Skip to main content

भूल

लेखक बेसनलाडू यांनी शनिवार, 07/03/2009 या दिवशी प्रकाशित केले.
पांघरायला विस्मरणांची झूल नको आता! आठवायला काटे पुष्कळ! फूल नको आता हवे करीअर, हवे प्रमोशन्, माडी अन् गाडी हवी 'मजा' प्रणयातसुधा, पण मूल नको आता मिटक्या मारत गिळून घेताना ओव्हनमधले, मऊभात, भाकरी ...?... धूर अन् चूल नको आता लपाछपीचे खेळ पुरेसे झाले, हे मृत्यो, पुढ्यात ये जर असेल हिंमत! हूल नको आता गंधित वारा तुझ्या गावचा - पण मी गुदमरतो (मिणमिणत्या श्वासास तुझी चाहूल नको आता) सुदैव माझे कुणी पळवले मलाच ना पत्ता, उरलेलेही लुटायचे तर भूल नको आता! मिठीत घे रे, कुशीत घे, विठ्ठला जरा आता नाळ जिण्याशी घट्ट करे तो पूल नको आता
Taxonomy upgrade extras
प्रतिभा
लेखनविषय:
वाचने 2696
प्रतिक्रिया 13

प्रतिक्रिया

सहज शनिवार, 07/03/2009
विकांताला व्हायचे फूल टु ठरवून का होतो लाडवा रे गूल बरे आता सटासट शिंका आल्यासारखी विडंबने / काव्य बेला? :-)

पिवळा डांबिस शनिवार, 07/03/2009
लपाछपीचे खेळ पुरेसे झाले, हे मृत्यो, पुढ्यात ये जर असेल हिंमत! हूल नको आता क्या बात है!!! आवडलं! जियो!!!!

मदनबाण शनिवार, 07/03/2009
पांघरायला विस्मरणांची झूल नको आता! आठवायला काटे पुष्कळ! फूल नको आता व्वा.. लपाछपीचे खेळ पुरेसे झाले, हे मृत्यो, पुढ्यात ये जर असेल हिंमत! हूल नको आता सॉलिड्ड... :) मदनबाण..... Be only positive and pure minded,for in such temples of the mind God loves to come and to stay. Paramahansa Yogananda. http://en.wikipedia.org/wiki/Paramahansa_Yogananda

अवलिया शनिवार, 07/03/2009
लपाछपीचे खेळ पुरेसे झाले, हे मृत्यो, पुढ्यात ये जर असेल हिंमत! हूल नको आता जबरा! मस्तच !! जोरदार आहे.. :) --अवलिया

प्राजु शनिवार, 07/03/2009
लपाछपीचे खेळ पुरेसे झाले, हे मृत्यो, पुढ्यात ये जर असेल हिंमत! हूल नको आता खास शेर!!! लाजवाब!! - (सर्वव्यापी)प्राजु http://praaju.blogspot.com/

शितल शनिवार, 07/03/2009
मिठीत घे रे, कुशीत घे, विठ्ठला जरा आता नाळ जिण्याशी घट्ट करे तो पूल नको आता मस्तच विडंबन :)

शितल शनिवार, 07/03/2009
बर कविता :) पण जे काही आहे ते आवडले. :)

क्रान्ति शनिवार, 07/03/2009
शेवटची कलाटणी अगदी वेगळी, प्रगल्भ! खूप छान! क्रान्ति

राघव रविवार, 08/03/2009
एक से एक शेर आहेत सगळे.. हवे करीअर, हवे प्रमोशन्, माडी अन् गाडी हवी 'मजा' प्रणयातसुधा, पण मूल नको आता मिटक्या मारत गिळून घेताना ओव्हनमधले, मऊभात, भाकरी ...?... धूर अन् चूल नको आता लपाछपीचे खेळ पुरेसे झाले, हे मृत्यो, पुढ्यात ये जर असेल हिंमत! हूल नको आता मिठीत घे रे, कुशीत घे, विठ्ठला जरा आता नाळ जिण्याशी घट्ट करे तो पूल नको आता हे खास आवडलेत.. :) मुमुक्षु

अनिल हटेला रविवार, 08/03/2009
सहमत !!! सुरेख कविता !!! :-) बैलोबा चायनीजकर !!! माणसात आणी गाढवात फरक काय ? माणुस गाढव पणा करतो,गाढव कधीच माणुस पणा करत नाही..