दोन मैत्रिणी वरती बघती डब्बे उंच रुळावर फ़िरती नागमोडी रांगांतुनी खाली गर्दी बघते उत्सुकलेली भय इथले संपतच नाही एक बोलली भयांकीतशी सखी तिची ऐकेना काही धीर देऊनी तिजला नेई गोलगोल रुळांवर फ़िरुनी चहुबाजुला रम्य पाहुनी वेगाची बहु नशा घेऊनी परी सम झाल्या दोघीजणी मी तुला म्हटले नाही? भिऊ नको मुळीच बाई धिटावली आता पहीलीही म्हणे काय मस्त मजाही भराभरा उंचावर नेई क्षणात खाली झोकून देई ओरडणे हसणेही काही धडधडाटी विरून जाई रूळ तिरके कोनात मांडले उंच उंच चढ चढू लागले खडखड गडगड डबे चालले शिखर बळे गाठून थबकले श्वास रोखूनी सारे बघती भयावह उतरंड समोरची उतरल्या वर चढून जाती वेढी तीन अन उलटी पलटी जीव जणू घशात अडकला गाडीने झणी वेग पकडला उतरून लागे पुन्हा चढाया गोल गोल कोलांट्या घ्याया आधी जी भीऊन म्हणाली भय इथले संपतच नाही उंचावून दोन्ही हात ठेवी मजेत खिदळत वेढे घेई सखी धीर देणारी मात्र ती थीजून बसली जीभ काढती छळ इथला संपेल का कधी भय इथले संपत का नाही? हाडे खुळखूळवून सर्वांची दुष्ट गाडी थांबे एकदाची उड्या मारूनी भराभरा ती सर्व उतरली मजे खिदळती पहीली म्हणते पुन्हा घेऊ ही? मजा मस्त नच भीती काही दुसरी अजून सुन्नशी पाही भय तिचे संपलेच नाही *****************