Skip to main content

चुप्पी !

लेखक चन्द्रशेखर गोखले यांनी सोमवार, 27/04/2009 10:38 या दिवशी प्रकाशित केले.
सूर्य दमला, जरा टेकला,
अवनीच्या मग, कवेत शिरला,
रंग बिरंगी नभाळ चादर,
अंगावरती लेवून पहुडला.

सृष्टीचे ते रूप आगळे ,
पाहुनी माझे "मी" पण गळले,
"मी" च नाही तर, "तू" ही कैसा..?
अद्वैताचे रहस्य कळले..!

नकोच आता काही -बाही
शब्दांच्या या कळा पुरे,
नि:शब्दातून अव्यक्ताचे,
रूप होतसे साजिरे...

ॐ चुप्पी !चुप्पी !! चुप्पी !!!

लेखनविषय:
वाचने 1397
प्रतिक्रिया 2

प्रतिक्रिया

उदय सप्रे सोमवार, 27/04/2009 11:48

झकास !
अपराध (बहुतेक!) नावाच्या मराठी सिनेमातील एका गाण्याची आठवण झाली.....
सुरावटीवर तुझ्या उमटती
अचुक कशी ही माझी गझले
कशास पुससी प्रश्न प्रेयसी
तुला समजले मला समजले !

अप्रतिम शब्द गोखले साहेब !