Skip to main content

माझी गाथा .....!

विशाल कुलकर्णी
प्रकाशित मुखपृष्ठ
लपवणे ते झाले सुरू, माझेच माझी यातना राम न उरला काही, आरंभीच संपली कथा ! नसे अभंग नामयाचा, नच विरहिणी मीरेची साकळली वेदना सारी, मी रचितो माझी गाथा ! विसरल्या सार्‍या श्रुती, अश्रुत भिजल्या आर्या जखमा सार्‍या ओल्या, मी घोकतो जुन्याच संथा ! ना स्मरे मंत्र आता, ना आठवते मज हरिनाम वेदनांचे हे वेद माझे, विसरल्या त्या जून प्रथा ! हे भोग मम प्राक्तनीचे, नकोत पळवाटा नव्या संपते जिथे दु:ख जुने, जन्मा येते नवी व्यथा ! विशाल.
याद्या 1780
प्रतिक्रिया 7
लेखनविषय:
कविता

मदनबाण 20/08/2009 - 09:56
विशालभाऊ संपुर्ण कविताच इतकी सुंदर आहे की ,कुठलं कडव विशेष आवडलं हे सांगणेच कठीण आहे !!! मदनबाण..... चट्यागो चझीमा चवडतीआ चलिकामा चतीहो. :) http://www.youtube.com/watch?v=z3z6limgwMo

ज्ञानेश... 20/08/2009 - 10:57
वा.. सुंदर कविता. शेवटची दोन कडवी जास्त आवडली. ना स्मरे मंत्र आता, ना आठवते मज हरिनाम वेदनांचे हे वेद माझे, विसरल्या त्या जून प्रथा ! "Great Power Comes With Great Responsibilities"