अंतराळ

अंतराळ हा तुझाच, पंख तुला स्वप्नांचे चंद्रबिंब प्रतिभेचे, तारांगण शब्दांचे या विशाल अंबरात उंच उंच विहरत जा साद देतसे दुरून आमंत्रण पक्ष्यांचे वाजते दिशांमधून मंद धून वा-याची, इंद्रधनू गुणगुणते भावगीत रंगांचे शांत या जलाशयात नाव बुडे किरणांची, भांडारच जणु लुटले कुणि सुंदर रत्नांचे पंखांवर नभ तोलुन मानस वाचत फिरते, बंधमुक्त पाखरू तुझ्या ऋणानुबंधांचे मनकवड्या पाखरास गुपित मुळी सांगु नको, अवघ्या काही क्षणांत होईल ते विश्वाचे!