डेबिट कार्ड मदत पाहिजे

त्यापेक्षा तुम्ही फॉरेन करन्सी ट्रॅवल कार्ड का घेत नाही? तुमच्या बँकेबद्दल ठाऊक नाही परंतु अ‍ॅक्सिस बँकेचे मिळते. मी वापरलेले आहे.

कुठे जात आहात? कार्ड डॉलर, पौंड आणि युरोत नक्की मिळते. इथे पैसे भरतीय चलनात भरायचे आणि तिथे त्यांच्या चलनात वापरायचे (प्री-पेड कार्डाप्रमाणे).

दुकानात खरेदी करताना क्रेडिट कार्डाप्रमाणे स्वाईप केलेत तर, तितकेच पैसे तुमच्या खात्यातून जातील. मात्र एटीएममध्ये रोख काढायला वापरलेत तर जादा चार्ज पडतो!

सुनील धन्यवाद.

सुनील यांनी सुचविलेला फॉरेन करन्सी ट्रॅवल कार्डाचा पर्याय तुमच्यासाठी सर्वात उत्तम, सोईचा आणि स्वस्त आहे.

तुमच्या मर्जीप्रमाणे एकूण ४०,००० अमेरिकन डॉलर्स पर्यंत परकिय चलन एक ते पाच वेगवेगळ्या चलनांमध्ये एकाच कार्डात साठवून ते वेगवेगळ्या देशांत वापरता येते. चलनबदलाचा महत्वाचा आणि परदेशात बेभरवशाचा ठरू शकणारा दर एकदाच भारतातल्या कार्ड देणार्‍या बँकेत द्यावा लागतो आणि हातात खर्चासाठी उपलब्ध रक्कम नक्की माहित राहते. कार्ड घेण्याअगोदर थोडा अभ्यास करून प्रत्येक देशात किती खर्च (खर्च + थोडि अतिरिक्त रक्कम) येईल ते ठरवलेत आणि त्याप्रमाणे प्रत्येक चलन कार्डात साठवलेत तर सहसा परत चलनबदल करण्याची गरज पडू नये.

मूळ कार्डाबरोबर अजून एक अतिरिक्त कार्ड मिळते. मूळ कार्ड हरवले अथवा इतर काही समस्या आली तर ते डिसेबल करून अतिरिक्त कार्ड चालू करणे शक्य असते... त्या प्रक्रियेची माहितीप्रत जवळ ठेवा. बहुतेक हे काम फोनवरूनच होते.

हे कार्ड बहुतेक सर्व मोठ्या खाजगी बँकात (Axis, HDFC, ICICI, इ) मिळते, एसबीआय मध्येही मिळत असावे.

भारतिय डेबिट कार्ड परदेशात वापरू शकता पण त्याचे चलनबदलाचे दर अवाच्यासवा असतात, तेव्हा सावधान !

स्टेट बँक ऑफ इंडिया च्या आंतरराष्ट्रीय डेबिट कार्डा वरून त्यांच्या नियमाप्रमाणे रोज १००० अमेरिकन डॉलर पर्यंत काढता येतात. परंतु अमेरिकेत मात्र त्यांच्या नियमाप्रमाणे कोणत्याही ATM मधून फक्त ५०० डॉलर दिवसाला काढता येतात . या व्यवहारासाठी २.५ ते ३.५ डॉलर इतके सेवा शुल्क कापले जाते. हे पैसे त्या वेळी असलेल्या चलन दराप्रमाणे तुमच्या रुपयाच्या खात्यातून तत्काळ कापले जातात.

Foreign Exchange Management Act