मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

मुक्तिदाता

श्रावण मोडक · · जे न देखे रवी...
लेखनविषय:
कविता
काव्यरस
शांतरस
अ-भाव, किर्र, काळा, शून्य, कभिन्न, अंधार! मनांच्या कल्लोळात, इंद्रियांच्या अविष्कारातही उच्चाराच्या अपेक्षेत, उद्गाराच्या प्रतीक्षेतही पाणावलेल्या डोळ्यांत, उकललेल्या पापण्यांतही विरलेल्या विस्मृतीत, दाटलेल्या आठवणींतही सुन्न एकटेपणात, समुहांच्या दाट गर्दीतही, निःशब्द रात्री, अबोल दिवसाही भारलेल्या जन्मकैदेत, आभास अन् अस्तित्त्वाचा अनासक्त मुक्तिदाता काळाकभिन्न अंधार!
वाचने 4207 वाचनखूण प्रतिक्रिया 14

दशानन Sat, 10/31/2009 - 14:37
:) ह्म्म्म ! ***** मराठी माणसावर मराठी माणसाकडूनच महाजालावर जोपर्यंत अन्याय होत आहे तो पर्यंत मी चचणार नाही

प्रभो Sat, 10/31/2009 - 15:59
निःशब्द रात्री, अबोल दिवसाही मस्त..... --प्रभो ---------------------------------------------------------------------------------- काय सांगावे स्वतः विषयी,आहात तुम्ही सूज्ञ !! एका सारखे एकच आम्ही,बाकी सगळे शून्य !!

टारझन Sat, 10/31/2009 - 16:14
असेच म्हणतो निःशब्द रात्री, अबोल दिवसाही मस्त..... --टर्बो

सहज Sat, 10/31/2009 - 16:10
एक एक दोन दोन शब्द असे येत रहातात जसे एखाद्या सिनेमाचा थिएटरमधे ट्रेलर बघताना शब्द कानावर पडत असतात. प्रवासातल्या अंधाराचे व्याकरण समजले असेल व नोंदी करुन परिवर्तनाचे गणीत न झेपून, सारे काही अशक्य केवळ वाटत असेल तरी तुम्ही लावा लावा पणती लावा कारण तुम्हीच बनु शकता मुक्तिदाता.

मराठमोळा Sat, 10/31/2009 - 18:34
श्रामो, कविता समजुन घेण्याचा प्रयत्न केला पण नीट काही लक्षात आले नाही. तरी कविता वाचावीशी वाटते. :) आपला मराठमोळा. कोणत्याही गोष्टीचा ताप येईपर्यंत ठीक असते, पण तिचा कर्करोग होऊ देऊ नये!!

सन्जोप राव Sat, 10/31/2009 - 19:46
कविता आवडली. कवीला जो अपेक्षित असतो, तोच भाव रसिकांच्या ध्यानात यावा असे नाही. प्रत्येकाला आपापल्या पद्धतीने कविता आवडू शकते. सन्जोप राव जगण्यात मजा आहे, तोवरच मरण्यात मजा आहे.

विष्णुसूत Sun, 11/01/2009 - 07:05
कविता आवडली आणि थोडिफार समजली हि ! वरील हे वाक्य हि आवडले: "जगण्यात मजा आहे, तोवरच मरण्यात मजा आहे"

राघव Mon, 11/02/2009 - 11:36
काय संदर्भ घेतलेला आहे ते माहित नसल्यामुळे नाही समजली. :( राघव