Skip to main content

प्रिया आज माझी..

लेखक सर्वसाक्षी यांनी सोमवार, 04/02/2008 21:00 या दिवशी प्रकाशित केले.
कवी यशवंत देव ( आणि अर्थातच माझी प्रिया) यांची क्षमा मागून प्रिया आज माझी नसे ताप द्याया नको बंध सारे नको टोचण्या त्या नको धास्ती आता कशा घाबरू मी हाकावे जरा दोस्त सारे प्रवाही सुरेवीण का रात्र जा‌ईल वाया जुने मित्र येता घरी बार होतो सुखे घोट घेता कुणी पार होतो पुराव्या कशा बाटल्या मोजक्या या न भिती जीवाला न प्राणास घोर कसा आज ओठात खेळेल धूर निळी चंद्रिका मित्र संगे पहाया अशा रंगविता मनी स्वप्नराती मधु मल्लिका माधुरी स्वप्नी येती कशाला उभी ’ती’ मधे भंग व्हाया
Taxonomy upgrade extras
प्रतिभा
लेखनविषय:
वाचने 7169
प्रतिक्रिया 13

प्रतिक्रिया

केशवसुमार सोमवार, 04/02/2008 21:07
साक्षीशेठ, तुम्ही सुद्धा?? आता आम्हाला नवा धंदा शोधावा लागेल..( काय साला स्पर्धा वाढलीय) असो.. एकदम कडक विडंबन. झकास..मान गये.. केशवसुमार

चतुरंग सोमवार, 04/02/2008 21:16
वा सर्वसाक्षी! जुने मित्र येता घरी बार होतो सुखे घोट घेता कुणी पार होतो पुराव्या कशा बाटल्या मोजक्या या क्या बात है!! "जाम" जमलेलं विडंबन!! चतुरंग

विश्वजीत सोमवार, 04/02/2008 21:16
मस्त विडंबन.

इनोबा म्हणे सोमवार, 04/02/2008 21:25
एकापेक्षा एक... सर्वसाक्षी लय जबरदस्त झाले हो! केशवा स्पर्धा वाढली रे! आता तू ही जोरदार तयारी कर...आणि येऊ दे असेच झक्कास विडंबन.

llपुण्याचे पेशवेll सोमवार, 04/02/2008 21:54
'नको धास्ती आता कशा घाबरू मी हाकावे जरा दोस्त सारे प्रवाही सुरेवीण का रात्र जा‌ईल वाया' क्या बात है.... मस्तच.. असुरावादी... डॅनी. पुण्याचे पेशवे

विसोबा खेचर सोमवार, 04/02/2008 22:30
साक्षीदेवा, लेको तू, नंदन, केशव, ओगले आणि इतरही मंडळी इतकी झकास विडंबने करता की तुमची एकाहून एक फर्मास विडंबने पाहून माझ्यासारख्या गद्य माणसाच्या मनात न्यूनगंड निर्माण होतो तसेच तुम्हा मंडळींबद्दल मनातल्या मनात 'जलनही' निर्माण होते! :) छ्या! भेंXX आम्हाला पद्यातली एक ओळ लिहिता येत असेल तर शपथ! :) (मिपाकरांनो, क्षमा करा. न राहवून तोंडातून शिवी निघाली! :)) साक्षीदेवा, विडंबन बाकी फर्मास हो! जुने मित्र येता घरी बार होतो सुखे घोट घेता कुणी पार होतो पुराव्या कशा बाटल्या मोजक्या या या ओळी सर्वात आवडल्या... आपला, (पद्याबद्दल मनात न्यूनगंड बाळगून असलेला गद्यलेखक!) तात्या. :)

सर्किट (verified= न पडताळणी केलेला) सोमवार, 04/02/2008 23:11
वा वा वा !!! सर्वसाक्षीजी, आपला हा कलागुण आजवर माहिती नव्हता !! जुने मित्र येता घरी बार होतो सुखे घोट घेता कुणी पार होतो पुराव्या कशा बाटल्या मोजक्या या सुंदर ओळी ! - (जुना मित्र) सर्किट

प्राजु मंगळवार, 05/02/2008 00:28
विडंबनकारांत आणखी एक भर पडली. मिसळपाव वर अशीच उत्तमोत्तम विडंबने येऊ देत. साक्षि.. मस्त झालंय हे विड्म्बन - प्राजु

चंपक बुधवार, 06/02/2008 19:50
साक्षी, अक्षी झकास इडंबन बगा! काय वो? मधु मल्लिका माधुरी...समद्या ? लय ना-इन्साफी हाये आवो,अशानं इतरांच्या स्वप्नात 'दुष्काळी कामं' काढावी लागनार! चंपक

सख्याहरि बुधवार, 06/02/2008 20:49
लई वन्टास ... मि.पा. वरील विडंबन हा माझ सध्याचा सर्वाअत आवडता विरंगुळा (टाईमपास) आहे. असेच लिहा ... आम्ही ही काहि स्फुरते का ते पहतो. .. -सख्याहरि

प्रभाकर पेठकर बुधवार, 06/02/2008 21:34
श्री. सर्वसाक्षी, जुने मित्र येता घरी बार होतो सुखे घोट घेता कुणी पार होतो पुराव्या कशा बाटल्या मोजक्या या अहो आमच्या सारख्या नव्या मित्रांना विसरू नका. निमंत्रणाच्या प्रतिक्षेत.

सर्वसाक्षी गुरुवार, 07/02/2008 10:38
सर्व रसिकांचे मनःपूर्वक आभार! वास्तविकतः काव्य हा माझा प्रांत नाही, मी ठार गद्य माणुस. बहुधा विद्वानांच्या घरचे पाणके देखिल संस्कृत बोलु लागतात तद्वत अनेक संकेतस्थळांवरील प्रतिभावंतांच्या प्रभावामुळे काही बरे लिहिले गेले असावे. अर्थात येवो वा न येवो लिहावेसे वाटले की लिहुन टाकावे हे बरे. असे चुकुन कधी काही कुणाला आवडुन जाते:))