फसवणूक..

तुम्ही, तुम्ही असलेलं जगाला फारसं आवडत नाही... मग त्याला हवं तसं घडवण्यात वर्षे लोटतात... आता तुम्ही प्रिय असता, कारण तुम्ही जगासारखे असता... मग कधी निवांत क्षणांत, तुमचं खरं रूप हळूच बाहेर येतं, शेजारी येऊन बसतं... ते लाडकं असतं- फक्त तुम्हाला! त्याची आर्त नजर तुम्हाला छेदून जाते.. थोडीशी खूडबूड झाली, की त्या आर्त नजरेला ओलांडून जगाशी सामना करायला तुम्ही पुन्हा तयार... पण तरीही, 'तोतया' शब्दाचा अर्थ मनाला पटत नाही... (स्फूटंलेखन) -वेणू