मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

नाळ

अनन्त्_यात्री · · जे न देखे रवी...
लेखनविषय:
कविता
मुक्तक
प्रश्न सुटता सुटता माय उत्तरांची व्याली प्रसवल्या उत्तरांच्या प्रश्नचिन्ह शोभे भाळी ललाटीचे लेकरांच्या वाचुनिया फुंदे माय, "प्रश्न घेऊनी जन्मल्या उत्तरांचे करू काय?" प्रश्नांकित उत्तरांची गाठ घडोघडी पडे एक सोडविण्याआधी नवा प्रश्न ठाके पुढे अनादि नि अनंत ही श्रेढी प्रश्न उत्तरांची चिरंतनाशी जोडीते नाळ क्षणभंगुराची
वाचने 1089 वाचनखूण प्रतिक्रिया 2

कर्नलतपस्वी Fri, 05/31/2024 - 08:53
जाळ झाला तरी नाळ तुटत नाय प्राक्तन भोगले तरी प्रश्न सुटत नाय क्षणभंगुर नाळ, नातं जोडते चिरंतनाचे किती फेडू म्हणता, कर्ज उरते अनंताचे कवीता आवडलीच.