मला मिपा का आवडते? उर्फ माझी पण नर्मदा परीक्रमा....

मनातले बोललात !!

तुमचा मिपावावर प्रेरणादायी वाटतो.

मिपाबद्दलच्या तुमच्या भावनांना अनुमोदन.

च्यायला, कोण कुठली मानसं नात्यातली मानसं नाहीत पण मदतीला हजर. म्ज्जाय मिपा म्हणजे.
बाकी मिपा मिपा करू नका.मिपाचं काम प्रेयसी सारखं आहे, पहिल्यांदा तीच्या सर्व गोष्टी आवडतात आणि मग तू अशीच वागली, तू अशीच बोलली, तू हे कशाला केलं असं सुरु होतं पण तिच्या सर्व गुण अवगुणासह तिला स्वीकारलं की बस लाईफ बन गयी...! :)

च्यायला, या कुंद्यानं तुम्हाला इतका वेळ दिला :( सालं आम्ही वाट्स्पवर काही मेसेज की केला की दहा घंट्याने रिप्लाय करतो, सालं माझ्याच वाटेला वाईट अनुभव आहेत तर.... ;)

-दिलीप बिरुटे

जे भेटले ते चांगले वाटले (याचा खरा अर्थ अजून तरी वाईट अनुभव नाही ;) )
जे नाही भेटले ते कधीतरी भेटतील...जे कधीच नाही भेटणार "चिउ-काउ" ...त्यांच्यासाठी "नेट डिसकनेक्ट केलं जालीय नातं डिसकनेक्ट" :D

खूप छान लिहिता मुवि तुम्ही. मग ते "मुलांची शेती" असो, की "छगनलाल". अगदी मनापासून लिहिलेले आणि वाचनीय. हा लेखही सुंदर. तुमच्या मनात आतबाहेर काही फरक नाही हे माहित आहे. तुम्हाला मिपावर काही खटकलं तरी ते सांगण्याची तुमची पद्धतही एकदम अंगावर धावून जाणारी नसते. असेच रहा. आणि माझंही काही चुकलं असं तुम्हाला कधी वाटलं किंवा पटलं नाही तरी संवाद असाच चालू राहू दे.

खूप मस्त लिहिता हो मुवि तुम्ही!
अगदी आवडलं आणि पटलंही.

मुवि मस्त लिहिलंय.उत्तम ते घ्यावे,वाईट सोडुन द्यावे.मिपाधर्म सांभाळावा आणि वाढवावा हेच तत्व खरे!

मनापासून आवडलं...

मस्त मुवि.
छान मनोगत मांडलत.

जय मिपा आणि जय खरे मिपाकर......

याला अगदी +१००. आणि मी खरे पण आहे आणि मिपाकरही आहे त्यामुळे हे अधिकच पटण्यासारखे आहे :)

जय मिपा !

सुंदर मनमोकळे मनोगत !

आयुष्यात भावना प्रधान भेटलीच नाही कधी. नर्मदेतले गोटे आम्ही काय करणार. थोडेफार ओले झालो वाचून.

सुंदर लेखन मुवी !

मिपा खरंच मज्जा आहे :)

इथे चांगले अनुभवही येतात अन वाईट अनुभवही येतात .... आपण दोन्हीमध्ये साम्यावस्थे राहायला शिकलो की मह मिपावरच्या गप्पा अन नर्मदा परिक्रमा ह्यात काहीच फरक रहाणार नाही :)

जियो मु.वि.साहेब. आवडले.

नर्मदापरिक्रमा करणारे म्हणतात "मैयाला काही मागायचं नसतं ती देतच राहते."

क्या बात!

आता फेब्रुवारीला भेटूच!

मनातलं बोललात... मनापासून आवडलं...

आणी नेटके *ok* *OK* आटोपशीर प्रकटन.

सो टका खरे आहे...जय मिपा....

मुक्तक आवडले ! :)
जय नर्मदा मैया ! :)

मदनबाण.....

आजची स्वाक्षरी :-
Shocking CAG Report on Army, Ordnance Factories and Defence Public Sector Undertakings ! {पीडीएफ}
Huge stockpile of defective anti-tank mines hurts army ops: CAG report
As China Upgrades Navy, India Misses Deadlines and Busts Budgets
All About Arihant

मुविसाहेब, तुमच्यावर नाराज नाही हो आम्ही. ते मनातून काढून टाका. बाकी ते 'चिंचबव' मजेशीर होतं. बटाटेवड्यांसोबत तिखटजाळ मिरच्याच खाल्या जातात आमच्याकडेही. त्या पाकृत चिंच-खजुराची चटणी अशीच अ‍ॅड केली. दुसरं काय सोप्पं आणि मला जमेल असं सापडलं नाही म्हणून. अजून काय! जेवढं जमलं त्याने खुश होऊन स्वतःच्या नव्यानेच शोध लागलेल्या पाकृकौशल्याचा पहिला आविष्कार मिपाकरांसमोर मांडायला किंचित घाई केली. जाऊ द्या.

बादवे, तिथं मी लिहिलं होतं की वडे मस्त झाले होते, लगेच फस्त झाले. पण खरंतर ते मला एकट्यालाच खायला लागले, असे झाले होते! :-P त्यामुळे परत काही स्वयंपाकघराच्या वाटेला गेलो नाही! जाणार नाही!

(कोणी मिपाकर पुण्यात बटाटेवडे बनवण्याचे क्लासेस घेतात का? परत एकदा खुमखुमी आलीय! :-D)

(व्यनिचं उत्तर सावकाशीनं देईन. डोंट वरी.)

मुविकाका, लौकर महा-कट्टा अरेंज करा बॉ !
...एकमेका लोटांगणे घालायलाच हवी एकदा !

अगदी मनापासून लिहील, आणि आम्हालाही मनापासून आवडल.

मस्त लिहिलंय. आवडलं.

मिपाने खरोखर मला काय दिले असेल तर ते माझी मित्र-मंडळींची हौस भागवली.आपला पण एक सुंदर ग्रूप हवा.थोडी चेष्टा-मस्करी, थोडे वाद-विवाद आणि भरपूर खाणे-पिणे करता करता आपले ज्ञान अधिक सम्रुद्ध व्हावे, अशी मनापासून इच्छा होती.पथारी घेवून फिरलो बराच पण स्थिरावलो, स्थिरावलो म्हणण्यापेक्षा पसरली ती इथेच. १००% सहमत मुवी, अगदी माझ्या मनातले शब्द आले आहेत.

प्रतिसादही हुरुप वाढविणारे मिळालेत, आता याप्रित्यर्थ मेळावा कधी ???

मिपावर निरपेक्ष वृत्तीने मदत करणारी खूप जण भेटली . या धाग्याच्या निमित्ताने त्यांच्याबद्दलची कृतज्ञता व्यक्त करावीशी वाटत आहे .
गल्फ जॉब च्य शोधात असताना पेठकर काका, मुवि , कुंदन,मंदार कात्रे यांचे मार्गदर्शन खूप मोलाचे ठरले . काहीही ओळख किंवा आंजावर फार सक्रीय नसताना देखील त्यांनी सर्व माहिती दिली सर्व प्रश्नांना उत्तरे दिली. त्याची मोलाची मदत झाली.
डॉ. खरे यांनी सुद्धा माझ्या वडिलांच्या आजारपणामध्ये योग्य मार्गदर्शन केले.

गणपा , जागु आणि पेठकर काका यांच्यामुळे कुकिंग टिप्स मिळाल्या आणि लज्जत वाढली .

इथे खफवर दंगा करायला ओळ्ख असावेच लागते असे नाही.
असे अनेक मित्र मिपाने दिले म्हणून मिपा आवडते.

ऑफिस मधे कितीहि कामं (??) असली तरी मिपा उघडल्याशीवाय, वाचल्याशीवाय, ईथे मजेशीर प्रतिसाद दिल्या/घेतल्याशीवाय दिवस पुर्ण असा होतच नाहि. बोला मग कधी बसायचं कट्ट्याला?? नंदि पॅलेस वाट बघतय व्बॉ...

माझंही मिपाबद्दलचं मत थोड्याफार फरकाने तुमच्यासारखंच आहे. पण मी असं सेंटी वैगरे लिहायला लागलो तर 'अजि म्या ब्रह्म पाहिले' सारख्या प्रतिक्रिया येतात.

मिपाकर्स रॉक* एवढंच म्हणेन!!

*या रॉकवर दगड वैगरे सारख्या फालतू कोट्या कोणी करायला येऊ नये, आल्यास आमचे शाब्दिक दगड झेलायची तयारी ठेवावी. ;)

मुक्तक आवडले

मुवि लेख आवडला.
अत्यंत खेळीमेळीचं वातावरण, सर्वप्रकारचे उत्कृष्ट लेख, कविता, मार्मिक कोट्या, कधी हलकेफुलके विनोद, अगदी वादविवाद सुद्धा. आम्ही जरा जास्तच वाद घालतो. पर्सनली देखील घेतो कधी तरी. गुदगुल्याचं रुपांतर ओचकारण्यात होतं हेही ठाऊक आहे. पण ठीक आहे. वर्षाखेरीस सिंहावलोकन करावं म्हणतात. ते तेवढंच महत्त्वाचं ठरतं आणि शब्द वापरताना सिंहासारखं वागण्याची जबाबदारी देखील येते. सिंह नसलो तर सिंह बनावं अशी अपेक्षा देखील असतेच. शक्यतोवर प्रयत्न करुच.

बाकी मिपा छान आहे ह्यात वादच नाही. आवडते ह्याबद्दलही आक्षेप नाही.
मिपाचे 'कर्ते धर्ते' ह्यांना मिपाबद्दलचा अभिमान किंवा अहंकार सुद्धा आहे. असायलाच हवा. लोकप्रिय असं हे मराठी संस्थळ आहे. मला खटकतं ते एवढंच की खरंच मिपामुळे'च' (इथं कुठलीही सोशल नेटवर्कींग साईट घ्यावी) ह्या सगळ्या गोष्टी झाल्यात हे म्हणण्याबाबत. मिपा नसतं तर जमलं नसतं वगैरे काही आहे का?
कदाचित अस्थानी असेल पण असं एखाद्या गोष्टीबाबतचं अवलंबित्व कितपत खरं असतं?
काही जणांची अवस्था अशी आहे की मिपापूर्वी हे लोक काय करत असावेत असा प्रश्न पडावा.
मित्र किंवा मैत्रिणी मिपाकर, सगळ्या गोष्टी मिपापासून सुरु होऊन मिपापाशी संपतात.
म्हणजे मिपा नसतं तर आपल्या जीवनात भली मोठी पोकळी वगैरे निर्माण झाली असती काय?
(पुन्हा एकदा, मिपा हे फक्त नाव म्हणून घेतोय. चेपु, व्हॉटसअॅप, आणखी कुठली साईट असू शकते)

असं असूनही मिपा आवडतं यात शंका नाही. म्हणणारे मिपा आवडत नाही तरी इथे येतात, का येतात कुणास ठाऊक, आमंत्रण दिलेलं का वगैरे म्हणतील बहुतेक. म्हणोत.

माझी मराठी आंजा वरील मुशाफिरीला सुरुवात मिपापासुनच झाली. पण मेंबर आय-डी मिळायला फार वेळ लागला. तोपर्य़ंत मी "ऐसी" वर लिहीती झाले. "गमभन" शी जुळवून घेता आलेलं नाही हे मिपावर न लिहीण्याचं अजून एक कारण. तरीही मी मिपाला न नियमितपणे भेट देते. इथले लेख,फोटो,पाकृ,भटकंती म्हणजे मेजवानीच.

कधी कधी प्रतिक्रिया दिल्या तरी पूर्ण असं कधी काही लिहीलेलं नाही. पण एक गोष्ट आवर्जून सांगाविशी वाटते. मी काही महीन्यांपूर्वी "टेक्निकल रायटींग" बद्द्ल माहीती विचारण्यासाठी धागा काढला होता. त्याला अनेकांनी प्रतिसाद दिले. खास उल्लेख करण्यासारखं म्हणजे समीरसूर आणि मूवि यांनी आतिशय माहीतीपूर्ण आणि हिंमत वाढवणारे प्रतिसाद दिले.
थॅंक्स, मिपा.

आभासी जग नेटवरचे: काही आइडींचे नाव, फोटो काहीच नसते तरी त्यांचे लेखन आवडीने वाचतो.

श्याला ह्ये मुविपणना अस उगीच काहीबाही लिहुन जाते बगा. पण लिव्हते येकदम करेक्ट बगा!!

मला वाटतं की 'कट्टा' माध्यमातून ''आभास'' आणि ''वास्तव'' यांच्यातलं अंतर कमी होतं (जे काही वेळा त्रासदायकही होऊ शकतं!)

मिपा म्हणजे वाहतं पाणी आहे... जुने जातात आणि नवीन येत रहातात. तसं बघितलं तर नर्मदेची- नदीची उपमा अगदी योग्य आहे.

मिपावरच भेटलेले दोघे जण - ज्यांना अजून जाणून घ्यायला मला फारच आवडले असते आता इथे नाहीत. त्यातले एक - शब्दशः नर्मदा परीक्रमा करणारे- सहा सात महिन्यापूर्वी गायब झाले. दुसरे काल परवा....

:-(