
त्या नावाबरोबर स्वप्नात मंदाकीनी दिसायली तेव्हा शंकर्याची जवानी सुरु झाली बहुतेक.
एकदा मंदाकीनीचे घारे डोळे दिसले शाळेच्या युनिफॉर्मात. तेंव्हा शंकर्या सत्याची रिक्षा चालवत होता. दहावीची नीलम पीएसअयसाह्यबाची पोरगी आहे हे कळलं तसं शंकर्या खुलला. भ्रष्ट पोलीस अधिकारी बापाच्या तावडीतून नीलमला सोडवतोय अशी स्वप्ने तर कायमच पडायली. रात्री फुटकी फरशी रंगीत काचात बदलायची. पांढर्या उंच टाचाच्या बुटातला शंकर्या डिस्कोच्या तालावर स्वप्ने रंगवायचा. रुपाया रुपाय जोडून ड्रायरने सेटींग केलेले केस मिंटामिंटाला हाताने सेट करायचा. नीलमला बघायला शाळेच्या पायर्या झिजवून झाल्या. तिच्या घरासमोरचा कट्टा घासला. तिच्या बापाकडं ड्रायव्हरची नोकरीपण करुन झाली. नाचरे दिवस सरत गेले. नीलम कॉलेज बिलेज करुन सुखाने बोहल्यावर गेली. त्या लग्नात नाचायची सुपारी मात्र शंकर्याने नाकारली.
इतक्या दिवसात शंकर्या पोराचा बाप्या झालेला. जीवापाड सांभाळलेल्या केसांनी साथ सोडायला सुरवात केली. फिटींगच्या पांढर्या पॅन्ट आणि लूज टीशर्ट विटले. उंच बुटांसोबत जिंदगीपण घासून सपाट झाली. लग्नकार्यात नाचून नायतर ऑर्केस्ट्रात नाईटवर मिळालेल्या पैशात टेप न कॅसेटी एवढीच इस्टेट जमा झालेली. खोली तर आयच्या नावावर. ती पण जाणारच अतिक्रमणात एक दिवस.
"साला गरीबोंकी नही ये दुनिया. अपनी प्रेमप्रतिज्ञा ऐसेइच जायेंगी अपने साथ"
"नीलमचं पोरगं मोठ्ठं झालं. अपना दादा बडा आदमी बन गया. अपना क्या? "
"डॅन्स. बस्स डॅन्स."
"आयामे डिस्को डॅन्सर."
"नये लडकोंका डॅन्स जज करते है अपने दादा. अपुन जानेका क्या?"
"जानेकाच. दादा समझ लेंगे अपनी जिंदगी"
दुखर्या पाठीला अन भरुन आलेल्या पोटर्यांना सांभाळत डोक्याला रुमालाची पट्टी आवळून शंकर्याने टेपचा आवाज वाढवला.
"जिंदगी मेरा गाना, मै कीसीका दिवाना. तो झूमो, तो नाचो, आ मेरे साथ नाचो गावो. आयमे डिस्को डॅन्सर"
.
.
दुपारपर्यंत टेप वाजत राहिला. कॅसेट साईड बदलत राहिल्या. पाय थिरकत राह्यले.
.
.
संध्याकाळी सत्या पैसे द्यायला आला. भजी अन तुटक्या कॅसेटीच्या राड्यात डॅन्स संपला होता.
पत्र्याच्या त्या खोलीत जिवंत असलेला एकमेव जीव म्हण्जे तुटक्या रीळाच्या कॅसेटचा टेप फिरत होता.
जी नाईन
वाचने
44285
प्रतिक्रिया
107
मिसळपाव
प्रतिक्रिया
अफाट लिहिलंय बे.
अफाट लिहिलंय बे.
जिंदगी मेरा गाना...
:(
मस्त
मस्त
मस्त हो....
"टेपची कॅसेट अर्धवट बाहेर आलेल्या जिभेगत रेकॉर्डरच्या तोंडातून लोंबत होती."
हे...आणि....
"पत्र्याच्या त्या खोलीत जिवंत असलेला एकमेव जीव म्हण्जे तुटक्या रीळाच्या कॅसेटचा टेप फिरत होता."
ही दोन्ही वाक्ये जबरदस्त.
साला, तुम एकीच लिखता, पुरा
साला, तुम एकीच लिखता, पुरा बाजार उठवता है...
+११
In reply to साला, तुम एकीच लिखता, पुरा by संदीप डांगे
इथून तिथून मिथून ची पारायणे करणार्या (आणि अता हयात नसलेल्या) दोस्ताची याद आली..त्याचीही जिंदगी "आज का ऐश देखो कलका मत सोचो" असे म्हणत गेली फरक इतकाच इथे कथानायकाला नायीका नाही मिळाली पण त्याला मिळाली तीही पोलिसाचीच (अगदी फिल्मी ष्टाइल लव्ह मॅरेज) पण लग्ना आधीच्या "साथ संगत" आणि नशाबाजीने विवाहाच्या सुखाला कधी सुरुंग लावला त्यालाही कळले नाही आणि ते पेरलेले भु-सुरूंग प्रत्येक वाटचालीत मध्ये आले.
मागे दोन छोटी मुले ठेऊन हा "मिथून" इथून गेला.(साल २००१)
पुण्यातून कोल्हापूरला गेल्यावर माझ्याशी संपर्क कमी-कमीच झाला होता त्याचा....
अवांतराबद्दल क्षमस्व पण मिथून बाहेर यायला हे निमित्त होते.
नि:शब्द नाखु
जबरदस्त!!
जबरदस्त!!
__/\__
__/\__
जबरदस्त !!!
जबरदस्त !!!
मनुष्यस्वभावाची निरिक्षणशक्ती
मनुष्यस्वभावाची निरिक्षणशक्ती आणि भाषाशैलीवर प्रभुत्व अफाट आहे तुझे.
खतरनाक, तोडलेस लका
खतरनाक, तोडलेस लका
मिथुन फॅनची फरफट
मिथुन फॅनची फरफट अफाट मांडली आहे . बाकी जी ९ मिथुन म्हणले की त्याचे सुरक्षा , वारदात हे चित्रपट आणि त्यातली "देखा है मैने तुझे फिरसे पलटके " , "प्यार करना तो जरुरी है " हि गाजलेली गाणी आठवतात . "जीते है शानसे " , "प्यारका मंदीर" ,"गुरु" या चित्रपटांमुळे त्याची "गरीबोंका अमिताभ" अशी इमेज बनत गेली . असे असंख्य शंकर्या त्याचे फॅन बनले .
+१००
In reply to मिथुन फॅनची फरफट by सिरुसेरि
+१००
होय मिथुन ला गरीबोंका अमिताभ
In reply to मिथुन फॅनची फरफट by सिरुसेरि
होय मिथुन ला गरीबोंका अमिताभ म्हणायचे, म्हणजे गरीब निर्मात्यांचा अमिताभ असेच ना ?
नाही.
In reply to होय मिथुन ला गरीबोंका अमिताभ by राजाभाउ
नाही.
गरीब चाहत्यांचा अमिताभ...ज्यांची स्वप्नंही गरीब असतात ते.
नव्वदीच्या दशकात पुण्यात 'गरीबांचा मिथुन' पण एखाद्याची हेटाई करण्यासाठी म्हणत असत. (हे खडकी-दापोडी ला पर्यायी होतं.)
बाकी व्यक्तिचित्र एकदम आवडलं. असे मिथून पाहिले होते त्या काळी.
स्टार नावाचा कुमार गौरवचा एक पिच्चरही आठवतो.
ओह अस आहे होय ते, मी वेगळच
In reply to नाही. by खेडूत
ओह अस आहे होय ते, मी वेगळच समजत होत.
गरीबांचा मिथुन'
In reply to नाही. by खेडूत
लोल
अपमान करायला शिकावे तर पुणेकरांकडून
म्हणजे गरीब निर्मात्यांचा
In reply to होय मिथुन ला गरीबोंका अमिताभ by राजाभाउ
ह्यावर मित्रांसोबत वादविवाद झालेला आठवतोय. गरीब जर प्रेक्षकांसाठी असेल तर त्यांना थिएटरमध्ये मिथुन्चा चित्रपट पाहायचा असेल तर तेवढेच पैसे द्यावे लागतील जितके बाकीच्या बिगबजेट चित्रपट पाहायला लागतात. त्यामुळे गरीब हे विशेषण निर्मात्यांसाठीच असेल ह्य निष्कर्षाप्रत आलो होतो.
बरोबर आहे योगेशा, ज्यावेळी
In reply to म्हणजे गरीब निर्मात्यांचा by कानडाऊ योगेशु
बरोबर आहे योगेशा, ज्यावेळी अमिताभ सर्वोच्च मानधन घेत असे आणि कथा दिग्दर्शनात चुजी असे त्यावेळी मिथुनने लो बजेट आणि भारंभार फिल्म्स नव्या बॅनरखाली पण केल्या. त्यामुले हा समज वाढला.
गरिबांचा अमिताभ म्हणायला मात्र एक कारण होते. अमिताभ ताडमाड उंच, विशेष आवाज आणि रूप असलेला स्टार. पब्लिक त्याची कॉपी फक्त हेअरस्टाइल आणि कपड्यात मारू शके. त्यासारखे दिसणे अवघड असे. मिथुन मात्र सर्वसाधारण लोकांना आपला वाटणारा, त्यांचासारखा दिसणारा हिरो. केस वाढवून, कपडे आणि थोड्या डान्सच्या जीवावर लोकल मिथुन बनणे इझी होते.
अभ्या,
In reply to बरोबर आहे योगेशा, ज्यावेळी by अभ्या..
अभ्या,
ह्याबाबत किंचित असहमती. ज्या ज्या गोष्टी तू गुण म्हणुन सांगितल्यास त्याबद्दलच त्याची हेटाळणी झालेली होती.
राजकुमारने त्याची ताडमाड उंची पाहुन "जानी,इनकी टांगे तो गर्दनसे शुरु होती है" अशी कॉमेंट मारली होती.रूपाबद्दल तर चेहर्या घोड्यासारखा दिसतो आणि एकुण बॉडी लेंन्ग्वेज एका दूधवाल्या भैयासारखी अशी हेटाळणी केली गेली होती. आवाजाबद्दल तर ऑल इंडिया रेडिओने हाकलुन लावले होते. कदाचित इतक्या मानहानीनंतरसुध्दा हा माणुस सुपरस्टार बनला जे अविश्वसनीयच होते सामान्य पब्लिकसाठी त्यामुळे त्यासम तोच असे मानुन कुणी त्याच्यासारखे बनण्याचा प्रयत्न केला नसावा. जी वैगुण्ये म्हणुन आधी हेटाळणी पदरात पडली होती त्याच गोष्टी त्याने स्वतःच्या स्ट्रेंथ बनवल्या. डोळ्यातल्या किंचित तिरळेपणाचा इंटेन्स सीन मध्ये जबरदस्त वापर केवळ तोच करु जाणे. (
१. दिवारमधला मेरे पास मॉ है डायलॉग नंतर स्तब्ध झालेला चेहरा फक्त डोळ्यातुन बोलतो.
२. डॉनमध्ये खोटा डॉन जेव्हा यादगाश्त चली गयी है ची अॅक्टींग करतो तेव्हा फोकस फक्त त्याच्या डोळ्यांवर आहे.
३. कालापत्थर मध्ये शत्रुघ्न सिन्हा जेव्हा त्याची उगाचच खोड काढतो तेव्हा काय भंकस माणुस आहे हा डोळ्यातुन व्यक्त केलेला भाव जबरदस्तच.
एकुण अमिताभ म्हणजे अद्वितिय व्यक्तिमत्व आहे.)
हेटाळणी स्टार होण्याआधी
In reply to अभ्या, by कानडाऊ योगेशु
हेटाळणी स्टार होण्याआधी झालेली योगेशा. फॅन पण स्टार झाल्यावरच होतात. ते गुण कि अवगुण हा विषयच नाही. फॅन्स फक्त गुण पाहतात. हिरोसारखा थोडा जरी लाईकनेस असला तरी प्रयत्नपुर्वक तो वाढवतात. काही जण तर काहीच नसताना कॉपी मारतात. काहींचे आयुष्याचे ध्येय बनून जाते ते. तेच क्रेझी फॅन फॉलोविंग. बस्स बाकी कुछ नही यार इस कहांनिमें.
प्रचंड सहमत. शाळेत असताना एक
In reply to हेटाळणी स्टार होण्याआधी by अभ्या..
प्रचंड सहमत. शाळेत असताना एक हुशार मुलगा सनी देओलचा अगदी डायहार्ड फॅन होता. सनीचा एक डोळा इंटेन्स प्रसंगात थोडा तिरळा होतो व एक भुवई उडते. हा ही डिट्टो तसेच करायचा प्रयत्न करायचा.
नोकरीच्या ठिकाणी एक शाहरुखचा फॅन होता. एकदा लंगडत लंगडत कंपनीत आला व काही दिवस असेच चालत होता.मी दुसर्या एका कलिगला विचारले ह्याला झालेय काय? तो कलिग म्हणाला कि कभी अलविदा ना कहना मध्ये शाहरुख असाचा लंगडत चालतो म्हणुन हा ही असाचा चालतोय.
सनी देवलच्या एका डोळ्यात एक
In reply to प्रचंड सहमत. शाळेत असताना एक by कानडाऊ योगेशु
सनी देवलच्या एका डोळ्यात एक काळा डाग आहे छोटासा, सेम तसाच अगदि माझ्या डोळ्यात पण आहे. पर हाथ ढाई किलोका नही ना. ;) म्या पण सनिभाऊंचा लै जबरा फॅन.
सनी देवलच्या एका डोळ्यात एक
In reply to प्रचंड सहमत. शाळेत असताना एक by कानडाऊ योगेशु
सनी देवलच्या एका डोळ्यात एक काळा डाग आहे छोटासा, सेम तसाच अगदि माझ्या डोळ्यात पण आहे. पर हाथ ढाई किलोका नही ना. ;) म्या पण सनिभाऊंचा लै जबरा फॅन.
अप्रतिम, अद्भुत आणि अफाट
काय लिहिलंय दादा....जबर्या एकदम.असे दोन-तीन मिथुन बघितले आहेत. एकाने तर अक्षरशः स्वतःची किडनी विकून आलेल्या पैश्यात मिथुन बनायची हौस भागवली होती. नंतर पुन्हा भणंग जीवन वाट्याला आले त्याच्या.
जबरदस्त लिहिलंय. भारीच!
जबरदस्त लिहिलंय. भारीच!
+++++++++
+++++++++
अफाट
कसल अफाट लिवलयस बे..
गोष्ट आवडली. माया नगरीत
गोष्ट आवडली. माया नगरीत मायावी दुनियेत येणार्या अधिकांश लोकांची कर्मगाथा बहुतेक अशीच असेल..
कड्क
अबे अई... कसम पैदा करने वाले की क्या.........
मस्तच अभ्या !!!
मस्तच अभ्या !!!
ज्ये बात
कं लिवलंय, कं लिवलंय!
च्यायला,
लईच कडक!
खतरी!!
भाई आपण तुमको सलाम करता हैं !
https://cdn.meme.am/instances/500x/51258871.jpg
Photo
In reply to भाई आपण तुमको सलाम करता हैं ! by हेमन्त वाघे
डोस्क भंजाळलं
डोस्क भंजाळलं
अप्रतिम लिखाण अभ्या..
अप्रतिम लिखाण अभ्या..
एखाद्या क्लासिकल सिंगर ने आपल्याला हे सुद्धा गाता येतं म्हणत एखादं फिल्मी गाणं टेचात म्हणून दाखवावं तसं लिहिलायस.
जिगर है भौ!
कसलं लिवायलाय बे तुफान एकदम
कसलं लिवायलाय बे तुफान एकदम
एक नंबर...
एक नंबर...
:(
डोक्याला शॉट..
एक नंबर लिहिलंय.
छान लिहिलंय.
खूप आठवणी जाग्या केल्या भौ...मी अश्या व्यक्तींना भेटलो आहे त्यांची 'भक्ती' अनुभवली आहे. सर्वांची स्टोरी 'अतृप्त'...राजेश खन्ना, बच्चन, शत्रुघ्न, किशोर.
क्या बात, क्या बात, क्या बात!
क्या बात, क्या बात, क्या बात!!!
अभ्या.. लका..
अंगावर काटा आला राव!
शप्पथ!
जबरदस्त.... खूप आवडलं. मनाला
जबरदस्त.... खूप आवडलं. मनाला स्पर्श करणार लिहिता
परिणामकारक लेखन...
शंकर्या डोळ्यांसमोर पर्फेक्टली उभा केलात!
अगदी ..
In reply to परिणामकारक लेखन... by बहुगुणी
+1
:(
:(
अभ्या, व्यक्तिचित्रण प्रकारात
अभ्या, व्यक्तिचित्रण प्रकारात तुला पेडिस्टल वर ठेवले गेले आहे, अधिक काहीच बोलायला सुचत नाहीये, धन्यवाद.
च्यायला, काय कथा आहे!
अभ्या..,
साली काय म्हणावी शंकऱ्याची जिंदगी? मायावी दुनियेचा इतका मोह पडावा? मानवी जीवन इतकं सवंग असू शकतं? ज्याम प्रश्न पडलाय.
आ.न.,
-गा.पै.
भन्नाट
टोटल भन्नाट लिहीले आहे!
हे एकदम टोकाचे उदाहरण्/वर्णन आहे, पण असे एखाद्या अॅक्टर ला किंवा त्याच्या एखाद्या चित्रपटातील कॅरेक्टरला तारूण्यभर जगणारे लोक बघितले आहेत. अमिताभ चा शराबीतील रोल, किंवा मुकद्दर का सिकंदर मधला वगैरे.
अफाट लिहिले आहेस!
अफाट लिहिले आहेस!
भाषा छान जमली!
भाषा छान जमली!
आयला
डोळ्यात पाणी आल ना दादा! :(
__/\__
Sandy
क्या बात ! क्या बात !! क्या
क्या बात ! क्या बात !! क्या बात !!!
तुझ्या लेखणी आणि प्रभुजी दोघांनाही सलाम.
अफाट व्यक्तिचित्रण !!!
अफाट व्यक्तिचित्रण !!!
लयच जबरा ना हो !!
भारी लैच भारी.... अप्रतिम.....
काय जबरदस्त लिहिलस. मजा आली वाचुन.
आपला मिठुनदा आहेच जबरदस्त, काय डॅन्स काय स्टाईल आणि कसले एक एक भारी भारी ड्व्यायलॉक.
मिठुनदा सिर्फ मिठुनदा.
पैजारबुवा,
वा! आवडले
वा! आवडले
आई गं. चटका लिहिलयस रे भावा.
आई गं. चटका लिहिलयस रे भावा. तु लिहितो तेव्हा भन्नाट असतंय बघ.
वाचण्यात आलेल्या ऑनलाईन
वाचण्यात आलेल्या ऑनलाईन लेखकांपैकी टॉपलिस्टमधे जाऊन बसला आहेस गेल्या काही ललित लिखाणांमुळे.
अतिउत्कृष्ट.
मस्त
In reply to वाचण्यात आलेल्या ऑनलाईन by गवि
मस्त
भरून पावलो
वाचता, वाचता पहात होतो, दिसत होता जी ९ मना मध्ये.
कित्येक दिवसांनी असा मनाला झोंबनारं व्यक्ती चित्रण वाचले, लाख लाख सलाम
गनमास्टर जी ९
----आपला मिठुनदा आहेच जबरदस्त, काय डॅन्स काय स्टाईल आणि कसले एक एक भारी भारी ड्व्यायलॉक.--
+१००
"कोई शक ?"
"पब्लिकके पास टाईम नहि"
धाग्याने अर्धशतक गाठल्या बद्दल....
अभ्या.. ह्यांना डान्स-डान्सची एक शी.डी. कसम पैदा करनेवाले की ह्या सिनेमाची व्हिडिओ कॅसेट आणि सुरक्षा सिनेमाची २ पिटातली तिकिटे देण्यात यायची व्यवस्था करायचा विचार आहे.
जबर्दस्त लिहिलय !
जबर्दस्त लिहिलय !
मस्त व्यक्तिचित्रण...
मस्त व्यक्तिचित्रण...
लई भारी बे अभ्या, असलं लिहिणं
लई भारी बे अभ्या, असलं लिहिणं कुठंतरी आत जाउन चटका लावुन लगेच परत जातं.
असं नसतं म्हणायचं.
In reply to लई भारी बे अभ्या, असलं लिहिणं by ५० फक्त
असं नसतं म्हणायचं.
१.तुम्हाला कळवळा नाही.
२.तुम्ही निष्ठुर आहात.
३.तुम्हाला भावना नाहीत.
४.तुम्ही मानसशास्त्रीय दृष्टीने बघत नाही.
५. कैच्या कै प्रतिसाद.
६. असं कसं असं कसं???
सध्या घाईत आहे म्हणून एवढं च.
चाबूक लिखाण
चाबूक लिखाण
काळजाला भिडली.
मनाचा ठाव घेणारे व्यक्तिचित्रण.
तुमचे लिखाण अतिशय आवडत आहे.
अप्रतिम
मनात उठलेली खळबळ व्यक्त करायला शब्द नाहीत. असंवेदनशील मनाला हडबडून जग होण्यास भाग पाडणारं लेखन. पुलेशु.
आवडलं
एकेकाळी आम्हीही मिथुनचे पंखे होतो. पण ते सगळं ओसरलं
मस्त लेखन!!
मस्त लेखन!!
जबरदस्त...
डोळ्या समोर उभा केलात शंकर्या.
:(
:(
चटका लावून जातात तुझ्या गोष्टी.
ओ मालक, आता जरा त्या airtel
ओ मालक, आता जरा त्या airtel चं बघा काहीतरी.... ☺
कुणाला सांगताय?
In reply to ओ मालक, आता जरा त्या airtel by संदीप डांगे
कुणाला सांगताय?
अभिजीत,षेक की लाष???
टाकू हो जमलं तर मालक. सध्या
In reply to ओ मालक, आता जरा त्या airtel by संदीप डांगे
टाकू हो जमलं तर मालक. सध्या काय ना कायतरी खरडत राहतोय हे काय कमी आहे. ;)
सर्व वाचक आणि प्रतिसादक
सर्व वाचक आणि प्रतिसादक मंड्ळींचे मनापासून आभार मानतो. गविराज, राहीताई, फारेण्डराव, मृत्यो, ५०, आदूबाळा, संदीप, माऊली, बहुगुणी, जव्हेरभाव सारख्या मोट्ठ्या अन अनुभवी लेखकमंडळींनी आवडल्याची पावती दिली. बापूभाव आणि इतर मित्रपरिवार तर आमच्या पाठीशी असतोच. वल्ल्ल्या, किसन्या, यशोमैय्या, ज्योतीअलवणी, सुडक्या, स्पावड्या, पद्माक्का, राघव, मंदार, उखराव, नाखून्स, दोन सुमीत्, तिमा, रांचो, खेडूत, पटाईत, हेमंत, टक्या, बोलेरो, गणा, चिनार, मुसाफीर, पिश्या, रारा, सिरुसेरी, विखी, कंकाका, अभिरुप, निलू, नीमो, सुंड्या, जाबाली, जिंगल, राजाभाव, घोडेकर, गामा आनी नुसतेच पैलवान, कमवू, प्रवासी, मोहनराव आणि बट्टू अशा सर्वांनाच खूप खूप धन्यवाद.
आगामी लेखनाबद्दल सूचना आणि काही मार्मिक मार्गदर्शन देणार्या वाचकांचे विषेष आभार.
आमचे मार्गदर्शक प्राडॉ सर ह्यांची उणीव जाणवली धाग्यावर पण न जाणे कुठले कनेक्षन आणि लिकेज हुडकताहेत कुणास ठाउक.
वेळ नसावा कदाचित त्यांना. :(
असो. नेक्ष्ट इव्हेंट.
माझं नाव एड करा...
In reply to सर्व वाचक आणि प्रतिसादक by अभ्या..
लेखन आल्या आल्या वाचलं ना दादा. दाद द्यायची राहून गेली होती. आयाम सॉरी. लेखन जबरा करतूस राजा, कलाकारी आणि लेखन दोन्ही फसक्लास. लिखते रहो.
-दिलीप बिरुटे
(अभ्यादादाचा लेखन आणि कलाकारीचा फ्यान)
सलाम
भारी लिवलयं रे
डोक्यात असलेले वेड पैसे कमवून देणारा असेल तरच फायदा ! नायतर जिंदगी पोतेरा होते
( अशाच एका गरीबांच्या अर्नॉल्डची आठवण झाली )
क्या बात, क्या बात, क्या बात....
अभ्या एक नंबर लेखन. मिथूनच्या फ्यानची गोष्ट निराळीच. आमचा एक मिथून फ्यान म्हणायचा मिथुनदाचं अपहरण झालं तर खेड्या पाड्यातून टेंपो भरु भरु जातील म्हणे शोधायला.
बाकी, लेखनाची शैली सुंदर. मिथून दादाचा फ्यान थेट पोहोचला. लिहित राहा भो. धन्यवाद
-दिलीप बिरुटे
सुंदर लिखाण..
डोळ्यासमोर उभा राहिला हा जी नाईन.
भन्नाट
भन्नाट
अभ्या भौ खतरा लिहिलय.
अभ्या भौ खतरा लिहिलय.
किन ऑबजर्वेशन लागत एव्हढ गहर लिहायला + खास तो अभ्या टच.
असे खुप डाय हार्ड फॅन बघितलेयत मिथुन चे.
येस्स! सही लिहिलंयस!!
"इथून तिथून मिथून!" हे अगदी प्रसिद्ध होतं तेव्हा...
असे बरेच केसांचं शिप्तर डोक्यावर घेऊन फिरणारे, कुठूनतरी पैदा केलेली लाल बील रंगाची जाकिटं आणि पांढरे चकचकीत बूट घालून फिरणारे बघितलेले आठवताहेत. त्याचा उगम असा मिथूनदाच्या सिनेमांमध्ये होता हे जरा उशीरा समजलं होतं.
शंकर्याचा शेवट मात्र चटका लावून जाणारा :(
काही गोष्टी अशा का याची संगती लावता येत नाही हेच खरं!
भन्नाट
लगा कं लिवलय, कं लिवलय.. जियो...
पुन्हा पुन्हा वाचले. वाखु
पुन्हा पुन्हा वाचले. वाखु साठवली.
ब्बाप्रे अफाट लिहिलय, प्रसन्ग
ब्बाप्रे अफाट लिहिलय, प्रसन्ग आला डोळ्या समोर अगदी :(
छान लिहिलंय. असेपण आपण फँन
छान लिहिलंय. असेपण आपण फँन आहोतच अभ्याशेठ यांच्या लेखनाचे.