मी जेव्हा बालवाडीत होते... साधारण २०-२५ वर्षांपूर्वी... तेव्हा १ लहान मुलांसाठीचे पुस्तक होते माझ्याकडे, पाठपुस्तक नव्हे! त्यात लहान मुलांसाठी गोष्टी होत्या. पुसट पुसट आठवतायत. त्यान १ बदकाची गोष्ट होती. बदकाचे लाकडी घर - त्याला १ गोल खिडकी - त्यात ते पिवळे बदक - आणि पाऊस पडतो का काय अशी ती गोष्ट होती. नीट आठवत नाहीये. दुसर्‍या गोष्टीत बिस्किटे तयार करणार्‍या मुलीची होती. त्यात मुलीचे, तिच्या आईचे की मावशीचे, बिस्किटे की डोनट की त्यासदृश काहीतरी, गव्हांकूर यांचेही चित्र होते. वेगळ्या प्रांतातील अनुवादीत कथा असतात तसे काहीसे होते. मी त्या पुस्तकाच्या शोधात आहे. कोणाला आठवतेय का हे पुस्तक? कुठे मिळेल माहितीये का? एखादी जुनी वस्तू खूप वर्षांनी पाहिली की त्यावेळच्या सगळ्या स्मृती उजळून निघतात...