Skip to main content

दुसरा कुणीच नाही....

लेखक जयवी यांनी रविवार, 22/03/2009 15:29 या दिवशी प्रकाशित केले.

पैशापरी जवळचा दुसरा कुणीच नाही
माणूस माणसाचा झाला कधीच नाही

गणगोत आप्त सारे जमले उगाच नाही
टाळूवरील लोणी उरले(पुरले) मुळीच नाही

शमले तसेच सारे देहातले निखारे
वणव्यास पावसाची नड भासलीच नाही

काळोख तुंबलेला दाही दिशात सारा
सूर्यात आग पुरती का पेटलीच नाही

डोळ्यात दाटलेले आभाळ मित्र झाले
पाऊस का सखा मग झाला कधीच नाही

सरणावरी कळाले उपभोग फार झाला
उपयोग जीवनाचा केला कधीच नाही

जयश्री अंबासकर

लेखनविषय:
लेखनप्रकार
वाचने 3901
प्रतिक्रिया 25

प्रतिक्रिया

श्रावण मोडक रविवार, 22/03/2009 15:36

शमले तसेच सारे देहातले निखारे
वणव्यास पावसाची नड भासलीच नाही वा.

डोळ्यात दाटलेले आभाळ मित्र झाले
पाऊस का सखा मग झाला कधीच नाही छानच.

सरणावरी कळाले उपभोग फार झाला
उपयोग जीवनाचा केला कधीच नाही उपभोग, उपयोग... सुंदर.

विसोबा खेचर रविवार, 22/03/2009 16:22

वा जयू,

सुंदर काव्य..! जियो..!

आपला,
(जयूचा फ्यॅन) तात्या.

मदनबाण रविवार, 22/03/2009 16:36

फारच सुरेख... :)

मदनबाण.....

"If debugging is the process of removing software bugs, then programming must be the process of putting them in." --- Unknown.

अनिल हटेला सोमवार, 23/03/2009 14:15

सुरेख !! :-)

बैलोबा चायनीजकर !!!
माणसात आणी गाढवात फरक काय ?
माणुस गाढव पणा करतो,गाढव कधीच माणुस पणा करत नाही..

प्राजु रविवार, 22/03/2009 19:12

जयूताई,
जबरदस्त गझल.
नवीन आणि वेगळ्या आहेत सगळ्या कल्पना. मस्तच
शेवटचे तीन शेर तर सगळ्यात खास!!
- (सर्वव्यापी)प्राजु
https://praaju.blogspot.com/

शिप्रा मंगळवार, 24/03/2009 12:06

सहमत
>>सरणावरी कळाले उपभोग फार झाला
उपयोग जीवनाचा केला कधीच नाही

सुंदर लिहिले आहे...

जयवी सोमवार, 23/03/2009 14:11

दोस्तांनो.....इतके सुरेख अभिप्राय........ खूप खूप सुखावले.......असंच प्रेम असू द्या :)

क्रान्ति सोमवार, 23/03/2009 19:17

काय बोलू? शब्द मुके झाले जयुताई! अप्रतिम!
क्रान्ति {मी शतजन्मी मीरा!}

जयवी मंगळवार, 24/03/2009 11:39

लिखाण जरी आत्मानंदासाठी असलं तरी.... कुणाला आपण लिहिलेलं आवडलं ही जाणीव फार सु़ख देते आणि तुम्ही लोकांनी ते मल भरभरुन दिलंत. मनापासून आभार लोक्स :)