वाचन संस्कृती लोपण्याच्या काळात,काहि व्यक्ति यासाठी हिरिरिने काम करतात.ही गोष्ट नक्कीच कौतुकास्पद असते. शिवाय ज्या भागात पुस्तकांची म्हणुन विशेष दुकाने नाहित तिथे तर अश्या कामांना अतिशय महत्व असते. हेच काम आज राज जैन यांनी सिंहगड रोडवर पुष्पक मंगल कार्यालय येथे १० दिवसांचे पुस्तक प्रदर्शन भरवुन केले आहे. वेगवेगळे बहुविध विषय,आणी दर्जेदार प्रकाशनं या दोहोंचा मिलाफ राज जैन यांनी उत्तम घडवुन आणला आहे. आज सकाळी ११ वाजता दिपप्रज्वलनानी या प्रदर्शनाची सुरवात झाली.प्रदर्शनातील कामाचा भार सांभाळणारा राजेंचा अंतरजालीय मित्र परिवार उपस्थित होताच,पण पुस्तक प्रदर्शनाचे उद्घाटन ,साहित्यिक श्री. राजेंद्र खेर ह्यांच्या हस्ते करण्यात आले. व्यक्तिशः माझा सहभाग समई भोवती फुलांची रांगोळी काढणे,एवढाच होता.पण आपण राहतो त्या भागात वाचन संस्कृती वाढवणारं काम होतय याचा आनंदही मनात होत होता. ज्यांना जमेल त्यांनी अवश्य या प्रदर्शनास भेट द्यावी/हजेरी लावावी ही विनंती. :-) पुस्तक प्रदर्शनाच्या उद्घाटन वेळचे काहि फोटो :-)