Skip to main content

बाई मी पळाली (एक वैताग कविता)

लेखक मूखदूर्बळ यांनी बुधवार, 08/04/2009 12:05 या दिवशी प्रकाशित केले.

(शहरातल्या स्त्रीची व्यथा मांडण्याचा अयशस्वी प्रयत्न )

बाई मी गेली मॉलला
कार्ड घेऊन खरेदीला
मॉलच्या बाजुला ऑफर दिसली
भुंगा डसल्यासारखी पळत सुटली….

बाई मी गेली ड्रायव्हींग्गला
घेऊन पीयुसी हातात
कमीन्या गाडीची काचच फुटली
सोडली गाडी नी पळत सुटली….

बाई मी गेली डीस्कोला
पास नाय मिळाला पबचा
रस्त्यात श्रीरामसेनेची गर्दी दिसली
डीस्कोला न जाता पळत सुटली…..

बाई मी गेली मल्टीप्लेक्स्ला
तिकिट काढून थिएटरला
रामूच्या सिनेमानी नजर विटली
सोडला सिनेमा नी पळत सुटली…..

बाई मी गेली पार्टीला
सोबत घेऊन नवर्‍याला
वाटेत त्याला खबर भेटली
इन्कम टॅक्स ची रेड पडली……
डोकं धरलं नी पळत सुटली……

चू भू द्या घ्या

लेखनविषय:
लेखनप्रकार
वाचने 2456
प्रतिक्रिया 9

प्रतिक्रिया

सँडी बुधवार, 08/04/2009 12:08

मस्त मस्त!
अयशस्वी प्रयत्न चांगला झाला...:)
लिहित रहा.

-सँडी
एखादी गोष्ट विसरायला पण तिची आठवण ठेवावी लागते.

नरेश_ बुधवार, 08/04/2009 12:15

सहमत !!!!!!!
अवांतर : शहरी नवर्‍यांना कोणकोणत्या दिव्यातून जावे लागते ;)

जो कधीच चुकत नसतो , तो बहुधा काहीच करत नसतो :)

जागु बुधवार, 08/04/2009 12:16

बाई मी गेली पार्टीला
सोबत घेऊन नवर्‍याला
बाई तुम्हाला घेऊन गेली होती का ?

मूखदूर्बळ बुधवार, 08/04/2009 13:00

'गेली' काय 'गेले' काय 'योग्य' ठीकाणी पोहोचले की झाले :SS

प्रतिक्रीयांसाठी धन्यवाद :)

पक्या बुधवार, 08/04/2009 13:37

आपण माबो वरील केदार (kedar123) आहात काय?
ही कविता मी इथे पण वाचली होती - https://maayboli.com/node/6914
आपल्या कवितेची जी प्रेरणा आहे त्याचा उल्लेख करायला हवा होता.

मूखदूर्बळ बुधवार, 08/04/2009 14:35

मक्या नमस्कार :)

तो मीच आहे :)

मूळ कवितेचा उल्लेख अशासाठी केला नाही कारण त्याकरता तसे करण्यापूर्वी त्या कवीची परवानगी घेणे आवश्यक होते. त्याकरताच मूळ कवीतेशी संबंध न जोडता ही 'वैताग कविता' मी स्वतंत्र रचना म्हणून टाकली :)

चु भू द्या घ्या