तुझ्या जगात कधी असेन मी,नसेन मी...

तुझ्या जगात कधी असेन मी,नसेन मी...
पण तुझ्यात नेहमी असेन मी,नसेन मी...

संपतील डोळ्यातली आसवे सारी
तरी पापणीच्या कडेवर असेन मी,नसेन मी...

झटकून टाकशील माझा विचार..केसातल्या पाण्यापरी...
त्या बटांच्या सावलीशी .. असेन मी,नसेन मी...

विसरशीस मला दिलेले शब्द सारे तु..
तरी ओठांच्या किनारी असेन मी,नसेन मी...

काढुन टाक ह्रदयातून तू मला...
तरी आतवर खोल कुठे असेन मी,नसेन मी...

विसरून जाशील सर्व त्या क्षणांना...
अन् तरी श्वासात तुझ्या .. असेन मी,नसेन मी...