अरे वा, योग दिन साजरा पण झाला का?

ब-याच देशांत २१ जून, मंगळवार, हा सुट्टीचा दिवस नसल्यामुळे १९ जून रविवार याच दिवशी योग दिवस साजरा करण्यात आला. तसे पाहिले तर कोलंबिया भारताच्या साडेदहा तास मागे आहे.

छान फोटू आहेत. मीही योग दिवस साजरा केला..............फेसबुकातील योगाचे फोटू पाहून!

उत्तम काम चालले आहे तुमचे ! सुंदर फोटो ! कोलंबियासारख्या दूरवरच्या देशात लोक योगासने करत असल्याची चित्रे पाहून आनंद झाला !

वाह खूपच छान! एक विनंती- कोलंबिया वर एखादी लेखमाला येऊ द्या. तिथल्या पर्यटन, संस्कृती आणि लोकांबदद्ल वाचायला आवडेल.

मस्त हो लालटोपी सर. आम्ही पण शासकीय मैदानावर साजरा केला. अ‍ॅक्चुअली मी योगाला नव्हे तर रनिंगला जातो. सो गुरुजींसोबत थोडे थोडे योगसाधन. फोटो मात्र नाहीत.

योगेन चित्तस्य पदेन वाचां, मलं शरीरस्य च वैद्यकेन। योऽपाकरोत् तं प्रवरं मुनीनां, पतंजलि प्रांजलिरानतोऽस्मि।। योगसुत्रांमधुन मनाचा, व्याकरणशास्त्रातुन भाषेचा ( अष्टाध्यायी ग्रंथ) आणि वैद्यकशास्त्रातुन शरीराचा दोष दुर करणार्‍या (आयुर्वेद) श्रेष्ठ मुनी पतंजलींना मी हात जोडुन नमस्कार करते. ह्या श्लोकाने आम्च्या योगासनांच्या वर्गाची सुरवात व्हायची. अमेरिकेत जिकडे तिकडे योगासनांचे वर्ग दिसतात पण अनेकदा तिथे वर्कऑट होतो, आसनं नाही. मोठ्या आवाजात गाणी लावुन त्यावर सेट्स करण्याला योग म्हणवत नाही. इथे एखादा अयंगार योग शिकवणारा क्लास असेल तर फार बरं होईल. एक प्रश्न आहे. मी ३-४ महिने शिकलेलेल आहे त्यामुळे आसनं माहिती आहेत, पण प्राणायम मात्र नीट शिकायचा राहुन गेला. पुस्तक वाचुन अथवा व्हिडिओज पाहुन प्राणायाम करावा का?

अगदी सुरुवातीला प्रशिक्षण घेताना शिक्षकाची उपस्थिती, मार्गदर्शन आवश्यक आहे तुमच्या क्षमता, शरीराची जडण घडण यानुसार शिक्षकाकडून शिकून घेल्यानंतर आपण पुस्तके किंवा इतर माध्यमांच्या सहाय्याने पुढील अभ्यास करु शकता सुरुवातीला मात्र योग्य शिक्षकाकडून शिकणे खरंच गरजेचे आहे.

तुम्ही मेडेलिनमध्ये म्हणजे एकदम ऐतिहासिक शहरात आहात. एकेकाळी हे शहर ड्रग्जच्या साम्राज्याची राजधानी होती. पाब्लो एस्कोबारचं मेडेलिन कार्टेल आणि ओचोआचं काली कार्टेल म्हणजे जागतिक ड्रगलाॅर्ड होते.

मस्त! चार महिन्यांच्या गॅप नंतर या महिन्यात पुन्हा चालू केलाय. पण सकाळी अंग थोडं सुस्तावलेलं असतं. मागच्या वर्षी तुम्ही दिलेल्या पुस्तकांच्या (अय्ंगार) पिडीएफ मध्ये एक उपाय असा होता की आंघोळ करून योगा चालू करावा. पण सकाळी दोनवेळा आंघोळ करण्याची चैन परवडणारी नाही आणि संध्याकाळी वेळ मिळत नाही. त्यामुळे सकाळी जसा जमेल तसा करतो.

तुमचं कौतुक करावं तितकं कमी पडेल ही भावना ते फोटो पाहून झालेली आहे, आपले हार्दिक अभिनंदन अन पुढील योगकार्याकरता भरभरून शुभेच्छा

सर्वच प्रतिसादकांचे मनापासून आभार! अभ्या, सोन्याबापू 'सर' नका म्हणू हो! आपल्या सर्वांचा मित्र म्हणुन राहण्यात जास्त आनंद आहे. पद्मावती, कोलंबिया खरोखरच खूप सुंदर देश आहे. याबद्दल मालिका लिहायला सुरुवात केली आहे एक दोन आठवड्यात मिपावर येईल अशी धमकी देऊन ठेवतो.

आवड्लं. -दिलीप बिरुटे